賤男

偷食、家暴、扮好老公!18位歷代娛樂圈賤男大集合

娛樂

廣告

昨日34歲男子組合BOYZ成員張致恆(Steven)公開宣布結婚,但隨即被爆出未婚妻並唔係拍拖5年嘅女朋友,甚至一腳踏五船!娛樂圈生活五光十色,而且演員之間經常要拍親熱鏡頭,一個不小心真的拍出真感情,有不少男星現在表面上是好老公好爸爸,但原來都是曾經偷食的賤男,有第一次難免會有下一次,只能衷心祝他們現在的另一半好運了!馬上為大家盤點18位歷代娛樂圈不忠男藝人大集合。

撰文:K|圖片來源:微博、東方新地、電視劇照、電影截圖

18位歷代娛樂圈不忠男藝人大集合

1.張致恆

34歲男子組合BOYZ成員張致恆(Steven)昨日(25/7)公開宣布結婚與粉絲雯雯結婚,他更留言:「感恩,我們將踏入人生另一階段,謝謝你。」

唯公布喜訊不久,前年Steven與舞台劇女友梁皓恩(April)公開戀情,留言質問:「我呢?你會唔會覺得你有嘢要同我講?你想逃避到幾時,一個電話都唔面對?你所有衫褲鞋襪同所有野都仲係我度,你嗰啲愛我嘅message呢?先幾日仲有喎?你仲爭我好多錢,right?你唔打俾我嘅話,醫院見。」

爆出一腳踩多船

爆出張致恆未結婚先做爸爸後,引出多位「前」女友爭相回應,「第四者」Moon標記April表示:「他這些天也跟我說他愛我!唔該april覆ig私信。受害者不止你一個,宜家我d仲有兩個女仔等你。」「第五者」女友回應:「一個月前我都同你一樣,期後我諗通左,感恩可以俾我一早睇清楚呢個男人係負心漢,好過同佢組織家庭後先知,佢對你一個係咁,我相信佢亦都對其他人一樣,化卑憤為力量,專注工作,時間可以沖淡一切,我可以你都可以,加油」

2.許志安

今日突然爆出人夫許志安偷食黃心穎嘅影片,該段短片長約16分鐘,片段開首見到安仔、心穎和男友人坐在車廂後座,男友人堅持先送心穎返家,戴了黑色口罩的心穎竟爆粗反對:「唔好扮嘢啦!X你!兜X咗我先?」安仔都撐心穎先送男友人返屋企,冧爆的心穎搣了安仔耳朵一下,再向男友人爆粗:「你住邊呀?X你!」安仔即叫司機開車往大坑,心穎跟男友人說:「佢(安仔)送我返去呀。」

心穎主動蹺實安仔左臂整個人挨在他身上撒嬌,兩人更各用手袋遮掩偷玩十指緊扣。約3分鐘後男友人抵家預備落車,安仔話:「而家你走先,跟住我返我屋企,佢(心穎)返佢屋企。」男友人:「你講堅?」安仔:「係,堅。」惟當男友人落車後,安仔和心穎異口同聲跟司機說:「鯉魚門(心穎屋企)!」和安仔獨處時心穎馬上隔住口罩咀了安仔一啖,10秒後索性除口罩埋身攬安仔啜嘴。

咀完後,兩人繼續十指緊扣,之後隱約聽到心穎說:「so sad…我好悶…教徒」跟住拉開安仔隻手不再緊拖,安仔惟有順勢將手貼在心穎大腿上,3秒後忍唔住又撩心穎十指緊扣。由大坑到鯉魚門短短10多分鐘車程,「安心」連環激咀逾20次,全程由心穎採取「主攻」情挑安仔,不停攬他狂打茄輪,其中一次纏綿遊戲錫了近1分鐘,咀到啜啜聲,熱情如火的心穎邊咀邊將手放在安仔腿部附近游走。

當車輛駛入隧道後,心穎再次飛擒大咬狂咀安仔,咀完後忘形到連口罩都戴歪了,其間隱約聽到心穎說:「…返屋企,唔好驚喎!」就算在「休戰」空檔,心穎都「電兔」上身胸壓安仔,捉安仔隻手又捽又玩手指,甚至當安仔是攬枕,將左腳騎在他的身上,啜面錫耳,還用手指幫安仔抹走嘴上的唇膏,風騷入骨。

安仔忘記了自己的人夫身份,雖然9成時間都是心穎「主攻」,但安仔卻表現受落,還主動錫了心穎面珠一啖,更越坐越低,似乎擔心被隔鄰車輛發現,而心穎相當識做,咀完就戴口罩遮樣,又不停幫安仔拉下cap帽遮掩。雖然,當晚心穎表現看似有點醉意,更不時「鬼妹仔」上身大講英文,但差不多抵達目的地時,本來嗲聲嗲氣跟安仔說話的她,竟忽然轉tone跟司機說:「去到燈位轉右,唔該!」。而安仔有點疲態但未覺有醉意。兩人到心穎香閨後齊齊落車,後事如何佢哋最清楚!

