首晒囝囝正面照 賴慰玲:阿仔你真係識笑?

首晒囝囝正面照 賴慰玲:阿仔你真係識笑?

賴慰玲(Winki)囝囝就快兩個月大,尋日佢就首次分享囝囝的正面照,網民但紛紛留言話:「好靚仔!」仲話囝囝雙眼皮好深好靚呀!

 

撰文:Fiona
相片:laiwinki@IG

做咗媽咪兩個月的Winki日前加入晒娃一族,佢分享囝囝萌照之餘,仲留言話:「仔呀仔,到底你真係識笑?定係面部肌肉練習呢?」原來呢一「笑」,搞到媽咪「心都溶埋」,真係好Sweet呀!

同契媽們約會

日前,Winki仲帶埋囝囝同一班好姐妹約會!陳瀅同陳嘉寶都都攬埋BB一份呀!

其實BB上個月都有份「慶祝」契媽陳嘉寶生日㗎!

囝囝坐「嬰兒車界勞斯萊斯」

早前,Winki帶囝囝「出巡」,見佢身穿一身黑色上衣,牛仔褲配上運動鞋,產後絕對不失風采。面尖尖嘅Winki推住的BB車為英國皇室御用品牌Silver Cross,被譽為「嬰兒車界勞斯萊斯」,睇嚟囝囝人仔細細已經過住有如小王子般的生活!

除咗Winki,胡杏兒囝囝都用緊呢款BB車!唔講唔知,伊莉莎白女王、查理斯王子、威廉王子、到王妃凱特的喬治王子都係坐著這品牌的BB車長大。

胡杏兒

每天叫醒我的是嬰兒喊聲

自從囝囝出世之後,Winki變成廿四孝媽媽,為咗俾最好嘅嘢囝囝,Winki決定餵母乳,仲話:「從前, 每日叫醒我的叫夢想;現在, 每天叫醒我的是嬰兒喊聲。」提醒Winki要起身餵奶呀!

產後收起豪邁 母愛滿瀉變溫柔媽媽

初為人母嘅孫慧雪(雪雪)早前分享同蔡思貝一齊探Winki時嘅合照,仲大爆自己曾經叫Winki快啲生!雪雪話:「記得嗰陣大住個肚叫你快啲生啦!你話:好!今晚即刻試!」點知又真係緊隨其後即刻有咗BB!雪雪形容初為人母嘅Winki一副慈母相,比起佢一直認識,一向性格豪邁嘅賴慰玲,簡直係脫胎換骨!雪雪話Winki對眼完全冇離開過BB,見到咁樣都好替佢開心,仲話以後要一齊為為佢哋嘅媽媽路而努力呀!

Winki產後仍然好精神,容光煥發,三人仲咁啱一齊戴上紅色頭飾,襯到絕呀!
雖然蔡思貝未做媽媽,但對住BB都一樣母愛滿瀉。

Winki話自己初初懷孕時除咗上網同睇書搵資料,亦有搵雪雪上堂學嘢,仲叫對方做「懷孕達人」!

賴慰玲

賴慰玲生咗BB,好友陳嘉寶同陳凱琳到到醫院探望,陳凱琳仲做BB嘅契媽㖭!

陀B 9個月留倩影

同唔少孕媽媽一樣,Winki都有趁懷孕留倩影,Winki接受訪問時話自己初初都冇諗過會影得咁性感,但由於相片係出自佢嘅一位女攝影師朋友,佢都好放心同有安全感。佢話雖然越影越性感,但係呢種係健康性感,可以凸顯出孕婦嘅線條。

賴慰玲黑白色相片風格唯美,呈現出準媽媽的另一種美。好姐妹何雁詩大讚Winki再度發育,Winki就搞鬼回應話雁詩妒忌佢嘅完美身材。

賴慰玲

Winki陀著七個月大肚和舞台劇演員丈夫梁子峰簽紙結婚。Winki陀著七個月大肚和舞台劇演員丈夫梁子峰簽紙結婚。

18歲起許願︰想快啲做媽媽

現年31歲的Winki一直希望盡快組織家庭,她自18歲起年年許下同一生日願望︰「我要快啲做人阿媽,快啲生BB!」Winki笑指所有朋友都知道她恨做媽咪,所以對她未婚懷孕也不感驚訝,紛紛送上祝福。

《女人俱樂部》一班「M Club」少女在現實中也成為好姊妹。

Winki早前接受訪問時表示會盡做個輕鬆媽媽,不會為小孩規劃過多,「每個人成長都係自己經歷,獨自面對好多嘢,先成為我哋依家呢個人。小朋友成長都一樣,不論成功與失敗,佢都會有自己經歷,父母根本唔需要擔心太多。」

 

下一頁:賴慰玲︰一定要試順產 痛足50小時也不怕

更多精選內容