陀B 7個月 熊黛林孖經理人晒最新孕照

陀B 7個月 熊黛林孖經理人晒最新孕照

37歲熊黛林(Lynn)去年11月正式宣布懷孕,眨下眼已經陀B七個月啦!尋日經理人Kim就上載咗Lynn的最新孕照,仲寫到:「漂亮準媽媽」!又真係陀得幾靚喎!

撰文:Sunday Kiss

相片:IG及微博

Lynn身穿一套紅色的窄身裙,陀B七個月,手腳仍然纖幼,完全無走樣!有網民就話佢個肚咁圓,應該係陀女!又有人話Lynn個鼻大咗,似係陀仔,大家覺得呢?

熊黛林

龍母廟叩頭還神

由於Lynn 37歲高齡陀B,奶奶更緊張到日日煲湯去兒子屋企睇實新抱。不過熊黛林不時都搵老公陪伴外出鬆一鬆,早前就加埋腹中B仔享受三人世界!據知去年中,熊黛林同老公曾到荃灣龍母廟跪叩求子,據知現成功B,故上個月郭可頌聯同親友帶埋燒肉果籃等祭品,到龍母廟叩頭還神,為未出世的小朋友祈福,咁大陣仗,唔通係陀仔?

熊黛林老公
郭可頌求B成功,日前專登帶備燒肉果籃,誠心去龍母廟還神。
熊黛林同老公

熊黛林 獲奶奶錫到燶

近年已接手打理屋企家族生意的郭可頌,上有兩個胞姊,及一個妹妹,當中家姐郭可盈早已出晒名,由於係家中唯一男丁,如果熊黛林成功陀住金叵羅,幫郭家開枝散葉,奶奶一定錫到燶啦!據知熊黛林未嫁時已經融入郭家,成日出席男友家庭聚會,同未來奶奶姑奶關係好好。結婚之後奶奶更加錫佢,知道新抱有咗,就幾乎日日煲湯水過去阿仔屋企,又吩咐工人要煮啲清淡菜式畀新抱食!

李國麟拖女兒晒愛 : 個女拍拖我會呷醋!

更多精選內容