流感肆虐 黃浩然囝囝都中招

流感肆虐 黃浩然囝囝都中招

近日流感肆虐,連黃浩然兩個囝囝都中晒招,黃浩然自爆細仔先被同學仔感染,之後哥哥亦開始發病,為咗唔好再交叉感染,佢哋一家四口都戴晒口罩瞓覺,好在病咗一個禮拜後,依家兩兄弟終於好番晒!

原文:東方新地

圖片:新傳媒圖片庫

黃浩然:除咗食飯都戴住口罩

3年前一場大病,令黃浩然醒覺家人及健康比工作更重要,最近寒流襲港,踏入冬季流感高峰期,而近日更有兒童死於流感嘅個案。日前黃浩然出席新劇宣傳活動時自爆兩個囝囝都先後中招感染流感,已有一個禮拜冇返學,好在依家已經好番晒:「係有個同學仔病先,然後細佬就中招,開始食藥,之後哥哥又開始有症狀,好彩我同太太冇事,我哋全家都戴晒口罩瞓,除咗食飯都戴住口罩保護自己,抖氣係有啲辛苦,但一定要係咁!」

講到新劇《平安谷之詭谷傳說》劇情驚慄,黃浩然笑言唔敢畀囝囝收睇:「佢哋會好驚,要等再大啲先睇得!」
黃浩然近日在熱播劇《平安谷之詭谷傳說》飾演村長兒子陸水豐,和劇中老婆陳凱琳決意要改變平安谷男尊女卑嘅現象。
唔使拍劇嘅時候,黃浩然不時一家四口出巡,大手拖小手,好溫馨。

日前黃浩然嘅太太莫家嘉上載和兒子賣旗的照片,兩個囝囝雖然好番,但賣旗時都有戴上口罩!

黃浩然熱愛運動,相信可增強抵抗力!
黃浩然與Kaka雖然工作各有各忙,但一家四口每逢生日或任何喜慶節日都會一齊慶祝,夫婦二人以身教讓兒子知道,家人永遠是最重要的。

陪兒子學習是大學問

雖然近日忙於宣傳新劇《平安谷之詭谷傳說》,但一有時間黃浩然都會選擇陪屋企人,最近佢大仔Kayden入讀傳統名校華仁小學,面對香港讀書壓力,黃浩然刻意減產,負起培訓兒子重任,得閒更會帶兩個囝囝去公園放電、跑吓咁,等佢哋玩得盡興就冇事,自己試過好多方法,但暫時呢個方法係最好。工作好忙碌嘅佢都唔係將照顧家庭嘅負任全交畀老婆,佢話好彩最近有一個假期可以陪伴囝囝,多一啲時間陪佢哋都會令父子感情增加。

##embed-label-5##

##embed-label-6##

##embed-label-7##

親自湊仔返放學

加入無綫多年一直搏殺拍劇的黃浩然,14年患上罕見的「貝賽特氏症」要停工養病一年,康復後他不再盲目衝刺,選擇一切以家庭為重,為了有健康的身體照顧太太莫家嘉(KaKa)及兩個可愛的兒子(6歲Kayden及4歲Ransley),黃浩然放棄演藝事業上的鬥爭享受慢活。黃浩然對住囝囝是個溫文的絕世好爸,陪讀書陪遊戲,軟硬兼施親力親為湊仔。

##embed-label-8##

##embed-label-9##

更多精選內容