【滿載而歸】文娜雅拔豐富多元開放日

【滿載而歸】文娜雅拔豐富多元開放日

Par Par 就讀嘅文娜雅拔國際幼兒園及幼稚園(九龍塘),喺早前舉行咗開放日,主題係就快到嘅復活節,有靚靚氣球佈置之餘,仲有好多全新嘅攤位遊戲,每玩一個都會得到小禮物,真係滿載而歸呀!

 

撰文:Fiona Kei|圖片來源:Fiona Kei

文娜雅拔開放日

一入到學校,就見到好多書本同益智遊戲玩,我最鍾意玩一部吹住乒乓波嘅風機,遊戲係要揀唔同嘅顏色,小朋友玩得開心之餘,仲可以訓練吓手嘅肌肉、反應同靈敏度。好有愛心嘅 Ms. Chichi 校長,仲陪 Par Par 玩埋一份㖭!

By the way, 早前 Par Par 喺操場玩嗰陣時,見到早前 Ms. Chichi 喺地下畫嘅一棵樹,就好奇問係邊個畫嘅,跟住老師就畀佢喺地下畫畫喇!^^

呢件小事,以及開放日嘅藝術、手工藝,遊戲、圖書及小食攤位,可以畀大家感受到校園嘅學習氣氛。

喺開放日,所有老師都出晒嚟同小朋友一齊玩,Par Par 現時嘅班主任有教佢畫畫,而去年嘅楊老師,更加畫咗隻恐龍喺 Par Par 隻手度,畫得勁專業,好有專業水準,最重要係楊老師仲記得 Par Par 好鍾意恐龍,超窩心呀^^

操場同 2 樓亦都有好多攤位遊戲,令學校變咗一個有趣、好玩嘅大遊樂場,校長、老師同學生又再 close 啲,令星期一至五都返學嘅小朋友唔再拘謹,對學校更有歸屬感。

每隔 45 分鐘,仲可以欣賞 K1-K3 小朋友表演跳舞!佢哋全部都跳得又好又開心,證明老師識教,令家長放心。

 

除此之外,見到好多家長義工都幫手準備攤位遊戲,同小朋友一齊玩,又幫手一齊影吓相,校長 Ms Chichi、校監 Ms. Winnie 同校董 Ms. Christine 亦都好親民,全程參與之餘,仲同小朋友、家長有講有笑,非常融洽,反映學校喺家校合作上做得好好,家長同校方都係一條心,為小朋友提供最好嘅教育,令學生得益。

臨走前填咗問卷,收到一大袋禮物,連之前喺攤位遊戲得到嘅小禮物,真係滿載而歸呀!Par Par 同我都玩得好開心,亦都恭喜學校呢次 Open Day 咁成功,希望越嚟越多人認識我哋學校啦!Par Par 好享受呢個外向、開心、國際化嘅學習環境,能夠接觸好多唔同嘅事物,同時培養良好嘅品行及習慣,學校主張培育:

 

  1. 個性、社交,以及情緒發展
  2. 溝通、語言,以及讀寫
  3. 數學、科學和解難
  4. 認知及理解能力
  5. 體能發展
  6. 藝術創意發展

而呢 6 大學習範疇,係非常接近傳統名校蔡繼有嘅辦學宗旨。姑勿論最後派位結果係點,單係文娜雅拔呢個唔催谷嘅環境之下,Par Par 而家 K1 已經有大哥哥風範喇!^^

 

FB: KeicyKK

 

更多精選內容