西洋菜湯食譜:西洋菜陳腎羅漢果瘦肉湯|具止咳功效|抗疫湯水

西洋菜湯食譜:西洋菜陳腎羅漢果瘦肉湯|具止咳功效|抗疫湯水

呢個季節,最啱飲西洋菜湯,入口有少少回甘味,真係好正。當然煲好之後又可以食埋啲湯料,煲過嘅西洋菜真係特別好食呀!不過要注要做法,在水大滾後才落西洋菜,否則易會煲出苦味。另外,西洋菜具有通經的作用,能夠干擾卵子着床,阻止妊娠,有可能導致孕婦流產,孕婦都係少吃為妙。

撰文、圖片:小小豬Kinsey|編輯:Sunday Kiss

西洋菜湯加陳腎煲更好味 滋陰清熱

街市見到很多好靚嘅西洋菜,正好配埋我剛入貨嘅靚陳腎,所以就來一個滋陰清熱嘅西洋菜鴨腎羅漢果瘦肉湯!

西洋菜湯食譜:西洋菜陳腎羅漢果瘦肉湯|具止咳功效|抗疫湯水

西洋菜除左好飲外,其實都好有益。西洋菜性涼,含植物性纖維和多種維他命另外,仲有清熱潤肺、助咽喉炎、氣管炎、肺結核、扁桃腺炎及百日咳等功效。對於燥熱性的咳嗽,療效更為明顯。(網上資料)

材料:
西洋菜 一斤
陳腎 兩隻
紅蘿蔔 一個
羅漢果 半個
南北杏 一湯匙
蜜棗 三粒
果皮 一片

瘦肉 $30

西洋菜湯

先摘去西洋菜的根部,然後用鹽水浸一小時,中途最好換兩次水,因為西洋菜經常發現水蛭依附其上,一定要洗乾淨啲呀!
西洋菜湯

陳腎浸至軟身
西洋菜湯

羅漢果壓碎與蜜棗及南北杏一齊洗淨
西洋菜湯

果皮浸軟刮去皮瓤~
西洋菜湯

紅蘿蔔去皮切塊~
西洋菜湯

瘦肉汆水
西洋菜湯

煲內放約3公升水,隨水加入果皮
西洋菜湯

待水滾後加入所有材料(西洋菜除外)
西洋菜湯

西洋菜湯 要滾水落菜

等再次滾起後,先可入一半的西洋菜。一定要大滾先好加人西洋菜,否則煲出嚟嘅湯就會帶點甘苦味呀!
西洋菜湯

再次大滾之後,就可以加入餘下的西洋菜。
西洋菜湯

繼續用大火加蓋煲約30分鐘!
西洋菜湯

之後轉慢火加蓋煲多1.5小時。
西洋菜湯

最後加鹽調味,就可以飲得!
西洋菜湯

真係唔係自己讚自己,依個湯真係超級好飲,甘甘地又帶有少少甜,唔止我鐘意,小小豬都話好好飲,不過….佢就唔識欣賞,話啲西洋菜唔好食,真係俾佢激C。
哈哈哈…唔緊要啦,只要佢欣賞飲我啲飲就夠,西洋菜就留返俾我食啦(仲好….冇人同我爭食呀)!
溫馨提示:
由於個別人士體質不同,所以大家記得煲之前了解下自己,如有疑問,請先向註冊中醫查詢!

更多精選內容