昂坪

親子好去處 玩轉東涌 昂坪360纜車體驗之旅

親子好去處

廣告

轉眼間又到春天,難得好天氣一於兩家人一齊去昂坪360玩下。

除咗要搭下纜車睇風景之餘,仲可以去昂坪市集行下。

最近昂坪仲新開咗「360VR體驗館」,咁好玩又點可以錯過呢?

緊係約埋一家大細一齊去玩返日放鬆下啦!

昂坪小簡介

昂坪纜車連接大嶼山東涌市中心及昂坪,全長5.7公里,全程約25分鐘。
備有三款車廂供選擇:標準車廂、水晶車廂及私人包廂。

而當中鄰近昂坪纜車站及天壇大佛嘅昂坪市集亦係推薦景點之一,佔地1.5公頃,展現出昂坪地區嘅風俗和文化。

唔好講咁多,一於等小JM家帶大家暢遊昂坪啦!

喺去拎纜車券之前就緊係要喺影相點度影張相打下卡啦。

影完相我地就要快快手去排隊拎飛啦。

溫馨提示

而家上網訂飛仲可以用優惠價錢買到纜車飛及門劵添架。

分別有「1+1 標準及水晶車廂來回纜車限時85折優惠」及「360娛樂套票」兩種!

拎完飛就緊係即刻出發遊纜車河啦!

因為我哋係坐水晶纜車,所以排隊嘅位置都有少少唔同,記得留意啦。

水晶纜車小簡介

- 每架水晶纜車可以載10名乘客

- 水晶車廂底部採用咗一塊三層強化玻璃而造成

- 水晶車身用咗變色設計,以配合水晶車玻璃物料所發出嘅銀光

喺纜車上,呢兩位小朋友完全無驚過,仲好鍾意坐喺纜車廂地下飽覽各種景色,特別係地上行走中嘅各類汽車啦!

360VR體驗館

纜車到站後會見到一個關於「360VR體驗館」嘅推廣資訊。

360VR體驗館將會由2月9日至3月24日期間開放,館內設有多個虛擬實境及多媒體感官體驗。*優惠期內仲係免費架,想玩就要記得去昂坪市集嘅360旅遊資訊中心換入場劵啦!*

優惠期內,可免費試玩以下 4 種體驗:與胡巴捉迷藏、高空索道行、光影許願樹及百變魔衣櫥

*可以同《捉妖記2》嘅胡巴及一眾角色進行大冒險*

與佛同行體驗館

去完360VR體驗館記得去埋旁邊嘅與佛同行體驗館呀!

紀念品售賣處

落車之後行無幾遠就會見到有紀念品售賣處,我哋都買咗張靚靚相留念。

紀念品售賣處嘅天花都有小小纜車裝飾,好得意呀。

小提示

唔需要擔心一張相唔夠分配,因為係會有埋相底俾返你架。

只要有呢一張「360相●分享」嘅卡,就可以登入背面嘅網站或下載相關手機程式使用,

只需輸入相片代碼或QR CODE就可以下載及分享架啦!

昂坪市集

步出紀念品售賣處之後就會見到「昂坪市集」,適逢新年,昂坪市集嘅擺設亦充滿著新年氣氛。

一次過食玩買

昂坪市集有各式嘅店舖,「食、玩、買」都一應俱全。

今日天氣出奇地好,好彩昂坪市集內有雪糕店,可以俾我同小JM消一消暑。

唔單止咁,呢度仲有長輩們最愛嘅老字號和記隆!

呢度仲有好多唔同嘅餐廳,就連鐵板燒都有!

想買野嘅亦可以喺市集嘅小攤檔、禮品店或者商鋪度買,好多嘢都好有特色。

除咗買嘢之外,呢度仲有得畫人像添喎!

360舞台

「360舞台」位於昂坪市集中間處,可以話係一個具有真實感嘅體驗。

因為360舞台融入咗特技、煙幕、爆破及電光對決等效果,都令人為之震撼,就連小JM都睇到嘩嘩聲添!

360動感影院

「360動感影院」嘅門票可以到昂坪市集禮品店內去預選場次。

動感影院播放5D電影,令觀眾可以享受到視覺、聽覺、嗅覺、觸覺及動感嘅影院。

兩套電影為:小飛蟻大冒險及動感大嶼遊

景點推介

食完又買完嘢就緊係要去景點影下相留念啦。

小JM婆婆其實好懷念以前一家人來遊覽大佛嘅時光,剛好今次約到可以兩家人一齊來玩,氹到婆婆好開心呢!

今次我地帶著小B們所以無上到去大佛,等小B們再大啲就同婆婆一齊行上去!

部分精彩景點

菩提許願亭

天壇大佛、十二神將石像

*途經天壇大佛時會遇上不少黃牛!*
溫馨提示︰請勿餵飼牛隻喔!
寶蓮禪寺

昂坪360嘅資訊中心仲提供咗好多貼心嘅服務以方便遊纜嘅旅客,就好似纜車預約服務、行李寄存、失物認領、電話叉電等,

而且仲有服務大使幫手解答問題。

昂坪360
地址:香港大嶼山東涌達東路11號
電話:(852)3666 0606
電郵:[email protected]
Facebook Page: www.facebook.com/np360/

下一頁︰12大復活節精選好去處