【親子好去處】亞洲協會香港中心《香港賽馬會呈獻—道無盡:方召麐水墨藝術展》

專欄

廣告

唔講唔知道原來喺香港公園附近,有個叫「亞洲協會香港中心」同埋「香港賽馬會復修軍火庫」,今次真係長知識了。最神奇嘅係從何得知呢個地,因為我女人有個畫展好想睇…

就係呢個《香港賽馬會呈獻—道無盡:方召麐水墨藝術展》

一直都未有時間到這個展覽,起初以為在這條樓梯行上去就係展覽場地,原來呢度只係一家餐廳,不過餐廳環境都OK架,只係價錢就HOHOHO!

所以求其上嚟打張咭就算,不過都俾我哋見到呢棵古樹

其實呢度以前被英國殖民地政府將金鐘呢個地區劃作軍事用地,亞洲協會香港中心前身為舊域多利軍營軍火庫。
以皇后大道東為分界,東面屬域多利軍營,又稱域多利兵房,係香港昔日駐港英軍一個主要軍營。十九世紀中期英軍用以生產及儲存炸藥和砲彈;其後二十世紀初,皇家海軍接管並擴大使用範圍。軍營內部份建築物得以保留,舊三軍司令官邸(茶具文物館)被列為法定古蹟,另外幾座建築物被列為香港一級歷史建築。至2005年,亞洲協會香港中心正式接管並活化使用,
在剛才位置向上再行前些少就會見到「亞洲協會香港中心」的正門入口,入到去幾乎靜過圖書館,不過職員都知道每位入場朋友係去邊,所以我哋都未開聲,佢已經主動同我哋介紹藝術展點行

(圖片來源:Umagazine)
就喺旁邊搭Lift直上平台出口,經過空中花園,再行過「Z」康本橋,沿有蓋通道經過「復修軍火庫」就是了。

喺未搵到個展覽廳之前,我哋去到呢個「史帶-格林伯格樓(軍火工場舊址)」不過可惜唔入得去

外面有些導賞指示牌,大家可以用手機掃描 QRcode 睇到更多資訊介紹。

在護堤下有兩枚大炮可借打咭

終於行到去展覽場地,未入去都已經 Feel 到陣陣藝術氣息,行出行入都係D外國人,自己帶住小朋友嚟即刻有D笠水。

非常好的招待,入場朋友可以將隨身物品書包等寄存在接待處

因為哥哥在繪畫上特別有天份,所以時間許可又撞啱有展覽,就會帶佢嚟欣賞一下

場內歡迎拍照,只係有幾幅比較特別,係禁止拍照或拍片,在場有保安負責看守,超級認真!

展覽廳內都好有中國古舊建築特色,中間有門檻可以通往另一邊的展廳通道

未知哥哥識得欣賞幾多,但係老實講就算大人都未必識得欣賞,但係帶小朋友嚟感受一下,總係一件好事。即使佢哋冇咩耐性,尤其是呀芊行行下就叫住走,但係俾佢哋學習一下忍耐同安靜都係需要嘅!

平時比較少機會可以見到圖章玉璽,順道教埋哥哥少少歷史,等佢唔好以為古代人都係用原子筆寫字

離開展覽後,繼續向前行,就到另外一個地方,叫「麥禮賢劇場」及「照明廊」,原來真係一個劇場嚟㗎,仲可以喺裡面表演!

其實沿路都會見到地上有路軌,其實就係以前用作運送炸藥軍火的

還係見到有好多地方需要修葺

相信呢度每棵樹都老過你呀爺

兩兄妹自得其樂喺度扮火車跟住路軌行

到咗剛才護堤的另一邊,同樣有兩枚大砲!不過一大一細好攪笑

最後由「果蝠橋」行番落去接待處,又見到好有特色的空中花園流水設計

要兩個咁辛苦陪我哋去做D咁藝術嘅活動之後,當然應承番佢哋有放電時間啦,所以最後行番去香港公園玩多陣就閃人!

Photo byCANON 5D Mark IV,Len|EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分:7分

呀劍評語:平時成日去香港公園,真係唔知道原來呢個位有個亞洲協會香港中心,仲周不時有咁多藝術展覽睇,同埋最緊要係免費!假日去香港公園順便過嚟散吓步都唔錯㗎!

《香港賽馬會呈獻—道無盡:方召麐水墨藝術展》簡介

香港賽馬會呈獻《道無盡:方召麐水墨藝術展》敍述二十世紀中國女藝術家方召麐(1914-2006)的傑出藝術生涯 。展覽包括水墨畫和書法作品,展示方氏如何結合中西藝術教育和實踐,發展出獨創風格。方氏的藝術成就揭示了現代女性對於現代中國社會文化的貢獻。展覽由客席策展人沈揆一與安雅蘭,以及助理策展人黃熙婷合作策劃,並為亞洲協會香港中心二十世紀中國女藝術家系列之一。

展出日期(已完結)

27 September 2017 – 31 December 2017

地點

金鐘正義道9號

開放時間

星期二至日:11:00-18:00;每個月的最後一個星期四(只限展覽期間):11:00-20:00

電話

2103 9511

電郵

[email protected]

網頁

http://theartofchocolate.com.hk

(以上資料更新至文章當日)