不想打擾其他產婦作息 黎明:我不會再出現醫院!

不想打擾其他產婦作息 黎明:我不會再出現醫院!

51歲黎天王上月在Facebook宣布喜訊,承認與32歲、同樣離過婚的女助手阿Wing交往,而且女方已有身孕!昨日有報道指阿Wing早產一個月,並已為黎明誕下B女。因為早產關係,所以比較輕,得五磅左右。不過,今日黎明就喺社交網上對誕女作出回應,他指對醫務人員及其他產婦,由於他本人而被媒體影響作息深感抱歉。

撰文:東方新地、Sunday Kiss | 圖片:新傳媒圖片庫

不想打擾其他產婦作息 黎明:我不會再出現醫院!

24日,黎明在社交網上對阿Wing早產誕下B女作出回應。他留言:「用我真摯感恩謝謝醫院的接生護士們和醫生們,他們的專業令我100%尊敬。」

不想打擾其他產婦作息 黎明:我不會再出現醫院!

不過,因為他的明星身份而打擾到醫護人員及其他產婦作息,他感到很抱歉,並感慨發長文話:「但最終都系由不知名人士報料給記者而又令到該醫院變成其他記者守候的場地!又不知會帶來多少壓力給其他醫務人員和其她產婦與病人,也會因我而影響了其她產婦的休息和打擾了要看病的人士,早產嬰兒的父母是要專注和醫生配合,但如果我再次出現也會令醫院增添多一層的壓力。辛苦了收了上級指令在等候的記者們!我也望各新聞媒體上級可收回攝記守候指令,等醫院可回復正常,因為我不會再出現醫院,寧願選擇在有私人空間的場合享受與家人在一起。最後我也無奈回頭一想當年讀書時期所學到的歷史日本侵華中的(漢奸)為什麼會出現,原來有些人真是有這種漢奸基因,喜歡爆料,將人家認真時刻要面對的問題變成八卦料告知媒體再將他或她變成花生

🥜觀眾,這是今天我們社會充戚著的怪現象。」

不想打擾其他產婦作息 黎明:我不會再出現醫院!

黎明:不願意讓家人隨便曝光

早前,黎天王對於女助手阿Wing交往,且有了身孕就曾作回應,同時他強調:「我作為父親必須保護好我自己的家人,更不願意讓家人隨便曝光,相信作為家長也會有同感。」,表明家人不想被媒體打擾。

不想打擾其他產婦作息 黎明:我不會再出現醫院!

51歲黎明做爸爸!

昨日有報道指黎明正式榮升爸爸!據悉阿Wing早產一個月誕下B女,母女平安,真係可喜可賀!不過由於係早產的關係,所以B女比較輕,只有五磅左右。

黎明
恭喜黎明做爸爸!

前妻樂基兒大方送上祝福

雖然據報道指51歲黎明已經升呢做老竇,但佢仍然未有更新網誌,向外正式公布任何消息。另外,黎明前妻樂基兒在接受訪問時,就大方表示透過WhatsApp向前夫送上祝福:「Congratulations and Happy For Them。」

樂基兒隔空送蛋糕?

另外,樂基兒就喺社交網上載一張朱古力蛋糕嘅相,並留言指個蛋糕係自家出品,外界即時猜想是否樂基兒有心整餅隔空送俾黎明,用作祝賀佢榮升老竇?

李治廷稱b女做「小公主」

另外,昔日為黎明旗下藝人,以及曾與阿Wing傳過緋聞的李治廷,得知黎明做老竇嘅消息後亦有祝賀黎明,以「小公主」稱呼黎明個B女:「Congratulations to Leon and Wing! 恭喜小公主的來臨!」

大把人等住慶黎明

而據悉黎明好友雷頌德對於黎明b女係咪已經出咗世,佢就笑住回應:「若果老友嘅BB真係早產,都唔得閒覆我啦!所以我真係唔知。」另外,文詠珊(Janice Man)都有祝福前老闆黎明,祝BB女快高長大!

黎明女助手新寵曝光

一個多月前,外界都一直以為黎明未走出情傷,但其實他去年已有著落,與其唱片公司AMusic的女助手阿Wing過從甚密!獲黎明寵幸的阿Wing進駐上水雙魚河St.Andrews Place的6千呎獨立屋,又在AMusic任營業部經理,可以話係打晒骰。成為天王新寵不特止,阿Wing更狗年報喜將榮升人母,現時陀B六個月!

黎明
黎明新寵Wing Chan
黎明
黎明新寵Wing Chan

黎明新寵阿Wing 陀B出巡

這段養胎日子,阿Wing繼續自由出入黎宅,早前本刊拍得黎明由司機接載離開寓所工作,之後阿Wing獨自駕車外出,直駛沙田「Homesquare」,該處集中售賣家具及家品。現場所見,阿Wing當日身穿白色薄羽絨內襯黑色連身短裙,下車後清楚可見佢腹部已明顯隆起,目測已懷孕六個月以上,不過佢未有水腫,而且健步如飛。

黎明
早前阿Wing由黎明寓所出發去shopping,見到佢腹大便便、剪了頭短髮,掃家品、睇BB床,連車都睇埋!

睇中七人車

據知阿Wing已為生B作好準備,早前把頭髮剪短,以免搶去BB營養,看她精神不錯,腳骨力特好,行足幾個鐘頭街都未見要休息。入到商場,阿Wing第一時間行到車行,望住門口陳列價值約35萬的七人車「Noah」,佢睇得入神更用手機影低,車行經紀見佢一身名牌似足闊太,即落足嘴頭力Sell,除殷勤招呼上車試坐,又埋枱傾價錢同細節。

黎明
阿Wing試坐後同經紀密密斟。
黎明
阿Wing對呢部價值約35萬的七人車甚有興趣,仲拎手機出來影低部車。

之後阿Wing拎住新車資料離開,還邊行邊研究。據知呢款車與黎明得力助手子泉駕駛的七人車同款,阿Wing為方便產後與B外出,亦想把現時駕駛的福士小房車換成七人車,與子泉睇齊。

黎明
阿Wing逛完家品店又狂掃籐器,自己一手一腳搬上床。

再睇BB床

其後阿Wing再折返商場逛嬰兒家具店,主攻日本品牌的BB床及被具,見佢細心研究每張床的資料,最後睇中一張可延伸長度及與大人床拼接的BB 床,不過佢未有落訂購買,並向售貨員表示要與家人商量後先決定。

黎明
當日阿Wing喺呢間日本嬰兒家具品牌店行咗好耐。
黎明
阿Wing對呢張可延伸的BB床特別有興趣,BB床連同日本製被具及其他床具等,共值約7千元。

更多精選內容