當奶爸一天，肚疼都冇得去廁所！！ 感謝平時老婆的辛苦T.T
然後想到前一陣子他回到家，看到一團亂的家，開口對我說的第一句就是：「你怎麼不收一收家裡？」 哼，所以你終於明白了嗎？！ 沒關係，明白就好!
以下 from 暴龍爸爸
今天渡過有史以來最充實而且辛苦的聖誕假期，因為老婆有野做成日唔喺屋企，暴龍的爺爺嫲嫲離港渡假，俾我今天做了一整日的超級奶爸！
雖然老婆話如果真係搞唔掂的話，她就唔去了，我說：唔使啦，平時兒子都好喜歡同我玩、好痴我身，我覺得應該搞得掂，一日啫！ （平時都有試過幾個鐘俾我湊）
但湊左成日，我先明白老婆平時真係好辛苦！
佩服老婆帶仔外出
心諗帶住個仔出門時間過得快啲，所以決定帶這小子出門，先發現我真係佩服我老婆佩服得五體投地！！ 到底她係點樣可以一個人帶阿仔、又攞住媽媽袋、BB車上巴士、搭地鐵的？！ 我一個大男人都覺得超狼狽，她係點做到的？！
如何帶孩子到餐廳？
去餐廳吃飯，她平時係點一個人做到的？！ 又要控制小孩唔東摸西摸、亂搞野，自己又要食，好有難度！ 今日我帶個仔出去食，自己幾乎還狼吞虎嚥食完就閃人！
（單手食飯對媽媽來講係家常便飯）
找地方換片困難
原來要搵個地方換片都唔易，搵左好耐先見到唯一有換片的地方竟然係女廁！ 點解男廁冇換片板啊？！歧視男人帶細路出街呀？？？ 所以最尾我係求其搵個隱蔽地方係bb車上換….
係啦，最慘莫過於係肚疼冇得去廁所！！！ 不斷問阿仔可唔可以俾爸爸去廁所，同哥哥玩（我朋友），阿仔不停話唔得，要同爸爸玩。最後忍左好耐，終於頂唔順，用絕招！就係放低部電話俾阿仔睇卡通（平時唔俾佢睇電話）解決，然後用9秒9 的速度去廁所去解決。
下午午覺時間兒子點都唔肯睡，真係搞唔掂！直到晚上7點，因為實在太累，他先肯睡他的第一次午覺（被老婆知道實殺死我）！
向媽媽致敬
老婆9點幾番到屋企，啊仔笑得好開心過去抱住老婆問媽媽去左邊，我覺得自己真的輸了，孩子的最愛是媽媽，我真的輸得甘願，太佩服我老婆了！
不過我都冇後悔咁做，自己雖然覺得好辛苦，但係同小朋友獨處的時光真係好珍貴，對小朋友又更多了解，也真係明白做啊媽真係唔易！ Respect!
更多台灣暴龍媽的香港育兒 x 玩樂 x生活日記在FB>>【港台混血小暴龍】
