自家制和菓子

自家制和菓子

話說我成日都好想整啲得意嘅公仔甜品等小小豬可以食得更加開心,但係……叫我快手快腳咁煮飯煲湯都叫做可以,但慢慢細心咁整個公仔樣出嚟,都真係有點難度(都唔係有啲,係勁有難度),印象中我唯一一次成功嘅就係依個大吉湯圓,其他嘅唔係爆皮就勁醜樣,所以大家都好少見到分享依啲公仔食品。

自家制和菓子

不過今次終於有返少少成功感,因為嚟左好友新開嘅工作室,跟佢學整左和菓子,睇下我嘅完成品都算見得下人呀~

【攪攪新意思】自家制和菓子

坦白講,其實當好友叫我上去玩時,我都真係有點15/16,想就當然係好想去學整,不過當諗起我之前嘅失敗品,真係咩心情都冇晒,好驚我嘅手殘影衰好友嘅傑作。但好友新開又應該去支持下佢,最後就得到好友鼓勵同寫包單話我一定整到,所以趁小小豬返左學之後,嚟玩返一個上午啦!
一聽和菓子就諗起日本嗰啲靚甜品,就一定係好難整。但原來都係好易,材料就只需要白豆蓉、糯米粉同埋栗子同紫薯餡呀~
【攪攪新意思】自家制和菓子

【攪攪新意思】自家制和菓子

首先將白豆蓉整碎~
【攪攪新意思】自家制和菓子

然後加入已熟透嘅糯米粉團~
【攪攪新意思】自家制和菓子
再慢慢搓成一個豆蓉糯米團~
【攪攪新意思】自家制和菓子

搓到滑身之後就可以加入調色,當然最好就係用有機粉,安全啲咁食都可以安心啲嘛~

【攪攪新意思】自家制和菓子 【攪攪新意思】自家制和菓子

搓到顏色均勻之後,就可以分成八小粒~
【攪攪新意思】自家制和菓子
然後搓成圓形~
【攪攪新意思】自家制和菓子

然後就可以包餡料啦~

【攪攪新意思】自家制和菓子 【攪攪新意思】自家制和菓子

完成左紅色豆蓉糯米團之後,就可以用同樣方法整黃色及啡色,留待嚟整玉桂狗及布甸狗嘅耳仔~
【攪攪新意思】自家制和菓子
先用白色整玉桂狗嘅面同耳仔~
【攪攪新意思】自家制和菓子

再整布甸狗~
【攪攪新意思】自家制和菓子
哈哈哈…整好晒個外型啦~
【攪攪新意思】自家制和菓子

最後就用食用筆嚟個點晴時間~
【攪攪新意思】自家制和菓子
我嘅大作終於大功告成啦~
【攪攪新意思】自家制和菓子

雖然我知道同靚都仍然差有好大距離,但起碼一睇都知我係整緊玉桂狗同布甸狗呀,所以睇見自己個靚靚製成品都真係幾有滿足感呀!

依個就係好友嘅食譜,有興趣都可以跟住嚟試下,經我手殘手試過,都唔係太難呀…哈哈哈~
【攪攪新意思】自家制和菓子

不過其實都係要我好友教得好,佢每一個步驟都慢慢講解又為做好詳細嘅示範,我先叫做成功,所以依個都係我好友嘅功勞呀!
今次都真係好好玩,等我下次帶埋小小豬一齊嚟整個親子攪攪陣,到時可以整湯丸或者曲奇餅,等小小豬玩下先得(有個小朋友返屋企邊食和菓子,邊問我點解唔等埋佢去整,真係俾佢激C呀)!

【攪攪新意思】自家制和菓子

更多精選內容