大仔生忌 張崇德帶子女拜祭 首次拍攝「五人」全家福

歌手張崇德與太太劉美娟大仔張天藍出生一天後夭折,至今已經13年,兒子張日希及女兒張日晴則分別喺2007及2008年出生。適逢2月19日係大仔張天藍生忌,張崇德和劉美娟帶同仔女前往拜祭,並拍低首張「全家福」。

撰文:Sunday Kiss、Ling Lam

圖片:張崇德微博

大仔生忌 張崇德帶子女拜祭

張崇德喺微博上載了兩張相,一張係囡囡日晴同囝囝日希喺大仔天藍嘅靈位嘅相,另一張係張崇德、太太同2個小朋友喺天藍靈位前合照。張崇德留言表示影咗第一張全家福,心情很激動,並留言表示:「早幾天是二兒子日希11歲的生日,今天則是大兒子13歲的生日……和太太首次帶日希和日晴去探哥哥,拍了首張5人全家福,心情很激動!」​​而劉美娟也留言:「盡在不言中」。


張崇德

張崇德與劉美娟大仔張天藍,出生一天後夭折,至今已經13年。張崇德與太太為兒子之死,與醫務委員會「交戰」九年尋求真相,最終醫委會判定負責接生的醫生蔡明欣專業失德。

張崇德

過去外界對於張崇德和劉美娟的家庭,印象最深是他們為夭折長子天藍,盡心盡力討回公道。在漫長的追討過程當中,他們從沒有忽略日希和日晴,返到家中就會對他們一心一意,給他們一個快樂的家。隨著案件告一段落,日希和日晴亦已分別10歲和9歲,一家人的感情愈來愈深厚,美娟更形容他們已是四為一體,每天一齊祈禱。「生命唔係你講,今日唔知聽日事,過到今日已經要感恩,我哋要活在當下,開開心心過每一天。」

張崇德劉美娟
能夠令孩子愛上屋企,是父母的一大成 就。劉美娟認為以家庭為本最重要,只 要一個家庭愛的基礎打得好,無論家庭 成員去到哪裡,都會懂得回家。

 

張崇德劉美娟
美娟和張崇德的仔女性格偏靜,但非常幽默,尤其妹妹古靈精 怪,懂得逗人歡笑;哥哥則偏向思考型。

重返TVB拍劇

美娟最近返TVB拍畢新劇《飛虎極戰》,飾演苗僑偉(三哥)的老婆,原來是美娟從影以來第一次做太太及媽咪的角色,但演來也得心應手。得到樂小姐邀請出山,美娟覺得有新鮮感,而且仔大女大想重拾興趣,便一口答應。她笑言以為自己不必開槍打打殺殺,應該演得幾舒服,原來做「飛虎」老婆都幾辛苦。「你以為你做主角太太唔使打,但你會畀人捉,去勒索個主角,畀恐怖分子捉嚟捉去,又爆炸又開槍,我以為可以避開呢啲場面,原來全部我都要參與,都幾得意幾新鮮。」

張崇德劉美娟
美娟重拾興趣復出接拍新劇《 飛虎極戰 》,飾演三哥的老婆,是她首次演媽媽角色。她揚言有機會的話,不排除繼續拍戲。

從無戲癮 到電台開咪

縱使喜愛演戲,但美娟自組織家庭以來,一直沒有戲癮發作。「開頭都有少少嘅,望到劇集角色就諗自己會點做,睇吓啲燈光,但我慢慢將個focus擺晒小朋友度,將睇戲變咗娛樂,我就冇再睇咁多嘢,唔會睇鏡頭、燈光,享受做觀眾,戲癮都冇埋。」不過一向好奇心重的她,早兩年復出到電台開咪,挑戰一下自己,因為開咪沒有劇本,要靠本身知識表達出來。

張崇德劉美娟
美娟加入香港電台主持醫療健康節目《 精靈一 點 》,逢星期四播出由她主持的一集,內容包括 健康人物專訪、醫學會診日。

「我樣樣都想知,每件事我都問到篤,開咪我可以問好多嘢,好正!」最近美娟加入香港電台主持醫療健康節目《精靈一點》,每星期探討不同健康話題,她最開心是從中長知識,亦可回家教育孩子。「我坐喺度我好似上緊堂學嘢,我當進修,做咗媽媽對健康知識會想知更多,好多時你驚一啲疾病係因為無知,當你知多啲就唔會驚,依家世界醫療行得好快,你知多啲會開心啲,開心就會健康啲囉!」

張崇德劉美娟
早前美娟和另一主持沈達元( 右 )訪問歌 手露雲娜( 中 )。

開心是健康之道

美娟和崇德一家奉行健康天然的路線,盡量不吃藥,靠多休息及調整生活、飲食習慣去改善,最重要是保持心境開朗。「其實做人開心就自然會健康,有時你覺得好辛苦、好頭痛,未必係你真係唔舒服,可能係心病,覺得唔開心有壓力先會咁。」美娟笑言家中每天也充滿笑聲,一對仔女甚少病痛,相信家庭快樂與和諧,就是最主要的健康之道。

張崇德劉美娟
劉美娟在家庭 中既是仔女的媽媽,又是朋友和老師,但她認為 做父母要有一條界線,立場 要堅定,在界線以內會讓仔 女自由發展,一到界線就要 表明立場,例如準時上 床睡覺、刷牙等自理問題。

「小朋友其實好簡單,有父母陪伴就得。」陪伴的意思,並非坐在身旁玩電話,而是用心了解孩子。美娟的仔女已分別10歲和9歲,她的陪伴更需聆聽孩子。「要認真聽,唔好hea,依家啲小朋友好聰明,科技又發達,佢哋得到嘅資訊分分鐘仲快過你,佢同你講你話唔識,佢之後唔再搵你傾啦,所以你要認真同佢溝通,佢開唔開心你都要知,佢如果因為一件事唔開心,你唔好以為好小事,呢件小事可能影響佢好大。」

張崇德劉美娟
一對仔女快將踏 入青春期,劉美娟指未見他們有反叛情況,仔女是 否反叛很視乎家長的看 法,「 所謂反叛只係小朋友唔明白去發問,但好多父母都 懶得回答,小朋友下次就唔 會再問,直情唔做,睇落仲反叛。」
張崇德劉美娟
兩兄妹偶有爭玩具,美娟 和崇德自小教導他們玩只 求開心,不必分輸贏,如果爭執就不要玩了,培養出兩兄妹玩之前要有商有量,好過冇得玩呀!

