棟篤笑表演者Matina:「成為全職媽媽後,我知道咩叫坐監!」

棟篤笑表演者Matina:「成為全職媽媽後,我知道咩叫坐監!」

「自從有小朋友之後,我就知咩叫眼瞓,咩叫肚餓,咩叫坐監!做過先知,原來可以咁困身!」Matina的心聲,不知是否可以代表其他全職媽媽的心聲?

撰文:Joanne 圖片:Simpson(部份相片由受訪者提供)

生BB好大衝擊

在成為媽媽之前,Matina 是在美國生活的「Slash 斜槓族」,生活自由度大。但在39歲那年,經歷過兩次流產後,原本以為應該與孩子無緣的她,竟然意外懷孕,突然成了高齡產婦,對她而言,絕對是一個很大的「驚喜」!「因為係第一次,所有嘢都未經歷過,好新鮮!例如你聽過生仔會好痛,但係你唔知實際係有幾痛,所以所有嘢都係挑戰同驚喜!」

 全職媽媽

全職媽媽=坐監?

大女出生後,Matina決定放下工作,擔起全職媽媽的角色,「我唔似有啲媽咪咁,未有小朋友之前有高薪厚職,有份專業。我之前喺美國生活,喺醫院做過翻譯,做過平面設計,做過教會秘書,喺有BB 之後,就諗要做個專業嘅媽咪同湊仔婆。」

 全職媽媽

本身是個自由身的人妻,人生突然被一個人仔縛住,對Matina來說,絕對是個很大的衝擊!「第一次做媽咪,對BB 每個階段都會好緊張,BB一個月會係點,一個月零一個禮拜個發展又係點,經常都會上網search,唔知自己有咩做錯。」

 全職媽媽

一步一驚心的照顧了大女兩三年,Matina又意外懷孕,到細女出世,已經有了經驗,沒有那麼手足無措,不過生活就更加忙碌!「有時連坐低食半碗飯嘅時間都冇!冇小朋友嘅人係唔會明架!」

感恩有丈夫支持追夢

9年前,Matina回港渡假時,參加了一個棟篤笑工作坊,自此就愛上了這項表演,「我相信自己係有啲幽默感嘅,同朋友一齊嘅時候,通常都係負責搞笑、搞氣氛。」直到現在,Matina仍然會與一群志同道合的朋友作定期表演,素材就主要圍繞自己的家庭生活,而她也很珍惜可以上台表演的時間。「因為我知道每一次可以出門口,做自己嘅嘢都係一種恩賜!好多謝我先生嘅支持,如果佢知道我要出show,一定會早啲返嚟湊女。」

 全職媽媽

想阿女每日大笑一次

以自己的家庭生活,作為娛樂觀眾的材素,那Matina又會如何令到家中兩個女兒活得快樂呢?「我會盡量提醒自己,唔好咁忟憎,盡量將幽默感早啲灌輸俾佢哋。喺屋企我成日都會同佢哋做啲好Silly嘅嘢,例如作啲好傻嘅歌呀,得閒就同佢哋好即興咁跳舞,亂咁跳,咁佢哋就會好開心架喇。」

「我曾經寫過啲目標俾自己,每日嘅目標,就係每日引到佢哋大笑一次,如果做得到,咁我就好開心喇!」

母親節開Show

今年的母親節(13/5),Matina將會在灣仔動漫基地有一個演出,如果想去捧場的話,可以留意爆笑館的專頁。

下一頁︰白化症月亮少女 不做宅女

白化症少女

更多精選內容