陳逸寧囝囝  新年N班大作戰

陳逸寧囝囝 新年N班大作戰

憑電影《春嬌與志明》一句「腿張開」彈出的爆粗女陳逸寧(Isabel),前年升為人母後,依然有大膽演出,在港視政治劇《選戰》中性感露背再受注目,近兩歲的囝囝盧俊熹(Plutus)間中都有睇媽媽做戲,但不知性感是何物, 只會指着電視說:「媽媽」。Isabel坦言做媽媽後不會收起大膽演出,「我係演員,角色需要我就會做,唔需要輔導阿仔。」 新一年未知會否開拍《選戰2》,Isabel會把事業重心放在正職保險上,演戲只屬兼職,講到羊年大計,囝囝才是第一位,希望達成兩個目標——識去廁所和入PN班!Isabel已積極做資料搜集,廣問親朋意見,希望新一年入到好學校!

Isabel與丈夫Chris決定一個夠晒數,不會追多個,把全副心機放在Plutus身上。
Isabel與丈夫Chris決定一個夠晒數,不會追多個,把全副心機放在Plutus身上。

開展「廁所特訓」

上次訪問Plutus只有五個月大,可以任玩任捽,轉眼間已經1歲9個月大,識行識走識發脾氣,單是氹他影相已花了很多氣力,Isabel笑他學識了扭計,「當佢想得到一樣嘢,就會成個人趴喺地下引我哋注意,不過佢都唔算曳, 性格好開朗。」Plutus好鍾意黐人,尤其是男仔,難怪當日特別喜歡攝影師哥哥,在家就特別黐爸爸,不過Isabel沒呷醋,「當然唔會啦,佢跟我哋是但一個都開心。」Isabel透露新一年準備展開「廁所特訓」,要他日日黐馬桶,「我等佢識講多啲嘢,明白咩係大便先,再教佢自己試吓屙。」拍攝場地有個懷舊痰罐,他好奇地痰罐當櫈坐,完全沒抗拒,應該好快學識上廁所。

Plutus羊年第一件事要學識自己去廁所,肯坐痰罐都好過瀨。
Plutus羊年第一件事要學識自己去廁所,肯坐痰罐都好過瀨。

首選聖保祿PN

羊年最頭痛莫過於搵學校,Isabel正為囝囝報讀PN班煩惱,她的心水學校是聖保祿幼兒園,以及維多利亞(君匯港)國際幼兒園,「最心儀係St. Paul,維多利亞就近屋企好方便,教學又唔錯,我仲報埋寶翠園嗰間。」Isabel參考過坊間的幼稚園排行榜,雖然不肯定其公信力,但榜內有列出教學設施、師資、學業成績及課外活動等資訊,有一定參考價值。「St. Paul係top 10,係公認嘅好學校。」St. Paul是天主教學校,符合其宗教信仰,不過熱門學校競爭大,Isabel不敢寄予厚

望,「都係俾佢in吓,唔係要佢一定入到,PN唔讀都得㗎,都係攞吓面試經驗,聽啲人講都係認吓顏色、生果、形狀,佢認到形狀但未識講,希望佢今年會識,面試仲睇識唔識拍櫈,佢都未識㗎。」

聖瑪加利大排全港第一

Isabel報PN的心情比較順其自然,但報幼稚園就緊張得多,她同時間做緊幼稚園資料搜集,St. Paul是必然目標,還有同屬灣仔區兼同教會的天主教聖瑪加利大幼稚園及寶血幼稚園,其次是玫瑰崗幼稚園及英基學校。「英基係國際學校,暫時想試番local school先,呢幾間都係排名高, 我當然最希望入到第一嘅聖瑪加利大啦,每年男仔畢業生最多係升上華仁(番禺會所華仁小學),但我好怕競爭大,我都知好難入,會再做多啲research,睇清楚每間學校嘅教學方法。」

好多家長希望仔女入到名校,Isabel也不例外,希望盡能力安排Plutus入名校,「最好入到啦,但依家未知㗎,都係plan定先,最主要睇佢性格同能力。」為了增加勝算,她正考慮送阿仔去學面試的playgroup,「係朋友介紹,睇吓佢鍾唔鍾意先,唔鍾意就唔返囉。」

囝囝未識講恭
賀說話,但識叫人
氹親友開心,Isabel
正努力教他講「恭喜」,
囝囝未識講恭 賀說話,但識叫人 氹親友開心,Isabel 正努力教他講「恭喜」,逗多幾封利是!

