相識十週年 張頴康:多謝老婆,令我嘅人生變得美滿!

相識十週年 張頴康:多謝老婆,令我嘅人生變得美滿!

張頴康麥雅緻兩夫婦經常晒恩愛,一家四口非常幸福。日前張頴康喺社交網站話同麥雅緻已經相識十週年,仲話多謝老婆令佢人生變得美滿,sweet到漏呀!

撰文:Sunday Kiss

圖片:張頴康麥雅緻Facebook

張頴康麥雅緻兩夫婦自從生咗2個小朋友之後,一家四口相當幸福。日前張頴康喺社交網站發佈咗同老婆嘅合照,話1月4號係佢哋兩夫婦相識十週年嘅日子!佢仲留言話:「今日1月4日!相識十週年喇!呢10年嚟,結咗婚,多咗兩個寶貝!多謝老婆,令我嘅人生變得美滿!我愛你!」真係非常幸福啊!

張頴康:「女,始終係好嗲嘅!」

張頴康早前喺Instagram大晒同囡囡「小豆」同細囝「小花生」嘅居家合照!見囝囝「小花生」好似大帝咁坐喺梳化上面,阿康就雙手搭喺囝囝身上,睇起嚟好似好疲倦咁!另一邊廂,囡囡「小豆」就好似糖黐豆咁,黐到爸爸實一實,成隻樹熊咁箍住爸爸大腿,唔怪得阿康話:「女,始終係好嗲嘅!」!返工幾攰都好,返到屋企見到兩個小寶貝就充滿電啦!

張頴康
唔知媽媽影呢張相嘅時候有冇呷醋呢?
張頴康
三父女睇電視睇到好入神,非常溫馨!

更多精選內容