汪琳走出小產陰霾 成功再懷孕 七月生得!

汪琳走出小產陰霾 成功再懷孕 七月生得!

汪琳(Irene)除了咗係「電波少女」,相信大家對佢印象最深相信仲係喺無綫劇《十月初五的月光》中飾演「汪海琳」一角,劇中嘅愛情遭遇好慘,但現實中汪琳係一名幸福人妻,08年同拍拖5年嘅圈外商人張忠弦(Joey)在金鐘港麗酒店舉行婚宴,並於2011年11月1日誕下女兒張梓彤(Kesha),依家Kesha已經6歲,仲似足媽咪咁靚,日前兩母女出席公開活動,汪琳仲宣布有咗BB,恭喜晒呀!

原文:東方新地

圖片來源:新傳媒圖片庫、汪琳Facebook

汪琳再懷孕 七月生得!

汪琳帶同6歲女兒Kesha出席活動,見佢腹大便便原來再懷孕,預產期在7月尾,又大讚囡囡很乖為她懷孕一事保守秘密三個月,汪琳話︰「每當老師問為何不見母親時,她一時說我扭傷了,一時說我很忙。我告訴她因為有些事是家裏的秘密,不能說出來。家長日那天終於能公布,她整個人輕鬆晒﹗」問到這胎是男或女,佢話老公想保持神秘感,至於會否生完呢胎再追?佢笑著說:「唔好喇!夠喇!我等呢胎等咗六年。」

汪琳
汪琳一直希望為囡囡添個伴,但早年曾不幸小產,如今成功再懷孕,認真可喜可賀!

2014年不幸小產 去年底肚凸凸湊女

汪琳早年接受訪問時表示一直有意為Kesha添多個弟弟或妹妹,可惜在2014年前不幸小產,當時懷孕六、七周未穩定,有日做完活動回家便出事。性格樂觀的汪琳未有因此留下陰影,下次會多加小心身子,「唔好走動太多囉,上次我冇就住,懷孕後仲有抱個女,又跑又踎,有咗唔應該咁大動作。」經過長時間調理身體後,她會再展開造人大計,仔女都無所謂。「個女想要多個妹妹,先生就想要個囝囝,我自己就冇所謂,如果龍鳳胎就好喇,一次過滿足晒佢哋兩個。」而去年11月本刊拍得40歲汪琳底拖住6歲女兒Kesha去銅鑼灣買日用品,期間Kesha一直乖乖跟住媽咪揀嘢,絕對唔會周圍走,40歲汪琳雖然手手腳腳仲係相當纖幼但腹部圓潤,穿鬆身娃娃裙,有啲肚凸凸!

汪琳
汪琳母女去銅鑼灣行街,期間Kesha一直陪媽咪買日用品冇扭計,好乖!
汪琳
汪琳有BB,但都照樣湊女兒返放學!

出入有車有司機

婚後嘅汪琳樂做少奶奶相夫教女,當日兩母女買完嘢由司機揸七人車接載返家,出到街,囡囡都全程拖實媽媽隻手,好乖巧!

汪林

汪琳

16年前的無綫劇《十月初五的月光》收視高企,令劇中一眾演員人氣急升,汪琳是其中之一,當時的她形象如鄰家少女。08年汪琳和拍拖5年的圈外商人張忠弦結婚,並於11年誕下女兒張梓彤(Kesha),婚後她都有為《都市閒情》當嘉賓,分享育兒心得以及主持〈煮角招牌菜〉的環節,及至2013年她宣布約滿無綫,自此她淡出幕前專心相夫教女。

 

汪琳
《十月初五的月光》電影版幾乎原班人馬上陣,連久休的汪琳都被打動復出。
汪琳
15年前的電視版,汪琳仍是一個小妹妹。

汪琳6歲女像可愛娃娃

汪琳雖然淡出幕前,但都會不時在Facebook分享湊女生活,現年6歲的Kesha天生一副美人胚,早前汪琳分別在微博及Facebook上載多張照片,並留言:「第一次和女兒穿和服賞櫻花 ​​​​」原來一家三口到日本大板遊玩數天,兩母女穿上和服頭貼頭合照,十足餅印一樣,Kesha擺出多個甫士,又靚又cute!

汪琳
汪琳Fb不時分享家庭照!
汪琳
汪琳一家三口遊日,母女齊穿上和服!

汪琳
汪琳話囡囡口甜舌滑識氹人:「佢把口好甜,佢會話今日媽咪眼睛、嘴都好靚,用好多好sweet形容詞,呢方面唔似我,我唔識講嘢。」

進修兒童心理學

汪琳為人好學,佢話如果現在仍然演戲的話,會進修演技課程,不過育有一女的她現在以囡囡為重,為了增進和孩子的溝通,修讀兒童心理課程!

汪琳

更多精選內容