再晒囡囡畫作 王浩信:這是最好的禮物

再晒囡囡畫作 王浩信:這是最好的禮物

相信每一位父母都會好好收藏仔女的畫作,出爐視帝王浩信(Vincent)都唔例外!上星期Vincent上載過囡囡QQ的勞作,今日又再上載QQ畫作,不過今次有啲唔同,因為係特登畫俾爸爸㗎!

 

撰文:Sunday Kiss
相片:vincentwong07@IG

畫作中,一個大男孩拎住獎座,笑容滿面,上面仲畫咗TVB 50周年的標誌,周邊仲有心心的星星相伴,相信QQ係畫緊爸爸拎視帝嗰一刻嘅畫面啦!畫得咁靚,難怪Vincent都留言話:”This is my best prize for winning the award. Thanks Q!”

上星期,Vincent都上載咗QQ的勞作,寫到:This is Art #QQ,網友們都紛紛大讚QQ有藝術細胞呀!

整得咁靚,爸爸一定要好好收藏呀!

Vincent早前接受訪問坦言自己上年的確少咗時間花喺屋企,所以頭家交埋俾Yoyo打理,能夠打頭家打理得井井有條,等老公可以放心出去拼搏,Yoyo絕對係個好老婆啦!

Vincent坦言:「呢一年,我返屋企嘅時間係相當之少,呢樣嘢我係做得唔夠好,希望我屋企人體諒。我諗嚟緊可能花啲時間去旅行,阿女依家大個、懂性、享受到假期,希望可以同佢哋一齊去旅行。」

更多精選內容