馬會同樂日！精彩活動迎夏日@Miss Sunny

我Miss Sunny最愛嘅夏天終於來臨，又係時候去outdoor玩餐勁，成日都行山野餐玩到悶？放心，經我明查暗訪，我搵到啲正嘢同大家開心Share！嚟緊復活節馬會有個名為「同心同步同樂日」，以「共踏前步」為主題，有超過70項遊戲同活動，絕對適合同屋企大小朋友一齊嚟happy下，今年仲有徐榮父子加持，大讚活動Fit到漏遊。

攝影：Man、相關機構

亮點一：足球狂熱必備 同追足球夢

好動人士請注意，「同追足球夢」園區內有多個足球活動，包括四人足球比賽、我係神射手等，對我Miss Sunny嚟講最適合就係帶個姨甥仔嚟放放電，我仲知道部分活動可以一家人落場一齊玩，啱晒同小朋友製造親子回憶！

眾多活動中，小型足球齊齊玩係絕對唔可以錯過，因為小朋友可以透過呢個活動，跟隨曼聯足球學校嘅教練學習小型足球，仲有機會同曼聯名宿白賴仁笠臣互相交流小型足球嘅樂趣。

亮點二：勇者限定 同遊小天地及同闖氣墊城

如果你屋企小朋友同我姨甥仔一樣，鍾意新鮮刺激，咁就千奇唔好錯過「同遊小天地」嘅充氣遊戲，有齊多個新奇主題，包括勇闖侏羅紀、森林障礙賽、亞馬遜樹屋等，小朋友一定鍾意！唔夠喉？不如玩埋更刺激嘅「同闖氣墊城」嘅充氣遊戲啦，包括奇趣小迷宮、彩虹障礙挑戰、飄移賽車天地等！

亮點三：復活節精選 活力園遊會

為慶祝復活節，「活力園遊會」除咗可以畀小朋友喺草地上大玩遊戲外，活動亦增添不少復活節玩素，包括要眼明手快，鬥快搵特別版復活蛋嘅復活蛋獵人，同埋運用想像力同技巧嘅滾滾草地蛋。

睇完我Miss Sunny詳盡嘅介紹，係咪都心郁郁想同屋企小朋友去放放電呢？記住要去下列網站買飛啊！
詳情及購票：hkjc.com/rht

*個別遊戲設年齡及身高限制
*個別遊戲需預先報名