10大過年最怕的親戚問題

10大過年最怕的親戚問題

農曆新年又到啦,少不免要去親戚度拜年。每次拜年嘅時候親戚都會問一大堆問題,一齊睇下10大過年最怕的親戚問題!

撰文:Sunday Kiss

10大過年最怕的親戚問題

又到農曆新年要去親戚度拜年,但係拜年嘅時候親戚經常會問埋啲刁難嘅問題,面對親戚嘅問題應該要點面對?

親戚問題

1. 幾時生多個?

「幾時生多個?」榮登最怕親戚問嘅問題第一位,親戚永遠見你唔係大緊肚就要問你幾時生多個小朋友,但可能你結婚先啱啱唔夠一星期,又或者上一胎先啱啱出世無耐仲坐緊月,邊有可能咁快生多個?

2.你/老公人工幾多?

親戚好鍾意問人工幾多,如果係做緊家庭主婦嘅就問你老公人工幾多。問完人工幾多就問夠唔夠用,夠唔夠供樓生活等等。

3. 加咗幾多人工?

年年去拜年同親戚食飯總有一班人鍾意講錢嘅話題,問完人工幾多跟住就順勢問埋今年加咗幾多人工,加得少就會嫌三嫌四,講到好似係加俾佢哋咁,加得多又會話點解咁多無理由。

4.幾時買樓?

依個問題又係親戚一定會問嘅問題,成日問幾時買樓,講到買樓好容易咁。香港人買樓談何容易?要死慳死捱,餐餐捱麵包、唔去旅行、無娛樂先有機會比到首期,更何況仲要供樓呢?

5. 你/老公做緊咩職位?

難得見面,仲要同班親戚解釋自己份工做咩嘅,工作性質係點全部要交代,仲慘過見工。

6.囡囡/囝囝考第幾名?

小朋友讀緊書嘅爸爸媽媽拜年實會聽到依條問題!其實間間學校準則唔同,答你考第幾都冇用架啦。仲有一部份親戚鍾意叫你搵佢自己年紀比較大嘅小朋友幫你囝囝/囡囡補習,拒絕又唔好意思!

7.囡囡/囝囝讀緊邊間學校?

只要屋企嘅小朋友係讀緊書,就會有親戚向你打探你個女/仔讀邊間,跟住就對你個仔/女間學校評頭品足,又話校風唔夠好,又話學費貴…

8.囡囡/囝囝有冇上咩興趣班?

喺香港長大嘅小朋友彷彿無一技傍身係冇辦法生存落去,親戚好重要叫小朋友表演下,識彈琴就表現彈琴,唱歌就唱歌,搞到小朋友好似表演者咁。小朋友鍾意就話,如果小朋友無上興趣班嘅會比親戚有閒話!

9. 你囝囝/囡囡點解咁奀?

小朋友比較活潑,難得出嚟拜年可能會周圍走周圍玩。稍微活潑啲就比親戚問囝囝/囡囡點解咁奀咁百厭。唔通你想我小朋友唔識郁咩!

10.你/你老公/囝囝/囡囡係咪肥咗/瘦咗?

親戚成日會對人評頭品足,其實差唔多一年先見一次身形有變好正常啫!

 

 

關鍵詞
親戚問題

更多精選內容