親子勞作 大頭蝦媽媽自救術「聽日要帶賀年手工」!

親子勞作 大頭蝦媽媽自救術「聽日要帶賀年手工」!

近年做「雙職媽媽」,既要開工又要湊小朋友,仲要無姐姐幫手,一個人得兩隻手,究竟可以點先圓滿做晒所有「任務」呢?識得「偷時間」真係非常重要,好似我會係囡囡學英文嘅一小時,去修甲、按摩,又會邊陪佢學琴,邊用電腦做freelance!好喇,今晚佢又有「任務」畀我,就係要帶「賀年勞作」,點算好呢?專屬媽媽嘅小宇宙又出動喇!

親子勞作不用怕 手工藝材料隨手有

查實Zoe媽媽由細到大勞作都係「麻麻」,經常要爸媽請槍(仲經常攞獎添,haha )!長大了,我就變成「被請槍」嘅媽媽,面對囡囡嘅要求,點算好呢?

親子勞作創作桃花
親子勞作創作桃花。

這就是上年「大作」:深夜2時兩公婆攜手創作嘅桃花一棵!話說我就似個阿婆,好鍾意收收埋埋好多素材,用了品牌送來嘅包裝粉紅色雪梨紙,加上有次做義工時餘下嘅雪條棒,左黐右貼,再用紅色maker「點睛」,一棵「呃like」桃花大功告成!

親子勞作 麵粉桔

即時要DIY親子勞作,在家找材料製作麵粉桔。
即時要DIY親子勞作,在家找材料製作麵粉桔。

今年爸爸不在家,賀年勞作任務就我一手一腳搞掂!時間唔夠,就唯有「偷緊煲湯」、「浸緊菜」、「醃緊豬扒」嘅半個鐘,用屋企嘅麵粉整「麵粉桔」!

水彩慢慢著色,一粒粒小桔仔就面世喇,親子勞作完成!
水彩慢慢著色,一粒粒小桔仔就面世喇,親子勞作完成!
今年新年的親子勞作是小桔仔。
今年新年的親子勞作是小桔仔。

整「麵粉桔」其實唔難,但記住加水唔好太多,太黏好難定型!整好之後我用焗爐最低溫(100度)焗佢5分鐘抽一抽水,再風乾2個鐘,又成功!然後搵水彩慢慢著色,一粒粒小桔仔就面世喇!

貓貓及女兒很滿意親子勞作小桔仔。
貓貓及女兒很滿意親子勞作小桔仔。

如果你都好似我一樣咁大頭蝦,記住留意屋企有乜現成材料,你諗得到嘅都可以成為勞作素材架!媽咪們,加油!

 

更多精選內容