杜雯惠陳錦鴻 助兒子衝破社交障礙

杜雯惠陳錦鴻 助兒子衝破社交障礙

在普天同慶的日子,陳錦鴻、杜雯惠(Ada)與10歲兒子陳駕樺溫馨度過,媽咪在家中細說冬日故事,爸爸則大講自己的過去,又將拍過的劇集變成兒童故事。為了照顧患自閉症的兒子,陳錦鴻和Ada減少工作全天候照料,知道兒子不喜歡擠迫嘈吵的環境,大時大節都會一家人靜靜的過,培養兒子其他興趣。現已是小五生的駕樺,特別喜歡閱讀,最近更愛上打乒乓球及短片製作,令陳錦鴻和Ada感到鼓舞。Ada對兒子的發展充滿信心,唯獨人際關係仍需改善,由於兒子難以表達自己,令他在學校受到同學排擠,甚至欺凌,在這方面Ada花了最大心力教導,她希望兒子學習社交之餘,其他同學也學懂共融,因為校園就是社會的縮影,社會就是充滿不同類型的人。

撰文:Ling

攝影:Sing Ho(部分相片由受訪者提供)
場地:ELEMENTS圓方

杜雯惠陳錦鴻 助兒子衝破社交障礙

杜雯惠以過來人身份勉勵同樣育有自閉症小孩的家長,思想要正面,多想孩子的優點,「即使正常小朋友都面對好多問題,家長都係好難湊,唔好覺得自己唔好彩先,佢哋都有好多優點,可以學習得好好,係睇你畀唔畀機會佢。」
杜雯惠以過來人身份勉勵同樣育有自閉症小孩的家長,思想要正面,多想孩子的優點,「即使正常小朋友都面對好多問題,家長都係好難湊,唔好覺得自己唔好彩先,佢哋都有好多優點,可以學習得好好,係睇你畀唔畀機會佢。」
杜雯惠大讚老公好顧家,多年來為妻兒勞心勞力,父子情深得猶如熱戀中的情侶,「有咩好得過見到老公同個仔咁愛大家,個仔每一日都話『我好愛你呀爸爸!』老公又話︰『我好愛你阿仔!』見到咁已經係我最大滿足感。」

講故事最有力量是爸爸

身為舞台劇演員和電台節目主持的Ada,與小朋友講故事有一手,更吸引到兒子愛上閱讀。近期Ada最愛講英國經典童話《雪人與雪狗》(The Snowman and The Snow dog),圖畫盡是雪景和可愛雪人,好有冬日氣氛,兒子也聽得投入。Ada指出其實故事書對小朋友並非靈丹妙藥,重點是講者與小朋友關係的化學作用。「其實小朋友聽到故事同童話,唔係一定會好開心、好有夢想,點解家長應該盡量抽時間同小朋友講Bedtime Story,係因為呢個係親近大家嘅好途徑。」好多家長與小朋友的所謂溝通,只流於關心學業方面,例如:「做晒功課未?聽日默書溫咗未?今日有冇曳?」這些不是真正的溝通,家長可以透過講故事與孩子進入另一空間開心談天,「故事嘅Magic就喺呢度!」Ada說。

Ada笑稱兩父子都很固執,很難和他爭拗,每次都是她讓步,「可能佢真係啱㗎呢。」
她又發現有日本報告指出,講故事最有力量的人是爸爸,為甚麼呢?「唔係因為爸爸講得特別生動,或者把聲特別好聽,係因為爸爸工作忙,接觸小朋友比較少,當佢肯抽時間同小朋友講故事嘅時候,小朋友會好開心。」

講《新上海灘》故事教選好女仔

爸爸陳錦鴻深明自己的力量龐大,每日都抽時間與兒子講「故事」,由自己的童年講到工作經歷,Ada笑說:「佢會講細個點畀嫲嫲同媽媽話佢,喺學校自己同同學經歷過啲咩,到依家阿仔大個,佢就講工作上嘅嘢,好似今日爸爸去咗邊度見咗咩人,工作成點呀。其實小朋友好鍾意聽,原來爸爸以前係咁㗎?」

