胡杏兒老公晒囝囝得意萌照 網民驚訝成家人都好似樣呀!
廣告
自從胡杏兒同老公Phil公開囝囝Brendan正面照之後，網民都大讚Brendan眼大大，又肉肉，好可愛！Phil近日到越南出Trip，返到嚟香港梗係要即刻同囝囝Selfie下啦！Brendan見到爸爸似乎都好開心呀，你睇佢笑得幾可愛！
撰文：Sunday Kiss｜圖片來源：hakkaphil@IG
胡杏兒老公晒囝囝得意萌照 網民驚訝成家人都好似樣呀!
唔少網民都話兩父子好似樣，但其實一家三口都好似樣㗎！兩個人對得耐，個樣就會越來越似，見到杏兒同Phil呢張相，真似真係喎！
現年38歲嘅胡杏兒成功幫三代單傳老公李乘德誕下囝囝Brendan（李奕霆），仲話想三年抱兩追多個。不過日前杏兒貼咗張落廚相，網友見到杏兒All back煮飯look至知佢髮線好高，有人問係咪生完BB後有脫髪問題，又有人問佢係咪好大壓力，見慣大場面嘅杏兒大方留言，成功化解尷尬⋯⋯
杏兒婚後愛下廚，早前佢喺屋企煮食，Philip影住杏兒個招積樣話多謝老婆煮出一餐好成功嘅肉卷同餡餅，但網民見到張相落咗去杏兒個頭箍all back頭，原來佢髮線好高，有網友問杏兒係咪有問係咪有產後脫髪？又有人問係咪照BB有壓力搞到髮線上移⋯⋯
杏兒公關上身，喺微博開post回覆：「其實我的髮際線一直都這麼後，只是大家沒注意到而已，大家不用害怕，孩子照樣可以生。」成功化解尷尬及解決網民的疑惑！
