張瞻IG表演魔術 獲老竇大讚 連鄭秀文都Like

張瞻IG表演魔術 獲老竇大讚 連鄭秀文都Like

熱話

廣告

謝安琪、張繼聰嘅大仔張瞻(James)已經10歲,早前經父母批准張瞻終於開咗個人Instagram,除咗會分享自己同屋企人的生活日常之外,瞻瞻仲不時會開Live直播。日前,張瞻又搞新意思,拍片表現魔術畀大家睇,深得爸爸張繼聰童星出身的真傳,瞻瞻表現淡定仲好有台型。

撰文:Sunday Kiss

圖片:jamez_franciz@IG

張瞻表演魔術 獲老竇大讚 連鄭秀文都Like

張瞻日前上載了一條影片,佢手持一條鞋帶同鐵圈表演魔術,將個鐵圈隔空套落鞋帶,然後拎返出嚟,全程用全英文表演。雖然只是一個好常見的魔術表演,但見瞻瞻非常淡定,成個表演好流暢,臨尾仲擺晒Pose大喊一句:「Magic!」,表演慾十足,真係深得老竇真傳。即使開頭有小小失誤,跌咗個鐵圈,都無影響到佢繼續發揮。

對於十歲仔嚟講,呢個表現已經好專業。老竇張繼聰好捧場留言大讚:「Amazing!」,瞻瞻仲得到天后鄭秀文的Like!

張瞻半夜拍片上網 惹張繼聰kay留言批評

短短幾日,張瞻上載帖文數量已經超過20條,擁有自己專屬的社交平台似乎心情格外高興。日前,佢半夜12點幾瞓唔著,於是拍片上網解解悶。

這個舉動引起咗張爸爸同媽媽的注意,阿聰留言話:「小心阿!你爸爸過黎啦!」而Kay似乎對囝囝更嚴格點,佢留言話:「似乎電腦遊戲時間太多了,看來我要重新考慮你打機的時間,你覺得呢?」

張瞻雖然擁有了屬於自己的個人社交網站,佢每次發文爸媽不時出現係留言區。看來今次他自設了陷阱,引來爸爸媽媽的隨時隨地的監察!慘!

下一頁:思考型爸爸森美 從旁觀角度看子女