鍾嘉欣宣布懷第二胎

鍾嘉欣宣布懷第二胎

恭喜鍾嘉欣!日前有傳鍾嘉欣懷第二胎,啱啱佢就正式宣布懷孕,仲上載全家福㖭,囡囡Kelly要做家姐啦!

撰文:Fiona

相片:鍾嘉欣

鍾嘉欣宣布懷第二胎

鍾嘉欣在社交網站上載全家福及超聲波相片,正式宣布懷孕!她還寫下千子文分享懷孕的心情。以下是Linda社交網站全文:

「雖然還未看見您,但我們知道,您是神再次送給我們一家人的,我們一定會好好珍惜您⋯⋯」 親愛的朋友和粉絲們:

要和大家分享一個喜悅:我再次懷孕了!

鍾嘉欣

感恩上天再次給我們為人父母的機會,就連Kelly知道後,也為自己快將成為姐姐而高興大叫:「Wow!」 向大家宣布這開心事之前,其實,我和TVB的合約剛屆滿。面對着很多很多的不捨,但家人希望目前這段時間的我,專心和安心的去迎接家庭新成員。所以,暫時只會有限量和享受工作,待新成員出世之後,再和大家見面、努力去賺奶粉錢。Haha ~~~ 在此我特別要衷心感謝TVB多年來對我的支持和體諒。記得當年只有19歲的我,膽粗粗參加了《國際華裔小姐》比賽而入了行,當時甚麼都不懂、全無自信心、極害羞,是TVB這所安全屋為我遮風擋雨、供書教學,給我時間和機會去成長和磨練,讓我了解到自己是一個怎樣的人、有着甚麼才藝、有着甚麼使命,更令我可放膽在人前表現真我、懂得怎與觀眾溝通。

這十三年的經歷,對於我的人生是非常重要的,從中的堅持和努力,令我更加學懂去愛人、去關心別人,人也成熟了。現在,暫且跳出舒適圈⋯⋯但心存感激的。TVB,是您成就了今天的「鍾嘉欣」。

樂小姐:您一直保護我。 很多時候,您說我太乖太單純,不想有任何東西把我教壞、影響我的形象。您就像媽媽般疼我、愛護我。謝謝您!
珍姐:您給我第一個演出機會:《皆大歡喜》。 當其他人對我仍有懷疑的時候,您卻選擇相信當日我這個新人。您給我的試煉和推動,讓我達至一個就連自己也想像不到的極限。 謝謝您!

Herman哥:是您圓滿了我的歌唱夢,給予很多我很喜歡的歌曲,更一直從旁引導我。謝謝您!
Sandy:我們沒有很長的合作時間,但我也衷心謝謝您在這短短的幾年間,讓我參與了很多綜藝節目,令觀眾認識到鍾嘉欣的另一面。 謝謝您!

最後,非常感謝TVB其他上上下下的工作人員, 沒有您們用心和支持的打造「鍾嘉欣」,我不會是今天的「鍾嘉欣」! 送上永遠的感激!

衷心祝福TVB這個大家庭內的每一位!
今天暫別,但感覺會很快再遇上。
lovelovelove 愛您們的 -L- 鍾嘉欣

擁有一個Wonderful Family

Linda與老公(Jeremy)的根源自加拿大,但相識於香港,種下不解緣。他們相識結婚不久後便誕下女兒Kelly,Linda接受訪問時形容現在自己擁有一個Wonderful Family!

與老公Coffee Shop邂逅

Linda和老公在香港一間coffee shop認識,Jeremy認識Linda家姐,剛巧來港旅行探親,便認識了Linda:「我去見佢都唔係諗拍拖,係諗住識下新朋友,見到面,佢滿口英文、加拿大人,我見咗佢半個鐘,好舒服,傾傾傾,傾到停唔到,之後我夠鐘要走,行出coffee shop,佢問我地鐵站點去,我突然醒起:『死嘞,呢度中環嚟㗎,好多記者㗎!』嗰排我好多新聞,費事影到相會被炒作,就跑走咗,冇教到佢點搭地鐵,因為咁我覺得自己好衰,專登搵佢say sorry,之後開始聯絡。」其後他們拍拖9個月便結婚了。

鍾嘉欣
脊醫丈夫Jeremy。

Linda認為自己不是閃婚,因為她和老公年紀都是適婚年齡,大家都比較成熟,而且大家的性格好配合,所以都認定了彼此,加上已認識了一段時間認識才結婚:「傾偈傾咗幾日,已經有感覺,當然冇同佢講『我覺得你係我將來老公』,但心裏面已經keep住呢個感覺。」

喜劇形式的求婚過程

Linda表示求婚過程不浪漫,但她已經感動到喊了:「因為佢唔係浪漫嘅人,佢用誠意,中間有好多蝦碌嘅嘢,佢又好緊張,又跪地,跟住有人嚟,驚有人影到,起番身,好多蝦碌、好好笑,反而我覺得呢個求婚嘅片段係喜劇形式。」

