張頴康拍劇忙 麥雅緻享受湊B日常
撰文：Sunday Kiss
相片：張頴康 麥雅緻 專頁
張頴康老婆享受湊B日常
近日，麥雅緻喺社交網站分享了佢一眼關七嘅湊B日常。佢留言話：「一打四，無有怕，同佢地一齊畫吓圖畫，睇吓書，唱吓兒歌，睇吓迪士尼美語世界… 留喺屋企都好舒服吖！係我差少少俾錯啲狗餅當係餅餅俾小豆食啫⋯ 爸爸你放心返工啦！」
張頴康近期有兩套劇在身，工作經常日夜顛倒，每星期和家人相聚玩樂嘅機會少之又少，不過為咗老婆同一對可愛的仔女，所有拼搏都是值得的。
一個人湊仔又買餸
早前，阿康連續幾日外景，返到屋企，老婆的舉動令佢十分感動。佢留言話：「連續幾日外景喺出面凍到雪條一樣，今晚返到屋企，老婆一個人去買哂啲雞煲呀火鍋料呀等我番嚟打邊爐！我個人即刻暖哂！我講緊嘅唔止係體溫，直情係暖到入心！我愛你」。一家四口真係非常幸福！
張頴康一家慶祝囝囝百日
不知不覺「小花生」已經出世100日啦。日前，麥雅緻就喺社交網站晒相話：「小花生今日百日喇！Happy 100 days！爸爸返工改咗時間，趕得切可以一家人齊聚慶祝！正式介紹，小花生叫張迅橋 Makson Cheung！」相中一家四口齊齊出鏡，畫面溫馨！唔少網民紛紛送上祝福！
慶祝相識十週年
張頴康麥雅緻兩夫婦自從生咗2個小朋友之後，一家四口相當幸福。日前張頴康喺社交網站發佈咗同老婆嘅合照，話1月4號係佢哋兩夫婦相識十週年嘅日子！佢仲留言話：「今日1月4日！相識十週年喇！呢10年嚟，結咗婚，多咗兩個寶貝！多謝老婆，令我嘅人生變得美滿！我愛你！」真係非常幸福啊！
張頴康年尾忙拍戲
麥雅緻（Angie）話老公最近都好忙，日以繼夜咁拍劇，相信都冇咩時間返屋企陪一對仔女。為咗令老公可以放心工作，Angie話自己都經常影相俾老公睇，一解相思苦。不過要幫小朋友影相係一門大學問，要小朋友乖乖坐定定影張相都唔容易㗎！見相中小花生打晒喊露，而小豆又似乎有啲不耐煩，想自拍一張靚相真係唔易！
小豆著住公主裝真係好可愛，不過Angie話小豆其實係有啲唔耐煩，因為媽媽阻住佢扮公主喎！