父母的一切經歷都可化成故事,陳錦鴻連拍過的劇集也變成故事,20集已經有排講,Ada覺得老公講《新上海灘》最好笑。「《新上海灘》有成40集,佢將許文強同丁力嘅經歷,每晚抽重點同個仔講少少,個仔一瞓低佢就話講故事喇,今日講到第15集,個仔就記得提佢上集講到馮程程點點點。」

22年前的劇集《新上海灘》竟成為陳錦鴻的兒童故事。

Ada看到兩父子講故事會講到拖手仔和抱抱,不敢做「小三」,只會在門外偷看,見到兒子對《新上海灘》大感興趣。「透過許文強和馮程程的故事,老公又灌輸到拍拖嘅嘢,教佢點揀女仔,丁力嘅缺點原來佢身邊同學都有,都幾得意嘅。」

Ada來到ELEMENTS圓方為小朋友講故事,即日起至2018年1月1日,圓方的金區重現《雪人與雪狗》的故事經典場景,與雪人翩翩起舞,很有冰雪氣氛。

學業成績好社交能力較弱

喜歡寧靜的駕樺聽故事聽得多,自自然愛上閱讀,每朝一起身就看書,返到學校又在班房的藏書閣逐本翻閱,Ada提醒家長要培養小朋友閱讀習慣,絕不能強人所難,可以在家中營造閱讀氣氛,孩子一有空間就會拿起書本。「我老公好鍾意睇書,我都會買好多書擺喺屋企,畀阿仔隨時拎嚟睇。」

《雪人與雪狗》(The Snowman and The Snowdog)故事講述陪伴主角Billy長大的愛犬離世,小男孩傷心不已,在聖誕節期間大雪紛飛,男孩堆起雪人及雪狗,午夜12時,發現雪人和雪狗竟有了生命,三口子手牽手在星空中翱翔,展開一場冒險之旅。
Ada指《雪人與雪狗》故事簡單,愈簡單的故事愈難講,但這本書畫面豐富,每頁Popup精美,值得網購入手一本。

在主流學校讀小五的駕樺,小一曾考第一名,現時成績亦處於中上,以英文科最好,普通話和電腦科亦不俗,惟中文閱讀理解仍需努力,Ada對兒子的成績感到非常滿意。「其實就算考得尾都冇咩問題,我覺得讀書唔可以迫,應該喺開心、好想返學嘅情況下學習;即使讀書好叻,但覺得學習係一件苦差,我覺得唔係一件好事囉。」

好多家長不知道講故事從可入手,Ada建議家長不要給壓力自己,多留意孩子的喜好,並不要少看孩子的能力,選書要按年齡提升難度。

駕樺覺得返學OK,肯主動學習,Ada已經心滿意足,在學業上放手讓兒子決定一切,自己學業自己負責,惟兒子在社交方面仍需輔導。「佢仲未好識表達自己,有時唔小心撞到同學,佢就即刻講『對唔住,我下次唔敢喇。』但有時唔係佢撞到人,唔係佢做錯事,佢都照講對唔住,佢唔識得變通。我哋依家教緊佢唔係自己做錯事,就唔好道歉先,應該話畀人聽唔係你做。」

小二才學識猜情尋

駕樺至今朋友不多,因為他連一些簡單的玩意如猜情尋也不懂,沒有同學願意和他一起玩耍,Ada說:「佢到小二三先識猜情尋,佢識出包剪揼,但我出揼佢先慢慢出剪,我出包佢慢慢出揼,佢覺得贏咗人哋會唔開心,佢唔識同時間出,所以好難同人玩。咁簡單嘅遊戲我都用咗好多方法教佢,同佢講一個遊戲要有贏有輸先好玩,要同一時間猜先好玩。當然我都想佢同其他小朋友玩,但我唔會迫佢,佢覺得小息買啲飲品小食同人分享已經好開心自在,咁就繼續喺嗰個corner自己享受,等佢慢慢融入人群。」