好多家長希望仔女入到名校,Isabel也不例外,希望盡能力安排Plutus入名校,「最好入到啦,但依家未知㗎,都係plan定先,最主要睇佢性格同能力。」為了增加勝算,她正考慮送阿仔去學面試的playgroup,「係朋友介紹,睇吓佢鍾唔

鍾意先,唔鍾意就唔返囉。」她覺得名校的確多方面優勝,例如校風純樸,同輩間有良好學習氣氛,「讀書好易俾身邊同學影響,如果學校純樸啲,學生都會乖啲。」經朋友介紹下,囝囝剛開始返playgroup,學習大熱音樂課程Kindermusik,Isabel睇中有cert攞、有音樂學,還學識自理,「上三堂已經睇到佢有進步,佢嗰班有8至10人,第一堂佢扭眼瞓,仲突然見到咁多小朋友,就好驚大喊,但上多兩堂佢冇嘢喇,知道呢個地方係玩。其中有個section係講故事,鋪咗塊地墊叫小朋友坐上去,第一日阿仔唔肯坐,圍住我哋不停跑,第二日佢已經識自己行埋去坐喺中間,唔理我㖭!另一個section就拎起兩個啷啷,high lowhigh low訓練小肌肉,玩完嘅玩具仲識自己執拾!」

list

來自大馬家庭

新年期間暫且輕鬆一下,揀學校先放埋一邊,丈夫盧英漢(Chris )那邊是大家庭,要拜足幾日年,Isabel則來自馬來西亞,在港親戚不多,「兩日就搞掂,一日團年一日拜年,但我會約多啲朋友嘅小朋友出來玩,佢係獨仔,想佢見多啲小朋友,學吓群體生活冇咁悶。」她正考慮過年後返鄉下探婆婆,「佢住喺檳城,80幾歲好大年紀喇,好想探吓佢。」大馬雖然多華人,但過年氣氛淡,所以她好少回鄉過年,「上年過年後有返去,可能地域問題,嗰邊過年冇乜氣氛,但會照派利是,媽咪有好多親戚,派咗好多利是俾Plutus!」Plutus今年第二年逗利是,正努力學講「恭喜」逗多幾封!他上年逗了五位數字利是,都幾和味,Isabel為他開設一個兒童儲蓄戶口專放利是錢,「今年應該逗少啲喇,應該得番四位數,上年啱啱出世吖嘛。」

1213

(左) Isabel最喜歡家鄉馬來西亞的氣候和食物,「全年都輕飄飄出街,係有啲曬囉,生活指數又低,最正係食,尤其係榴槤、喇沙、炒貴刁。」

(右) 為人母親後,Isabel指最大得着認識了好多媽媽級朋友,經常相約一齊玩,希望囝囝多接觸群體生活,不會感到孤單。

儲夠利是錢再買保險

儲多幾年銀碼愈滾愈大,她打算買多份儲蓄保險年供,風險低,具儲蓄成分兼包醫療保障,比放儲蓄戶口化算。來自保險世家的Isabel,父母、老公、老爺奶奶都做保險,所以Plutus一出世,全家就為他度身訂造保單,年紀小小已有兩份保險加一份教育基金揸手,保險一份做儲蓄,一份醫療保障。供書教學已經辛苦,還要供保險,她坦言供得頗吃力,所以待幾年後儲夠利是錢,才考慮供第四份,「揀份平平哋嚟年供,都好過擺銀行,年供一次過俾得多啲,所以要儲多幾年先可以開始。」湊仔雜費、讀書、供保險的開支愈來愈大,Isabel希望新一年能專注保險正職,搵多些奶粉錢,「上年要拍戲同湊仔,少咗時間做保險,今年會擺番多啲時間喺正職上,搵多啲奶粉錢,始終做保險搵得多過拍戲。」

 

●撰文:Ling

●攝影:Clay Lam(部分相片由受訪者提供)

更多精選內容