黎明認做老竇:進入人生中另一階段

黎明認做老竇:進入人生中另一階段

終於認啦!早前《東方新地》獨家拍得黎明新寵Wing Chan陀B六個月,不過Leon一直都無回應係咪做老竇,到今日以影視娛樂大使身份出席活動,都只係笑笑口唔回應,不過啱啱佢終於喺FB宣布進入人生中另一階段--做老竇啦!恭喜Leon!

撰文:Sunday Kiss|圖片來源:東方新地、新傳媒資料室

黎明認做老竇!

黎明在FB承認與32歲、同樣離過婚嘅女助手阿Wing交往,且女方已懷有「明B」,恭喜晒!

「兩個經歷過離婚的人,有機會走在一起已是一種缘份,有了的小生命更將令我成為父親,并帶我進入人生中另一階段。我作為父親必須保護好我自己的家人,更不願意讓家人隨便曝光,相信作為家長也會有同感。對於我們的將來,就交给時間去證明一切。2018年3月19日! Leon」

早前《東方新地》獨家爆出黎明去年開始寵幸失婚女助手Wing Chan。阿Wing閃升新寵做營業部經理,除咗喺黎明的多年心血AMusic打晒骰外,就連位於上水雙魚河St.Andrews Place的6千呎獨立屋,阿Wing都出入自如。 阿Wing狗年報喜將榮升人母,現已專心養胎的阿Wing,生完金叵羅,得寵程度定必再提升!

黎明新寵阿Wing 陀B出巡

這段養胎日子,阿Wing繼續自由出入黎宅,早前本刊拍得黎明由司機接載離開寓所工作,之後阿Wing獨自駕車外出,直駛沙田「Homesquare」,該處集中售賣家具及家品。現場所見,阿Wing當日身穿白色薄羽絨內襯黑色連身短裙,下車後清楚可見佢腹部已明顯隆起,目測已懷孕六個月以上,不過佢未有水腫,而且健步如飛。

黎明
早前阿Wing由黎明寓所出發去shopping,見到佢腹大便便、剪了頭短髮,掃家品、睇BB床,連車都睇埋!

更多精選內容