囡囡扭計難戒夜奶 張嘉兒大嘆好心痛

囡囡扭計難戒夜奶 張嘉兒大嘆好心痛

幫小朋友戒夜奶是每一個家長必經的階段,前港姐張嘉兒近日喺社交網站發文,講起佢16個月大囡囡Leora戒夜奶的心酸經歷。

撰文:Sunday Kiss

相片:Mama College 張嘉兒 @Facebook

囡囡扭計難戒夜奶

原來今次唔係嘉兒第一次幫囡囡戒夜奶。嘉兒話:「6個月以來,小寶貝起身我都會埋身餵奶俾佢飲,上年暑假我喺溫哥華嗰陣時,試過成功幫佢戒到夜奶2星期。但係之後佢病咗,佢半夜醒嘅話我都會即刻比奶佢飲,返到香港佢有時差,我又會埋身餵奶等佢可以快啲瞓返。一般來講,其實佢需要我都會俾,因為我都覺得能夠可以親餵,係一種福氣,我亦都享受。」

 

點解今次下決定心要幫囡囡戒夜奶呢?嘉兒解釋:「佢都開始大個,同埋牙仔越來越多,都怕對牙齒唔健康。我亦都唔想佢太過倚賴飲奶然後瞓覺,其他人根本無辦法可以幫我氹佢瞓。所以尋晚決定又幫佢戒夜奶,結果佢同我掙扎咗一個半小時,最後飲住水瞓着咗。」

原來係上年11月,囡囡剛滿一歲進行第一次的牙齒檢查時就發現,Leora有初期的蛀牙徵兆。難怪,嘉兒表示對唔住BB都要堅持下去,仲話之後會開live繼續同各位媽媽分享過程。

今日,嘉兒又喺社交網站分享囡囡戒夜奶Day2的狀況,佢透露囡囡雖然都係有扭計,搞咗成一個半鐘頭先至瞓,但已經明顯比第一晚好,佢發現囡囡自己都有try hard,令佢大感安慰。同時,嘉兒又發現播音樂似乎有助眠效果,會繼續嘗試。

嘉兒呢段戒夜奶經歷都引起唔少媽媽的共鳴,唔少同為媽媽的網民留言訴苦相同經歷,又有網民幫嘉兒一齊加油打氣。

更多精選內容