【又黑面?!】成日被誤會心情唔好 美研究:「天生臭臉」確實存在!

【又黑面?!】成日被誤會心情唔好 美研究:「天生臭臉」確實存在!

相信唔少人都一定有試過冇啦啦畀人問:「你係咪心情唔好呀?」、「係咪有人激嬲你呀?」明明就咩都冇做過,但就成人畀人誤會係個黑面、難相處嘅人。終於,美國一項研究證實「天生臭臉」的確存在,幫成日黑面嘅人可以嚟個大平反啦!

撰文:Kammy|圖片來源:Instagram

美研究:「天生臭臉」確實存在!

美國某科技公司一項研究指出,原來呢個世界上真係有「天生臭臉」嘅人,為一眾習慣成日畀人誤會擺臭臉嘅人作大平反!同時,喺科學報告中指出,你哋最愛擺嘅「臭臉」已經成功超越語言、國家嘅隔膜,成為一種新嘅國際通用語言。

臭臉
唐詩詠台慶曾被指擺臭臉。

研究人員運用公司內專門研究人類表情嘅軟體FaceReader研究「臭臉」表情,將標上臭臉標籤嘅名人作為研究對象,並將照片放進軟體中分析,結果得到了十分有趣嘅發現。

臭臉

研究人員先分析一般人唔笑時嘅肖像,結果發現,呢類表情被軟體認定為 97%嘅「中性」,剩下 3%則係微量情緒,隨研究對象不同隱含悲傷,快樂或憤怒嘅情緒痕跡。

臭臉

然而,換上普遍被認為「擺臭臉」嘅名人肖像時,佢哋發現原本嘅微量情緒從 3%升高到 6%,而且呢類微量情緒多半帶有「輕蔑」嘅情感在其中。

總是被誤以為心情唔好 美研究:「天生臭臉」確實存在!
大笑姑婆應采兒面無表情時亦常被誤以為被惹生氣。

分析發現,某啲人認為自己毫無情緒起伏時,佢哋某啲細小嘅微表情,例如細微嘴角向下,或稍微瞇眼等會被解讀成「臭臉」。

返工黑面

微小表情常被錯誤解讀

然而,根據美國 Ohio 州立大學嘅研究,佢哋分別搵到母語為英語、西班牙語、普通話同美國手語嘅人作為研究對象,發現經常被認為擁有「天生臭臉 」(Resting bitch face)嘅人,臉部都集中呈現3組唔同表情,分別係:「皺眉」、「抬下巴」以及「緊閉雙唇」嘅微表情。

總是被誤以為心情唔好 美研究:「天生臭臉」確實存在!
通常皺眉會被誤認為是憤怒;抬下巴則代表厭惡;而緊閉雙唇則常被視為蔑視。

研究人員指出:「由研究結果分析,這些臉部微表情所傳達的情緒已經成為一種獨特、國際性的身體語言。」所以,經常被人認為愛擺臭臉嘅你,唔使擔心受到其他人鄙視同孤立,因為「臭臉」已經被認證成為國際通用嘅語言之一!

研究

更多精選內容