兒子不喜歡嘈吵,Ada會讓他戴上耳機聽歌,玩玩手機,令兒子愛上科技,更學識了拍片剪片,證明玩手機只要玩得洽當,也益處多多。

由於社會文化有變,Ada認為現在校園欺凌的情況比以前嚴重,令她近年積極推廣相關教育,她認為社會大眾不應只關心受害者,欺凌的一方背後亦可能有家庭問題。「本身個小朋友開心,點會透過蝦人去得到快樂?一定係佢屋企有問題,或者有啲事影響到佢。」

陳錦鴻與駕樺父子情深,即使到外地工作也不停打視像電話,見少一面都不行。
兒子開始踏入青春期,陳錦鴻笑他識得貪靚,嚷着要減肥,還講到將來想結婚生仔。
陳錦鴻為照顧兒子停工多年,看到兒子開始懂得照顧自己終鬆一口氣,有興趣再拍劇,但不能演奸角,怕分析力較弱的兒子會誤會。

訓練孩子面對言語欺凌

Ada坦言兒子在學校「有畀人蝦」,主要是言語上,有時是兒子出問題在先,令同學有說話。但她不能事事出面擺平,要教導兒子如何面對和解決輕微的欺凌。「我問佢你想唔想畀人蝦?唔想就下次咁做就得㗎喇,你試吓吖!如果佢面對嚴重欺凌,令佢身體同心靈上受到好大打擊,咁我當然要處理,但暫時都冇,學校嘅小朋友都好乖,即使有啲同學會蝦佢,但好多同學都對佢好好。返到屋企佢會同我講學校嘅事,今日同學點樣,講完佢就去玩,第二日又開心返學,證明呢啲事對佢影響唔大啦。」

Ada表示與陳錦鴻的夫妻相處之道是互相包容,要記著對方的優點,不忘初衷,「要諗番當初點解你會揀呢個人。」

她建議同路家長,當知道小朋友遇到校園欺凌時,要想清楚三件事:對小朋友的影響、小朋友是否有責任、能否自己解決。「如果影響好大,當然要介入處理。校園係社會縮影,我哋始終要畀小朋友及早面對,我哋唔會永遠喺小朋友身邊,將來大個佢面對呢啲事,唔會係你幫佢投訴同鬧番人,佢都要自己處理。」

因為Ada有讓兒子打機、看短片,令他與同學之間多了話題。

揀學校最重要老師有愛心

小朋友的反應好直接,未必懂得接納有特殊需要的小朋友,需靠老師從中調解,Ada特別感謝學校老師的幫助。「好多老師都好錫佢,知道佢有好多問題,包括情緒、社交、論盡,老師會特別關注佢,例如佢好怕聽到鬧人聲,當老師想鬧人嘅時候,就會先同佢講:『老師唔係鬧你,我依家要鬧佢哋。』我覺得大部分老師都好照顧到學生。」看到老師有愛心,兒子多方面的進步,證明Ada和錦鴻當初選擇主流學校是正確的。「揀一間學校唔好成日諗名校,或者幫到將來升中學,其實一間學校最緊要老師有愛心,即使學校唔出名,小朋友都會鍾意返學。」

Ada現時是香港電台《訴心事家庭》的主持人,會找來專家為家長拆解種種難題,她尤其關注校園欺凌的問題,希望每個孩子都能有愉快的校園生活。
Ada和錦鴻已開始為兒子計劃升中事宜,至於繼續留在主流學校還是國際學校,他們仍未有定案,心儀國際學校的原因是校風比較接納特殊學生,老師的反應正面,著重特殊學生的優點,而且兒子熱愛英文;但主流學校是香港社會的縮影,讓兒子提早接觸是一件好事。

Ada曾參觀過一間國際學校,當老師聽到駕樺的情況後,即指出自閉症的他一定有其他優點,令Ada十分感動。她笑稱兒子除了英文好、愛閱讀之外,最近發掘到多種新興趣,主動提出學打乒乓球,更愛上拍片剪片和STEM教育(即科學、科技、工程和數學),駕樺將來隨時成為一個出色的IT人!

駕樺可能看得體育節目多,最近愛上打乒乓球,並要求父母買球桌及發球機,識打波的陳錦鴻陪打,驚覺兒子有點潛質,更為他找了教練好好培育。

下一頁:思考型爸爸森美 從旁觀角度看子女

更多精選內容