二人車廂激吻一事曝光後,即被網上瘋傳及引起網民瘋狂討論,結果網民洗版鬧爆有婦之夫嘅安仔同有男友嘅心穎,心穎亦知事件外揚,即火速關去IG上嘅留言功能,不過避得一時避唔到一世嘅,始終要面對同交代發生咩事!

3. 黃文迪

呂慧儀與黃文廸於2018年離婚,七年婚姻最終破滅,這次的離婚消息一出雖然令人感到震驚!在呂慧儀和黃文廸的離婚聲明中,二人強調分開並不涉及第三者。不過有香港傳媒報導,指有讀者爆料,曾在巴士上看見黃文廸與一名女子表現親暱,惟該名女子並非呂慧儀,而是另有其人。

而早在2013年,黃文廸在社交網站上分享了一張拖手相片,而其中一隻手上塗有黑色指甲油,當時有傳該手是黃文廸的緋聞女友傅嘉莉的,不過呂慧儀最後公開表示對丈夫百分百信任,才平息了一場出軌風波。

4.黃子恆

黃子恆係近年大台上位小生之一,先後於兩大重頭劇《降魔的》(2017)和《飛虎之潛行極戰》(2018) 飾演奸角,演技備受讚賞,加上本來外型不俗,令佢多了不少粉絲!

《是咁的》演律師獲讚

上星期大結局的台慶劇《是咁的,法官閣下》,收視一般但觀眾評價甚佳,大結局一集更被視為近年少有佳作!劇中黃子恆飾演律師賴澤明表現不俗,與後輩麥明詩的感情線十分討好,成為受歡迎的一對螢幕情侶!

內地女粉絲爆料

不過日前有報道指,一位名為Michelle的28歲內地女子,自稱係黃子恆的忠實粉絲,透露去年4月在廣州粉絲聚會中,首次與偶像見面,之後二人一直透過微博聯絡。Michelle稱一星期後有禮物送俾黃子恆,所以相約於深圳一酒店式住宅會面。

送禮物兼發生關係

Michelle向傳媒爆料時表示,當時佢認為黃子恆係一個公眾人物,唔覺得對方係壞人,所以放心前去。最後兩人先後洗澡後,在床上發生關係。不過在發生關係後,黃子恆半年來都未有同佢見面,只係間中閒聊幾句,亦未提及二人關係。

回復朋友關係 再發生性行為

報道稱,Michelle與偶像發生關係後卻被冷待,傷心得足不出戶、茶飯不思,後來事件在粉絲群組爆出,黃子恆為平息事件,承認雙方是好朋友,不過中間發生了誤會。Michelle聲稱今年1月時二人回復朋友關係,7月又再相約在深圳見面,並發生了第二次性行為!

粉絲鬧爆「渣男」揚言要黃子恆失業

發生第二次性行為後,黃子恆再次玩失蹤,但Michelle不久後卻發現自己懷有身孕,但男方至今都未再有任何回覆。Michelle直斥黃子恆係一個「渣男」,誓要搞大件事,揚言要男方連工都無埋!Michelle表示手握對方做錯事而哭訴的語音檔案及留言,又稱將會選擇墮胎。

曾聲淚俱下道歉

Michelle又大爆黃子恆的語音檔,原來兩人玩facetime時,黃子恆曾以普通話及廣東話喊晒口道歉,內容大致上係講對唔住、好抱歉做出傷害對方之事,佢唔知道點面對,唔知道點樣去彌補。

黃子恆認曾發生關係:做足安全措施!

事件曝光後,男主角黃子恆接受傳媒訪問時,承認的確曾與Michelle發生性行為,但就只有一次,而且有做足安全措施,不介意去驗DNA以證明自己的清白。黃子恆又謂控制唔到對方做啲咩,只希望謠言唔好再散佈。子恆只承認兩人發生過一次性行為,且有做足安全措施!

