任晴佳初登模界 13歲美少女仙氣逼人

任晴佳初登模界 13歲美少女仙氣逼人

影帝任達華與名模太太琦琦的女兒任晴佳(Ella),今年雖然只得13歲,不過遺傳晒父母的優良基因,靚女又有超長腿!唔少人都覺得Ella可以跟隨媽媽踏上名模之路,日前Ella初登模界拍攝時裝照,果真是仙氣逼人、青春無敵!

原文:東方新地|圖片:微博、STYLE

任晴佳 最長腿星二代

大家都知道唔少星二代近年都成為網絡紅人,任達華與名模太太琦琦的女兒任晴佳(Ella),今年13歲,其實係16年時琦琦喺網上分享女兒生日派對的盛況,大家先知Ella遺傳了父母的優良基因,如今已出落成一位美少女,更擁有高佻身材,絕對有條件和媽媽一樣踏上天橋!

任晴佳現時身高已達170cm,遺傳晒父母的出眾外表及模特兒身材,難怪琦琦都大讚愛女身型比自己更加均稱!

由細靚到大

華哥超錫愛女,不時會在社交網站貼出囡囡相片,同大家分享女兒成長靚樣,亦可見天生一副明星相的任晴佳,細細個已經美人胚子,成日話女兒係爸爸嘅前世情人,單睇華哥對住寶貝女個冧樣,就知此言非虛!

任晴佳初登模界

任晴佳日前初登模特兒界,參與STYLE(風尚國際) 的特別企劃《千禧新勢力Millennium Power》,相片中見到Ella一頭烏黑亮麗的黑髮、一雙空靈的大眼睛,妝容唔算過於濃厚,著上Chanel、RedValentino、Tommy Hilfiger等新裝,真係不得不用句有啲濫的「仙氣逼人」去形容佢!

任晴佳
圖片:STYLE

任晴佳雖為令人十分期待的星二代,但琦琦接受訪問時透露女兒其實唔鍾意影相,當日啱啱去到影樓時都有點害羞,不過好快就投入其中!據知Ella拍攝時亦相當有主見,唔需要名模媽媽監場指導。琦琦更笑說自己喺衣架後偷看被女兒發現,要馬上躲起來!

任晴佳
圖片:STYLE

據知Ella亦有興趣做模特兒,不過對於入娛樂圈則有所保留,因為其志願係做一個時裝設計師,視Angelababy及美國模特兒Gigi Hadid為偶像。

任晴佳

更多精選內容