【二小姐生辰】紅噹噹遊 迪士尼新春市集

【二小姐生辰】紅噹噹遊 迪士尼新春市集

胡家二小姐六歲生辰,適逢新春佳節臨近,賀壽首選,「迪士尼新春市集」是也!☺

今次特別啲,玩足兩日一夜,因為入住迪士尼酒店有 fast pass 送,有得優先玩遊戲,睇 show 優先揀位,3 姊弟可以舒舒服服玩勻所有景點,食勻麥芽糖米奇多士、米奇砵仔糕、雞蛋仔等香港地道小食,仲同著住賀年服裝嘅卡通人物瘋狂合照。

雞蛋仔好好味:

小記者 Keicy 介紹卡通人物新年服裝:

最開心係二小姐 Kassy 收到迪士尼送嘅窩心禮物,包括酒店房內嘅靚靚小擺設,同酒店大堂電子顯示屏嘅生日祝福,真係好有心思,多謝晒!

Hea 住玩 更寫意


我身為家長,就最鍾意酒店畀嘅泊車 pass,有咗呢個 pass,可以揸車去勻成個園區,鍾意邊度停就邊度停,既然咁筍,當然要去晒咁多間酒店啦,唔止睇到全部換晒靚靚農曆新年佈置,仲方便安排行程。

我哋第一日下晝入迪士尼大街玩一陣,6 點左右去「迪士尼新春市集」感受新年氣氛,裡面有賀年風車、新年吊飾、同限量發售嘅新春福袋 / 特色紀念品,鍾意熱鬧嘅 3 姊弟,好鍾意市集嘅氣氛,襯晒佢哋呢身紅噹噹嘅過年 look 呀!

Keicy 即玩靚靚賀年風車:

Kassy 最鍾意嘅新年毛公仔係……

小朋友最鍾意 DIY,卡通人物 crossover 新春祝福,無論咩生肖咩年紀都鍾意!

夜晚就出返酒店食自助餐,因為 Kassy 生日,所以有好多卡通人物同佢影相+切蛋糕!

慢慢嘆完美食,再慢慢返酒店休息,第二朝小朋友好有精神,仲好自動自覺,比平時更快食完早餐,因為迪士尼樂園就喺隔離,好心急想快啲去玩!

呢個時候,我梗係拖返慢啲個節奏,慢慢食我個靚早餐啦,唔好比 3 姊弟太 chur,太快用晒啲 energy。

估唔到呢招真係 work!3 姊弟唔使瞓晏覺,玩足全日!

入住迪士尼酒店 夠方便
如果冇住迪士尼酒店,由屋企出發,好可能比較晏先入場,睇得 show 嚟,未必玩得切遊戲,但係呢日放慢腳步,11 點就入到園區,用埋 fast pass,慳到好多時間,可以睇好多場 show,玩好多遊戲,夠晒充實!

加上 Kassy 有個生日牌牌,好多卡通人物、工作人員都專誠走嚟同佢講 happy birthday,仲比平時收更多貼紙,唔少都係新春主題,紅噹噹好意頭,氹到壽星女好開心呀!

「行年宵」係香港人嘅新年習俗,「迪士尼新春市集」唔止同年宵一樣有得食買玩,更為 3 姊弟帶嚟各個卡通故事嘅窩心感覺。

各位家長可以好似我咁,住一晚迪士尼酒店,玩得輕鬆寫意之外,攞埋賀年主題禮品,例如拖鞋、小佈置,同精緻個人用品包,3 姊弟見到咁靚,都即刻話想要呀!^^

 

喺度拜個早年,祝大家:

 

FB: KeicyKK

更多精選內容