風雨不改 湊返學放學

不要小看接送返學放學的時間,短短的光陰已足夠了解孩子今天的狀況,美娟和崇德至今風雨不改接送,大部分時間更是一齊去,美娟讚老公即使工作繁忙,寧願犧牲休息時間仍要去接送。「就算演唱會完咗,或者啱啱去完大陸登台,佢唔會住喺嗰度,凌晨四五點都趕返嚟,堅持七點鐘車仔女返學。」因為兩夫婦每日親力親為接送,令長輩們覺得無癮,最開心就是他們因工作要尋求協助,美娟笑說:「我奶奶最開心我哋唔得閒,等咗呢個機會好耐,哈哈!」

張崇德劉美娟
日希兩歲時因呷醋妹妹,曾偷偷伸腳弄跌妹妹,令妹 妹大哭,媽媽沒有責怪他,但告訴他媽媽看見了一切,令他深感歉疚向妹妹道歉,自此兩人相親相愛。

Good Morning 和 Good Night 的意義

一日之始在於早餐,美娟和崇德在送仔女返學之前,亦相當重視早餐時間,Good Morning的意義就是開心迎接新的一天。「一日嘅開始就係朝早,一定要Good,你唔會同人講Bad Morning,所以每日要有好開始,大家都要開心講Good Morning。下午Good Afternoon提一提你繼續開心,夜晚瞓覺Good Night就要好好瞓覺,唔係人人都有舒服嘅床。」一家四口每晚都會一起祈禱,感恩度過了今天,如果爸爸不在家,亦會開視像電話祈禱講Good Night,一家人的連繫十分強。仔女也感受到滿滿的愛,寧願做「宅男宅女」也不願出街玩,因為在家太開心,小玩意太多,美娟說:「我話放假帶佢哋出去玩都唔制,佢哋話最鍾意返屋企。有時放學車佢哋去食嘢,成日問幾時返屋企?喺車又問仲有幾耐先返到?一踏入屋企佢哋就開心。」

張崇德劉美娟
張崇德自老婆懷孕,先後進修了碩士及博士學位,成為仔女的學習榜樣。

仔女出卷 叫父母做「功課」

日希和日晴在家有很多玩意,每晚與父母有親子時間,又有兄妹玩樂時間。美娟和崇德自小灌輸他們玩樂是尋開心,不必在乎輸贏的價值觀,至今兩兄妹絕少爭執,相親相愛。他們又會合力自創玩具,例如為洋娃娃製作家居、把舊衫造成公仔衫等。而最有創意的玩意要數到「功課」,日希和日晴最鍾意老師上身,出卷給父母和親朋戚友,大家都很配合「交功課」。

日希和日晴不單止喜歡返屋企,還鍾意返學、做功課,他們入讀了一間提倡愉快學習的學校,吸引了他們愛上讀書,放學一回家就想做功課,美娟笑說:「我話請一日假唔得,遲到又唔得,佢哋好緊張㗎!放學我想一齊食下午茶,佢哋都話想快啲返去做功課。我叫佢哋休息一陣食啲嘢先,佢哋都話要做完先食,佢哋好enjoy做功課!」他們在家中如此享受,難怪不願出街了!

張崇德劉美娟
日晴喜歡做手作,並不追求物 質,她會利用舊衫造公仔衫,又 用卡紙製成公仔屋。
日希喜歡自創功課給家人做,連 嫲嫲返加拿大都要做,一家人都 好配合,會準時「交功課」。
日希喜歡自創功課給家人做,連 嫲嫲返加拿大都要做,一家人都 好配合,會準時「交功課」。

細女懂事:大哥上了天堂

隨著日希和日晴愈來愈懂事,他們知道對上還有一個哥哥天藍,美娟和崇德對他們從沒有隱瞞,早於幾年前已一一告之,起初美娟以為仔女還小,未懂得事實的全部,原來他們早已記在心坎中。「呢件事好難掩飾,幾年前新聞日日都講,我哋又成日一早出去醫委會同上庭,所以我一定要畀仔女知。初初我都以為佢哋細個唔識,點知有次我同個女講要錫哥哥,因為你得一個哥哥要珍惜,佢竟然話:『媽咪,我有兩個哥哥,一個去咗天堂嘛。』」

自此美娟和崇德不再掩飾,向仔女坦白心情,最傷感的二月也會一同笑著哭著度過。「每逢二月,日希生日之後幾日就到天藍生忌、死忌,佢哋知道媽咪嘅情緒會有高低起跌,我會同佢哋講,媽咪有啲唔開心,仔女就會拍拍我、攬住我,我會好快冇事。」每個人都有情緒,日希和日晴也明白,一家人最重要能互相尊重、互相扶持,要感恩度過每一天,齊齊說聲Good Night。

張崇德劉美娟
美娟明白到 每日的經歷是不能預計,過到今日就要感恩,要活在當下,心中富有。

下一頁:思考型爸爸森美 從旁觀角度看子女

更多精選內容