wellcome paradise

【親子好去處】超大放電室內遊樂場 宏美樂園 Wellcome Paradise

專欄

廣告

上星期,嶠媽帶左芊嶠和劻霖去位於九龍灣國際展貿中心嘅宏美兒童樂園,宏美兒童樂園是全港最大兒童波波池之一,佔地總面績超過9,000平方呎,提供大型綜合攀爬設施及互動遊戲組合,包括容納15萬個波波的波波池,具特色設計,集遊樂設施、教育配套、表演項目於一身。

一去到九龍灣國際展貿中心,上來嘅扶手電梯都有貼到宏美樂園嘅森林貼紙,上幾層電梯就可到達,如果有帶bb車,可以泊係門外嘅嬰兒車停泊區。對面就有個深森鞋櫃區,好大嘅一個放鞋區,大人小朋友除左鞋放係鞋櫃,就可以準備入場啦!

場內場外都有好多儲物櫃,如有需要,可以借用,只需付$100接金,記住走個陣還返鎖匙比職員,拎返$100接金呀!放低哂所有行李,就真係可以入場。記住呀,場內不可飲食!另外,大人小朋友都要穿襪子呀,如果冇穿襪子,場內即時購買都只係$10/對。進場前要先量體溫和用酒精消毒雙手呀!

我地先帶左劻霖去兒童遊玩區,波波池都唔算太深,但太細小嘅小朋友,家長都係最好陪同在左右。兒童遊玩區仲有小小圓洞隧道,仲有個短嘅螢幕滑梯,劻霖係到玩左好耐都唔想走。

另一面,都有一個小小遊玩區,有一隻大甲蟲,劻霖見到就好想爬上去,遊玩區仲有手抓板,小朋友可以係到訓練小肌肉囉!

場內仲有得坐車車,不過哩款車車係要靠自己移動架!想玩就要努力啦!

重點推介:繩網攀爬,小朋友要上繩網上面,可以由軟墊樓梯或由哩個繩網樓梯上上面,兩種唔同體驗,繩網樓梯要用多好多倍努力先上到去。上到去就可以由半透明圓洞型滑梯滑下,會直接滑下大波波池添!如果想去另一條滑梯,就要由大波波池通去啦!

繩網上有平衡木,都有繩網梯,大膽嘅小朋友就盡情跑啦!

大波波池內有個螢幕,用來做咩?比小朋友隨手拎起啲波波,就可拋向螢幕,仲有唔同遊戲選擇。

仲有唔少得嘅跳彈床,哩個跳彈床有別於出面嘅,平時都會係下面係彈床,小朋友係上面跳!樂園入面哩個連側面都係彈床,小朋友向前衝衝撞撞都唔怕受傷啦!

嶠媽我地一玩就玩左兩節,兩節之間會有半小時清潔時間,嶠媽真係大開眼界,因為所有職員都會戴上手套,用消毒水去清潔,而且仲會用紙巾去抹,真係唔係hea做!另外樂園仲會有部大嘅清潔波波機,係用來洗波波池個15萬個波波架!

此外樂園管理團隊具國際兒童教育經驗,為6個月至10歲兒童度身訂造不同類別遊戲小組、興趣班等,提供優質、安全的智能培育環境,是親子學習和歡樂的好去處。

=========================

宏美樂園 Wellcome Paradise

地址:香港九龍灣展貿徑1號九龍灣國際展貿中心3樓302號

開放時間:9:00am – 7:00pm
聯絡電話:2155 4228

樂園對象:6個月至10歲小朋友

=========================

費用:
1. 早上至下午時段 (9:00am – 12:30pm)為興趣遊戲班,分為2節,每節1小時30分,費用為$200 (1大人1小孩)
2. 下午至黃昏時段 (2:00pm – 6:30pm)為公眾玩樂,分為2節,每節2小時,費用為$200 (1大人1小孩)。
3. 如加多1個大人,另收$60
4. 如加多1個小朋友,另收$140
5. 1歲以下小童免費入場

=========================

服務要點:
1. 具教育意味(如早上設立的遊戲小組、興趣班),以下是具體內容:
· 早上至下午時段 (9:00am – 12:30pm)為興趣遊戲班,分為2節,每節1小時30分
· 由香港著名國際幼稚園的高校監和校長親自領軍和督導,帶領一群資深的導師授課
· 當中有分開為親子寶寶班及各類興趣班
· 親子寶寶班:主要針對1歲半至2歲半幼兒,透過講故事、唱歌、小遊戲等活動啟發他們的好奇心、創意思維、學習人與人之間相處及遵守紀律等。
· 各類興趣班:主要透過不同形式的互動及創意遊戲使小朋友有更多機會參與群體活動,發展他們的社交能力及情緒表達。

【之後會有優惠價試堂推出,詳情可留意官方公佈,想知最新消息,立即讚好「宏美樂園 Wellcome Paradise」Facebook】

2. 寬敞空間讓小朋友活動(如有超過15萬個波波的波波池、繩網攀爬、跳彈床等)

3. 派對場所 特設不同packages 供客人選擇
A餐:成人及小童各30位
費用:港幣$6,000

B餐:成人及小童各50位
門票:港幣$10,000

C餐:成人及小童各100位
門票:港幣$20,000