胡杏兒產後髮線上移?一句留言化解尷尬

胡杏兒產後髮線上移?一句留言化解尷尬

現年38歲嘅胡杏兒成功幫三代單傳老公李乘德誕下囝囝Brendan(李奕霆),仲話想三年抱兩追多個。不過日前杏兒貼咗張落廚相,網友見到杏兒All back煮飯look至知佢髮線好高,有人問係咪生完BB後有脫髪問題,又有人問佢係咪好大壓力,見慣大場面嘅杏兒大方留言,成功化解尷尬⋯⋯

撰文:東方新地 |圖片:胡杏兒IG胡杏兒微博、東方新地

胡杏兒髮線上移?產後脫髪?

杏兒婚後愛下廚,早前佢喺屋企煮食,Philip影住杏兒個招積樣話多謝老婆煮出一餐好成功嘅肉卷同餡餅,但網民見到張相落咗去杏兒個頭箍all back頭,原來佢髮線好高,有網友問杏兒係咪有問係咪有產後脫髪?又有人問係咪照BB有壓力搞到髮線上移⋯⋯

胡杏兒
胡杏兒早前喺ig貼咗張一家三口合照,原來係老公Philip Lee(李乘德)生日,佢哋一齊抱住囝囝Brendan影全家福,好溫馨。
胡杏兒
網友錯重點,落咗去胡杏兒嘅髮線⋯
胡杏兒
胡杏兒入廚係人都想食啦!

杏兒公關上身,喺微博開post回覆:「其實我的髮際線一直都這麼後,只是大家沒注意到而已,大家不用害怕,孩子照樣可以生。」成功化解尷尬及解決網民的疑惑!

胡杏兒
最後,胡杏兒一句化解大家的疑問⋯原來係天生嘅!
胡杏兒
胡杏兒呢張髪線原來都係高!

胡杏兒拱橋倒立嗌辛苦

扮靚同keep fit永遠都係女人嘅終身事業,雖然胡杏兒同老公李乘德(Philip)都好心急再追多過B,希望可以三年抱兩,抓緊時間在40歲之前要生至少兩個。不過keep fit係女人嘅終身事業,為瘦身佢最近就跟住Coffee去學做瑜伽。不過話晒都有番咁上下年紀,胡杏兒做倒立同拱橋時都大呻辛苦,佢仲諗番起06年增肥到152磅拍《肥田囍事》時,每次做訪問記者都會問佢覺唔覺得自己犧牲好大,佢話自己當時每次都會回答:「又唔係唔俾我瘦返轉頭,唔俾瘦返就話大犧牲啫!」

胡杏兒
第三堂瑜伽胡杏兒已經要做head stand倒立。
胡杏兒
胡杏兒產後五個月其實已極速修身成功,但佢仍學做瑜伽,為keep fit大業不斷努力。
胡杏兒
胡杏兒話Coffee係魔鬼教練!佢仲狂呻話:「明明小時候做拱橋一點難度也沒有,現在為什麼這麼辛苦!!」

但依家相隔超過10年,胡杏兒話發覺其實當年拍《肥田囍事》真係有一定嘅犧牲:「因為我的身體再不能像以前那麼容易瘦回來,因為脂肪細胞已經膨脹了,到現在keep fit真的不是像以前那麼輕鬆。」不過杏兒話即使再揀一次都會再演「肥田」呢個角色,因為挑戰愈大,滿足感都愈大!

胡杏兒
胡杏兒晒出五個月大囝囝Brendan嘅cute爆照,話囝囝個樣似足士多啤梨,睇真啲,相片左邊仲見到靚媽胡杏兒對腳。
胡杏兒
上月情人節胡杏兒同囝囝sweet咀嘴,好溫馨。
胡杏兒
胡杏兒老公李乘德亦抱住囝囝同大家拜年,慈父樣出晒嚟。
胡杏兒
上月尾胡杏兒孖老公飛布吉參加婚禮,重溫未生仔前拍拖時嘅sweet日子。
胡杏兒
胡杏兒喺不經意間晒出谷奶好身材。
胡杏兒
胡杏兒仲大讚婚禮很美很感動,令佢諗番起自己同老公當年嘅婚禮。

胡杏兒老公 恨追多一個

早前胡杏兒夫婦為囝囝Brendan喺九龍塘一會所搞百日宴,大宴親朋好友,而杏兒老公仲喺Instagram貼咗張相,相中二人拎住印有Brendan唔同樣子嘅紙板,並喺Instagram留言話:「Hopefully we will have the chance to carry two real babies one day (好希望有一日我哋有機會抱兩個真嘅BB!)」老公開到口,杏兒追多一個,真係事在必行!

胡杏兒
胡杏兒夫婦喺九龍塘一會所搞百日宴,二人抱住囝囝個樣,一臉滿足!
胡杏兒
胡杏兒老公喺IG分享兒子百日宴嘅相,仲留言話恨有多一個BB!
胡杏兒
胡杏兒兩公婆拎住兩個紙板BB,希望夢想成真,可以三年抱兩!

更多精選內容