郭羨妮一家三口幸福滿滿 遊箱根

郭羨妮一家三口幸福滿滿 遊箱根

郭羨妮(Sonija)自從2014年拍無綫劇《無雙譜》操勞過度不幸流產後,就開始淡出幕前專心湊女同調理身體希望懷有第二胎。雖然第二胎仲未有聲氣,但係一家三口仍然非常幸福,仲趁著新年去日本旅行添!

撰文:Sunday Kiss

圖片:[email protected]、郭羨妮微博、新傳媒圖片庫

一家三口遊箱根

郭羨妮小產之後就直接淡出幕前,專心湊女同調理身體,雖然到而家都未有第二胎嘅聲氣,但係囡囡Kylie又肥肥白白又精靈,作為媽咪嘅Sonija 咩唔開心都無啦!日前Sonija就趁著新年假期一家三口去日本玩,仲喺箱根留影添!

郭羨妮走出小產陰霾

14年11月,郭羨妮在微博自爆若果不是流產,11月本應是第二胎的預產期。據悉同年四月陀B兩個月,郭羨妮就因為拍攝古裝劇《無雙譜》過度操勞而流產。拍完該劇,Sonija乾脆讓《無雙譜》成為自己在無綫的告別作,離巢專心調理身子再努力過。做內地導演老公朱少杰背後女人,同養育5歲女兒Kylie,閒時才接拍港台劇、北上出席活動賺快錢。老公長期在內地拍劇,郭羨妮生活中心自然就以囡囡為主。

郭羨妮
3年前因拍劇期間小產,郭羨妮離巢專心調理身子再努力過。

 

郭羨妮
郭羨妮因為拍攝古裝劇《無雙譜》過度操勞而流產,她經過多個月心情才平復下來!

 

郭羨妮
郭羨妮和老公朱少杰育有一女!

調養身子再努力

其實14年小產後,當時已屆40歲的郭羨妮失望之餘亦都立即調養身子再努力過,一心趕尾班車生多個,湊成個「好」字。可惜停工休養、中醫針灸樣樣試齊,努力幾年依然冇聲氣,現階段她把心神都專注在Kylie身上,寧願推job都唔願北上搵人仔,據知情者透露:「Sonija依家幾乎退出咁滯,除咗想陪住個女成長外,佢仲想喺冇壓力之下發力追仔,而佢老公亦好配合,唔使開工盡量留港。」Kylie,現在5歲已經又靚又乖巧,Sonija生多個都肯定必屬佳品。

今年五歲的Kylie眉清目秀又有小小肉地有啲初出道張栢芝影子,日前郭羨妮上 載自己張小學學生相,同囡囡餅印一樣。

囡囡奪奬

郭羨妮半退休湊女,真係有回報,Kylie去年就勇奪芭蕾舞公開賽團體獎冠軍,捧住大獎杯同媽媽合照,相信郭羨妮甜在心頭。

 

老公捱出頭

15年離開無綫後,郭羨妮另簽經理人公司,全職湊女,間中才接港台劇過吓戲癮,而老公朱少杰亦都事業有成,劇接劇之餘,導演新作《龍珠傳奇》上線一日就話點擊破億。

郭羨妮

郭羨妮

郭羨妮
雖然流產對郭羨妮打擊甚大,好在結婚年來同老公朱少杰恩愛如昔,一家三口不時在微博放閃。

更多精選內容