生B前後

【凍齡媽媽】10位星媽生B前後樣子對照

娛樂

廣告

愈來愈多藝人結婚,榮升媽媽,生BB唔單止冇令佢哋走樣,有啲仲愈生愈靚,完全唔似已經生咗小朋友!以下10位星級媽媽,個個都話佢哋有氣質,完全好似「凍齡」美女咁,生B前後完全冇分別,大家又認唔認同?

撰文:Sunday Kiss
都變:相關藝人Facebook及微博、新傳媒資料庫

1. 蔡少芬

蔡少芬上年喺社交網站上載返自己1993年拍攝TVB劇集《天倫》嘅劇照出嚟,即刻引起討論,好多網民都驚訝話當年嘅佢靚過晒而家啲韓星!蔡少芬11年前下嫁張晉之後誕下2女,分別7歲及5歲。雖然已經生咗2個小朋友,但係蔡少芬生B前後個樣基本上無變,只係髮型由長變短!

2. 郭羨妮

郭羨妮2011年結婚後第二年就生咗囡囡Kylie,而家已經6歲大喇,郭羨妮生B前後個樣都冇變過,好似食咗防腐劑咁同以前一樣咁靚呀!

3. 鍾麗淇

現年41歲嘅鍾麗淇生咗兩個寶貝女Isabella及Michela,一家四口非常幸福。鍾麗淇有著健康的生活習慣,因此keep到一副好身材,完全看不出已經四字頭,簡直好似凍齡咁,生B前後都咁靚!

4. 梁詠琪

梁詠琪2011年下嫁西班牙籍老公Sergio,之後2015年生咗囡囡Sofia。雖然身為1女之母,但生B前後嘅樣貌幾乎冇變,不過就多咗份女人味!

5. 陳茵媺

陳茵媺2013年下嫁陳豪後三年抱三,三名女兒分別5歲、4歲和3歲。雖然為3女之母,陳茵薇生B前後嘅樣貌幾乎不變,同選港姐個身幾乎一樣樣!

6. 謝安琪

謝安琪2007年同張繼聰結婚後,10年間生咗1仔1女。但係依10年間唔單止個樣無變老,更加變得靚咗又女人味咗,難怪網民都封佢為女神!

7. 袁詠儀

袁詠儀1990參選香港小姐並奪得冠軍以及「最上鏡小姐」,2001年同張智霖結婚,育有一子,囝囝魔童已經11歲。現年47歲嘅靚靚樣貌同選港姐嘅時候分別唔大,保養得非常好!

8. 徐淑敏

徐淑敏2009年時與飲食業界才俊黃浩成婚,至今已經成為3女之母。徐淑敏個樣幾乎同2006年選港姐嗰陣冇分別,不過而家睇落輪廓比以前深咗,唔知係咪生3個囡囡令佢女性荷爾蒙大爆發?

9. 黎姿

黎姿2008年同商人馬廷強結婚,身為3女之母嘅佢個樣完全唔似已經47歲,保養得非常好。

10. 張栢芝

張栢芝上年誕下第三子,已經係三子之母嘅佢,無時無刻都散發出陣陣嘅少女味,生B前後完全冇改變過!