陀B 6個月  李漫芬分享胎動奇妙一刻

陀B 6個月 李漫芬分享胎動奇妙一刻

今年二月,43歲TVB主持人李漫芬(Fanny)同圈外男友Alvin結婚,九月再宣佈造人成功,將會喺出年三月做爸爸媽媽啦!上月Fanny在活動中宣佈陀B女,仲話自己已經為B女改好名啦!日前佢仲分享胎動一刻,睇嚟囡囡好活潑喎!

 

撰文:Sunday Kiss
相片:fanny_man_fan_lee @IG

李漫芬分享胎動奇妙一刻

Fanny在社交網站分享胎動影片,仲留言話「奇妙的一刻」,有網民就留意到Fanny個肚陀得好靚,完全無紋喎!

Fanny上月同老公談成坤(Alvin)夫妻檔出席銅鑼灣一間火鍋店嘅開幕禮。近日氣溫驟降,老公Alvin貼心為完成司儀工作嘅Fanny披上外套保暖,甜蜜爆燈呀!

李漫芬

Fanny喺社交網站話肚入面嘅小寶寶好乖,完全冇影響媽媽做司儀,好抵錫呀!

李漫芬

Fanny啱原來已經一早為BB改好名!佢話老公喺未識佢之前已經為將來嘅BB改好名,叫做「談凱嵐」,而佢自己亦諗咗叫做「談在心」,所以會喺兩個名之中揀一個。至於點解叫做「談在心」?原來喺Fanny覺得同人講嘢要用心,而且會好窩心。

李漫芬

Fanny話自己已經開始睇育嬰書,做定功課。佢話BB五個月嘅時候已經開始聽到聲,老公Alvin每日都會同BB講:「爸爸返工喇!」,然後BB又實係會郁,令佢十分感動!

李漫芬

Fanny希望可以順產,亦希望老公可以陪佢入產房,見證難得嘅一刻。老公Alvin仲話諗緊會唔會親手為B女剪臍帶添!

李漫芬宣佈陀B女 老公陪開工超貼心

更多精選內容