2016年被指介入裕美婚姻

其實黃子恆都唔係第一次出現負面新聞了,2016年時佢被指介入裕美與老公林恩浩的婚姻,兩人被拍到一齊到街市買餸,期間男方更主動攬實女方腰!親蜜關係不言而喻。兩人買完餸後就返到男方位於西貢的村屋,兩人夾手夾腳準備晚飯,猶如新婚夫妻般甜蜜,最後裕美更留低過夜!

5. 周永恒

自認係人渣嘅世紀賤男周永恒(Roy)與趙頌茹(Yu)結婚不過4年,育有兩個女兒,一直在人前表現恩愛,但早年突爆婚外情,事緣阿Yu揭發人渣偷食,小三正是Roy模特兒公司拍檔、港視小花劉依靜(Ruby),同時人渣Roy家暴阿Yu,其後人渣Roy話想同阿Yu復合,但轉過頭又反口話要離婚同爭撫養權;更登阿Yu娘家家門,吐口水用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成,大快人心!去年底同前妻趙頌茹(Yu)正式辦好離婚手續,半年後就入紙申請再婚,12月18日周永恒和太太一起為兒子辦百日宴。

周永恆更因為女兒贍養費問題同前妻趙頌茹發生爭執。

6. 彭順

當年彭順背住李心潔於圓方同o靚模李悅彤(Liddy)密會,期間兩人肆無忌憚當眾拖手、啜嘴、搣胸、搭膊、攬腰乜都做齊,偷食斷正,彭順被網民鬧爆兼狂插係賤男。醜事曝光後,彭順即飛往馬來西亞箍煲,有傳心潔得悉事件後傷心痛哭,最後彭順與心潔就事件一起作出回應,而心潔最終選擇原諒老公,心潔咁大量,實在難得!

不過之後彭順都好似修心養性,李心潔更為老公誕下一對孖仔,二人不時在網上大晒cute 爆仔仔,希望你真心改過至好,話晒連你前妻個女都係李心潔幫手湊大,李心潔簡直就是天使。

7. 陳浩民

2011年被《東方新地》爆於橫店拍劇時藉醉狼吻陳嘉桓,又對佢上下其手,搞到要攜即將臨盆嘅太太蔣麗莎開記招,聲淚俱下向陳嘉桓道歉!在眾目睽睽之下,陳浩民硬拖著大肚妻子蔣麗莎上演大龍鳳不特止,短短七分鐘記者會中,陳浩民一哭二鬧三鞠躬四道歉,臨走時還作狀發軟蹄,要大肚妻攙扶,結果被網民罵個體無完膚!

事過境遷,蔣麗莎好好生養,為陳浩民先後誕下三女一子,希望陳浩民真心悔改做個好老公好爸爸!

8. 梁榮忠

一講「車震」,應該冇人會唔記得梁榮忠,有索女友鍾麗淇嘅忠仔,2005年11月被指經常車出車入多位女藝人,並且態度親暱。起初梁榮忠加以否認,直到狗仔隊影到佢以汽車載送朱慧敏到柴灣僻靜處並喺車上有親密行為,即被傳媒冠以「世紀賤男」稱號,事件令佢聲譽破產,幕前工作近乎零。

 

9. 林丹

外號「超級丹」的中國羽毛球好手林丹,與前中國羽毛球代表的太太謝杏芳被稱為羽壇的「神鵰俠侶」,謝杏芳今年11月4日更為老公誕下麟兒,一家三口樂也融融。直至11月17日,林丹被爆在太太懷孕期間與2009年環球旅遊中國小姐冠軍趙雅淇到酒店密會!林丹在房中攬實女方纖腰,更輕拍對方屁股,全程被斷正!老婆懷孕期間偷食,林丹你對得住芳芳嗎?

10. 羅嘉良

羅嘉良與前妻方敏儀是初戀情人,一同見證著由一名繪圖員變成一位人氣極高的視帝,在他憑著《難兄難弟》成為視帝後,他們就結婚。雖然羅嘉良和合作拍劇的女演員緋聞不斷,但是都雨過天青平穩度過,直到他在《完美結局》中遇上大陸花旦蘇岩。

 

《完美結局》劇照

2003年羅嘉良北上大陸發展,夫婦聚少離多,感情進一步轉淡,撈家決定分居,並在2008年初辦理離婚手續,正式結束28年情。有傳當年離婚係因第三者介入,撈家雖然否認,但相隔半年,撈家就宣布跟內地演員蘇岩將於9月結婚後誕下女兒,佢覓得第二春就開心,但有報道指前妻生活拮据為供樓同養仔,一份炒蛋多士分開兩餐食,慳得就慳。據說,現在羅嘉良的前妻和現任老婆的關係融洽,更是一齊食過團年飯。

 

11.超級冇品 魏駿傑

魏駿傑1998年與滕麗名拍《陀槍師姐》撻著,人前人後都好似兩公婆咁,情侶關係一直維持至2007年中,二人正式分手。當時圈中人都覺得好奇怪,原來魏搭上比自己年輕廿載的重慶女子張利華,翌年更火速跟張利華結婚生女。後來滕麗名爆魏駿傑婚後用短訊求復合,背妻再想搞前度,冇品王仲唔係你?!

