半夜泵完奶倒瀉晒 官恩娜:終於知道咩叫做欲哭無淚

半夜泵完奶倒瀉晒 官恩娜:終於知道咩叫做欲哭無淚

官恩娜 (Ella)2015年下嫁中法混血丈夫Juan-Domingo Maurellet,婚後誕下兒子BéBé G,今個月誕下囡囡BéBé A(Aurélie),一兒一女湊成「好」字。Ella婚後放下了音樂事業,一心相夫教子,甚少在幕前演出。再為人母,Ella經常在社交網站分享當母乳媽媽的心路歷程,看得出她非常享受當媽媽的樂趣。
撰文:Sunday Kiss

相片:官恩娜@IG

官恩娜 半夜泵完奶倒瀉晒

日前,Ella在社交網站分享了佢餵人奶的慘狀。片中可以看見,Ella呢段心酸經歷,佢話:「半夜泵完奶諗住畀個女食,點知入口之前全部倒瀉晒……終於知道咩叫做欲哭無淚……」「喊都冇用,只好埋身再餵,阿女終於瞓咗,等我食啲榴槤,陣間再努力過!」

做咗媽媽果然唔一樣,正能量滿滿啊!

儘管Ella倒瀉奶之後感到欲哭無淚,不過見囡囡吃飽飽樣子咁可愛都忍唔住幫佢影翻張相。

見到囡囡BéBé A咁得意,相信Ella應該心情即刻好曬。

心痛囡囡瞓唔好

已出院休養的Ella,本來應該開開心心坐月同湊B女,但佢昨晚喺網上大吐苦水。原來樓上在Ella臨生前幾日開始裝修,直到近日工程依舊未完成。佢又補充話,明白人人都有權利裝修,只係惟擔心鑽牆聲影響囡囡休息,仲高呼「好想上去跪佢哋唔好再鑽」,加埋一堆痛哭表情符號,睇到都戥佢同BéBé A心痛。

更多精選內容