寶寶扭計尖叫 張嘉兒教三個簡單BB手語

寶寶扭計尖叫 張嘉兒教三個簡單BB手語

很多時候BB扭計大聲尖叫,媽媽完全一頭霧水唔知點解?原來父母除了用語言同嬰兒溝通之外,如果再輔以手語,可以大大加強嬰兒的表達能力。BB手語不僅可以刺激寶寶右腦發展,同時幫助不懂說話的嬰兒用肢體語言來表達自己,令媽媽更明白BB的需要。

撰文:Sunday Kiss

圖片:張嘉兒@FB

張嘉兒教三個簡單BB手語

日前,前港姐張嘉兒喺社交網站開Live同大家分享咗三款簡單易學的BB手語。事因嘉兒囡囡Leora經常哭鬧、發脾氣,作為媽媽的嘉兒根本唔知道Leora想點,囡囡亦未懂得說話表達,造成溝通障礙。

張嘉兒BB手語

之後,嘉兒做了很多資料搜集,發現教囡囡BB手語,可以更加容易地進行溝通從而減少尷尬的扭計情況。嘉兒挑選咗三款簡單的BB手語,新手媽媽一齊黎學習吓啦!

張嘉兒BB手語

BB手語1: More

這個手語用於表達「更多」「想要」的意思。嘉兒話:「囡囡Leora食飯或飲水的時候,會用呢個手語表示佢仲想要更多,後來佢仲識一句反三,用呢個手語來告知她幫忙打開食物包裝或者做其他想要媽媽幫忙的事情。 」

張嘉兒BB手語
雙手觸碰指尖

BB手語2:Water

這個手語用於表達「飲水」的意思。嘉兒最近幫囡囡戒夜奶,擔心囡囡半夜肚餓口渴。囡囡學識呢個手語就非常有用處,因為佢夜晚或外出口渴就會自動做動作告知媽媽。

張嘉兒BB手語
舉起三隻手指輕觸下巴

BB手語3:All Done

這個手語用於表達「完成」的意思。嘉兒將這個手語改叫「Finished」,囡囡食飯或沖涼結束時,就可以用呢個動作來示意自己飽或要結束。

張嘉兒BB手語
展開五指,左右搖擺雙手

唔少新手媽媽可能擔心手語教學有難度。嘉兒表示,其實只要不停重複,每次可以用到相應的BB手語時,耐心地說明並反覆做同一動作。小寶貝出於好奇,一開始會模仿媽媽的動作,久而久之就學識應用。

有利於嬰兒腦部發展

嘉兒提醒,寶寶六個月大,父母可以開始教他們做手語,到十幾個月大,寶寶便可逐漸學會用手語進行自我表達。媽媽們亦唔需要擔心BB手語會影響寶寶的語言表達能力,嘉兒就話「好多資料或專家表示,BB手語有利於刺激寶寶開口說話,同時對嬰兒腦部發展亦很有幫助。」有興趣嘅媽媽不妨試吓啦!

三個好簡單嘅BB手語

BB未識講野,除左哭,仲可以點表達呢?1)想唔想同BB可以溝通到? 2)想唔想佢哋早啲可以表達到自己嘅需要? 3)想唔想解決佢哋尖叫嘅煩惱? 想就試下呢三個好簡單嘅BB手語啦!#bb手語 #一歲到最快學識 #教BB手語唔係太難 #同訓練狗有D相似 #不妨試試教BB #BB其實好聰明#mamacollege Mama College 張嘉兒 Group Mama College 張嘉兒

Posted by Mama College 張嘉兒 on Thursday, 8 February 2018

下頁張嘉兒教路 4個方法戒掉BB飲夜奶習慣

關鍵詞
名人親子

更多精選內容