不過去年5月時,張利華就被爆與前港隊單車名將鄧宏業暗中撻著,兩個人撐完枱腳去散步,男方幫張利華拎手袋仲攬埋腰,似乎關係匪淺。雖然兩夫妻曾因此事吵大鑊,不過之後佢哋已經和好如初,魏駿傑更豪擲千七萬購入獨立屋送畀老婆!只能說一物治一物。

12.郭政鴻

滕麗名與冇品王魏駿傑甩拖後,於2008年被爆與郭政鴻拍《桌球天王》演情侶,啜出真愛。當阿滕以為搵到個好男人,兩人發展迅速,成為公認一對,卻原來男方一直呃住阿滕結咗婚重生埋女,阿滕又被蒙在鼓裡,自己做咗小三都唔知!直至2010年9月被傳媒影到,阿滕才知道又愛錯人。

阿滕又索又正,可惜經常遇人不淑,2013年時跟圈外男友朱建崑結婚,終於覓得如意郎君!

 

13.洪天明

最後當然不少得近日疑似與辣妹開房的洪天明,平時在網上不停與太太晒恩愛,轉頭又拖著辣妹開房,最後竟然回應當時只是醉了正妹只是扶著他!不管怎樣,洪太相信就好。

14. 李潤庭

無綫《東張西望》主持李潤庭被爆趁任職空姐的太太Crystal出國工作時,不止一次與小三當街激吻摸Pat Pat,更公然一齊搭港鐵返屋企。李潤庭明目張膽帶小三登堂入室。新聞爆出後,小三極速被起底。小三Tiffany竟然是老婆同公司的前空姐同事,事後李生不但沒有認錯,竟口出狂言指太太事前一早知,再度辣㷫全港市民。之後搞到離婚兼停工 ,做咗雙失中佬四個月終於有得復工,點知佢死不悔改再被拍到與小三藕斷絲連,被永久雪藏,連份工都冇埋。

 

15. 倪震

2008年底,倪震被《東方新地》拍得背住女友周慧敏到蘭桂坊夜店尋歡,偷啜22歲城大女生張茆,當大家以為倪震夜場激嘴斷正,玉女周慧敏睇清楚男友真性情後會覺悟啦!點知事後竟獲周慧敏原諒,更戲劇性地結婚!

16. 陳山聰

2011年,陳山聰為追賭王千金何超雲,竟不惜跟47歲太太Ponny Yeung(楊渡萍)離婚,當年山聰為氹超雲開心,被傳媒踢爆同超雲於澳門酒店共度浪漫一夜,順道慶祝超雲22歲生日,更花數萬元送花送Chanel氹佳人。山聰期間除冧掂超雲之外,連賭王同三太一關都過埋,有指「獲得」賭王多次催婚。佢以為坐定粒六做硬何家女婿,點知於2013年,有報道指二人於倫敦炒大鑊,結果陳山聰變番窮山聰,入豪門撻Q!

17.吳忠義

藝人司馬燕因癌症逝世3年,司馬燕老公吳忠義早前在網頁貼上與新歡甜蜜合照慶祝二人拍拖2周年紀念,卻有不少網民看著為司馬燕感到心酸。因為在司馬燕患病期間丈夫吳忠義對她照顧入微,二人本是令人羨慕的模範夫婦,後來卻爆出吳忠義於太太在生期間已經有一名交往5年的情人,令吳瞬間由暖男變成賤男,其後與小三鬧翻,再另結新歡,不少網民都替司馬燕感到不值。

18.鄭俊弘

Fred 2014年認識富家千金Beebs,據知兩人好快就打得火熱,去到見晒家長的地步。一年後的2015年7月31日,兩人為慶祝拍拖一周年,包了七人車去到深圳瑞吉酒店,並book了一間兩層複式房間,不過book房同埋單都係由女友負責。去到凌晨12點,Fred就突然換上禮服手執戒指求婚,Beebs亦當場答應!點知男方居然偷食何雁詩,本來雙方都否認,突然二人又拖住手出來認拍拖(咁理直氣壯?)現時好似雙雙被雪藏。