鍾嘉欣
熱愛唱歌,直言甚或比演戲更甚:「之前結婚我作咗歌俾老公,其實依家我都作咗啲歌俾Kelly,希望可以錄嚟送俾佢。」

讚老公靚仔穩重

Linda表示欣賞老公整個人,而且是她心目中最靚仔的:「佢喺我心目中係最靚仔,佢唔係情緒型,我係情緒化啲,佢係好穩重,穩到令到我都穩埋一份,佢永遠無論發生咩突發事件或者開心唔開心嘅事,佢唔會俾佢嘅情緒帶動到,佢會好清晰地解決或者做事,呢方面嘅淡定我覺得係好吸引。」

鍾嘉欣

投入賢妻生活

Linda婚後亦是位好媽媽好老婆,令老公有舒適的居所:「我老公話我係好好嘅太太,我好為屋企嘅,我會準備好晒啲嘢,我老公返到屋企,好舒適㗎,有飯食啦,乾淨啦,又好錫佢啦,都細聲細氣嘅,我覺得OK㗎!」

鍾嘉欣

為女兒老虎都可打死幾隻

Linda當媽媽後成長了不少,從前她比較自私,不會為人設想。但有了女兒後,她變得有責任感,不再只顧自己,會為屋企人著想。「我覺得係一個快速嘅成長,因為我結完婚即刻有小朋友,所以突然成長得好快,以前廿幾歲,我比較盲舂舂唔識諗,結婚之後,唔再淨係為自己,要為屋企人諗,成熟咗好多,真真正正明白到母愛係乜嘢,以前我以為我知,同埋我演戲,以為我可以想像做媽媽係點,直至自己親身生BB、湊BB,我先明白到嗰種母愛係大到用言語係形容唔到。」

鍾嘉欣

鍾嘉欣

鍾嘉欣

生BB沒有想像般辛苦

Linda表示生BB過程沒想像中辛苦,當初她擔心順產會唔會十級痛,但到要進入產房、陣痛的時候已經開到十度快要生,卻覺得時間過得很快:「我十幾個鐘陣痛、生個半鐘,但成個過程感覺似三個鐘,眨下眼就完咗,同埋我發覺好得意,神就係創造女人生BB,所以入到產房唔會驚,只會諗要個女健康、安全生出嚟,嗰種母愛同勇敢已經蓋過咗痛。」

閒時老公亦會幫忙照顧女兒,一家人喜歡留在家休息。「我哋兩個都好鍾意留喺屋企,冇去遊山玩水,商場都少去,我哋最多都係附近行下,好少有咩活動。」 他們更希望將來可以有多一個小朋友: 「我哋有計劃嘅,希望將來可以有多一個小朋友。唔知幾時,但希望Kelly起碼一歲半後先開始試。」

鍾嘉欣

鍾嘉欣

鍾嘉欣
直言生B後記性比前差,訪問中,會突然忘記想說甚麼,「真係失憶,我成日喺屋企擺埋啲嘢唔記得。」

女兒超級乖

Linda表示女兒超級、超級乖,唔扭計、唔喊:「囡囡8個月大時,除咗夜晚臨瞓前會喊三、四分鐘,跟住自己就瞓,瞓八個、十個鐘就起身,同埋我覺得佢係思想型嘅,點解呢?因為佢唔介意冇人陪,我要煮飯、處理家頭細務,唔得閒下下抱住佢,我亦都唔想縱壞佢,我每朝起身,幫佢換完尿片,擺佢喺play mat,俾啲公仔佢,佢就自己玩一餐,所以我覺得佢鍾意喺自己世界、鍾意自己諗嘢。」

Linda會做個relax和casual的媽媽,不會一開始就計劃要讀什麼學校,希望女兒能夠自己玩、在自己世界create一啲嘢,不要太依賴:「依家佢太細,我想觀察佢多啲,唔想咁早要佢學嘢,我諗番我細個屋企環境唔係咁好,冇得學任何嘢,依家我覺得我哋性格、工作任何嘢都OK吖,好似我細個原來已經鍾意演戲,爸爸媽媽返工,我會摷曬我阿媽啲絲巾綁喺個頭扮女俠,又扮拍拖、分手、唱歌,所以我哋想留意佢、觀察佢,發掘佢嘅喜好,到時先慢慢俾佢學, 唔會一嚟乜都學曬,我覺得會over咗。 」

待女兒長大後,Linda亦會讓女兒看自己的劇集:「可能俾《搜神傳》佢睇,係我入行第三部劇,訊息好好,可以教佢點孝順父母同樂觀面對人生。 」

鍾嘉欣

餵人奶好處多

Linda鼓勵所有嘅媽咪餵人奶,因為好處實在太多:「每日可以減到五百個卡路里,唔使做運動!」各位新手媽媽不防試試!

鍾嘉欣
產後極速修身,「因為餵人奶,Kelly五個月大我已經回復產前身形。」

更多精選內容