同陳茵媺拒用體罰 陳豪:心理、生理上會受到傷害!

同陳茵媺拒用體罰 陳豪:心理、生理上會受到傷害!

陳豪、李佳芯、森美喺無綫劇集《誇世代》中有段三角關係,三人日前出席手錶活動時,阿Mo便上演一幕「左右逢源」場面,有美女Ali相伴又有森美摸手合照,認真搞笑。講到近日社會接連發生虐兒案,陳豪認為傳統中國人用體罰教仔,會傷害到孩子的心理及生理,佢同陳茵媺認為應多鼓勵子女,增強自信心!

原文:東方新地

圖片:新傳媒圖片庫

陳豪 同陳茵媺拒用體罰

談到接二連三出現虐兒案,陳豪除了大感心痛重,還說:坦白講我身邊依然有一小撮朋友,深信以前中國式教育方法,以前係打,傳統上覺得體罰係有效,令小朋友驚!依家我哋講小朋友嘅心理、生理上受到嘅傷害,我同我太太陳茵媺深信嘅教育係點樣去鼓勵佢,令小朋友有自信心,對將來返學或者說話完全係反映到出嚟!」

陳豪
阿Mo太太陳茵媺力撐老公「一定得」奪視帝,對此他冧爆說:「老婆一定撐我,正如我一定撐她。多謝她,且看有無運。」

「陳豪=家人!」

陳豪又話,佢同太太陳茵媺嘅手機日曆係同步,大家都知大家嘅行蹤,他說:「我現在育有兩子一女,所以兩夫妻之間日曆係同步,咁我哋先可以安排好我哋嘅時間湊小朋友,因為坦白講都幾多嘢做吓!如果我哋大家唔一致亂七八糟會好難安排!」被記者問到係咪冇私人時間,他笑說:「私人時間?晨早冇咗啦!依家係陳豪=家人!」

當小朋友係大人 解釋父母去向

自從2013年陳豪同陳茵媺結婚後,三年抱三。三年抱三追女成功,陳豪說過「有BB都係天賜嘅喜悅,有埋個女就係上天圓滿我嘅人生。」所以三個小寶貝都係二人的快樂泉源!陳豪同陳茵媺因為要照顧小朋友,所以直言好少時間可以二人世界,經常要分配時間照顧仔女,如果佢哋想二人世界嘅時候係會同小朋友去解釋爸爸媽媽去邊、做咩,會當小朋友係大人,等小朋友會有心理準備,唔會扭計話要一齊出去。

更多精選內容