徐濠縈慘遭囡囡康堤嫌棄 話佢扮後生？
徐濠縈慘遭囡囡康堤嫌棄 話佢扮後生？
徐濠縈全紅打扮出席派對
日前國際時裝品牌Alexander McQueen，於金鐘舉行了2018春夏時裝派對，呢類時裝派對又點少得潮流達人徐濠縈出席！阿徐呢日除了一身全紅色的打扮之外，連頭髮個顏色都係紅色，一身搶眼的造型，真係唔係人人都可以咁型。
徐濠縈倆母女去韓國旅行
徐濠縈早前同囡囡康堤去完韓國旅行返港，阿徐除了表示今次係康堤首次去韓國外，仲話諗住同囡囡一齊學跳K-Pop，因為佢覺得如果可以同個女好似兩姊妹咁樣一齊跳，感覺會幾型，但可惜囡囡表示唔多想同媽咪跳。
徐濠縈被康堤話扮後生？
阿徐又話13歲嘅囡囡而家已經高過自己，囡囡周不時都會拎佢啲靚波鞋著。
但重點係每當阿徐著啲大tee或者著得young啲的時候，康堤就會彈句「媽咪你做乜扮後生？」，真係聽到個心都離一離呀，唔知阿徐心入面點諗呢？
徐濠縈 開心送吻
早前，上個月7號44歲生日的壽星女徐濠縈，提早慶祝生日，獲Eason、偉仔同張震三大男神送祝福，開心到不停在派對上嘟咀派飛吻，仲舉埋V字手勢影相，而梁朝偉同Eason就鬥耍詠春，一大班人玩得勁開心！
開腔回應婚變阿徐：即管放長雙眼睇
日前， 徐濠縈 （阿徐）到鄭紹康主持的節目《天下第一Friend》中，擔任嘉賓。阿徐在節目上可謂有問必答，有傳她與陳奕迅（Eason）婚變，阿徐謂自己和Eason都是絕少睇新聞的人，亦不會將娛樂新聞當作茶餘飯後話題。阿徐表示：「成日話我地分手、離婚，慣曬啦，咪由得人講囉，時間係最好既證明，即管放長雙眼！」
唔知自己係A餐定B餐
之前網上曾瘋傳一篇潮文「A餐定B餐？」，文中將徐濠縈和謝安琪作比較，A餐為「5億身家＋徐濠縈」，而B餐則是「50萬身家+謝安琪」。對於曾經成為一時熱話的A餐B餐事件，阿徐亦有回應：「到依家我都分唔清自己係A餐定B餐，是但啦，至緊要係佢（陳奕迅）揀岩咗自己果個餐，佢岩食咪得囉！」
與奶奶相處融洽
被問到有傳聞她下嫁Eason時，曾遭陳家大力反對，婆媳關係是否惡劣？阿徐則否認：「我地結婚果陣，米已成炊，包包（女兒）都已經歲幾啦，仲反對？而且我同奶奶關係好好，佢成日買小禮物畀我，又會帶朋友來鋪頭幫襯，咁我當然唔敢收佢錢啦，哈哈！」
陳奕迅先係大花筒？
外界曾多次傳出阿徐與Eason不和是因為阿徐大花筒，阿徐則謂要問陳奕迅才知道。她說：「其實我又唔鍾意買珠寶，又唔買名車，如果以強中弱來厘定大花筒，我只係適中囉！當然每個人把尺都唔同，最緊要係身邊果個（Eason）唔覺得你過份！」隨後又指可能陳奕迅比她更「大使」。
大爆息影 因為陳奕迅
阿徐在節目上亦大方分享了與Eason的愛情故事，她指自己跟Eason在華星年代認識，當年Eason並未走紅，今時今日則已成為歌神。阿徐笑指：「有時我地都會拎返來笑下，依家無名果個係我，我只係Eason嫂！」接著阿徐又透露Eason做過令她最窩心的事，她指當年自己仍在無線時，因不太喜歡做娛樂圈，Eason便霸氣地指：「你撈唔掂架啦，等我來啦，趁仲未搬入將軍澳，好走啦！」阿徐笑謂：「當年我27歲，就咁息左影！」看來阿徐跟老公還是家人的關係都很不錯，而且並沒有受到外界的謠言影響。
