3姊弟舞動開心暑期課程 跳出夢想

3姊弟舞動開心暑期課程 跳出夢想

暑假就到,我呢個廿四孝媽媽,又要為 3 姊弟安排暑期活動喇!雖然佢哋都鍾意跳舞,但係年齡唔一樣,唔適合三個讀同一個暑期課程,所以我根據 Keicy、Kassy 同 Par Par 嘅性格特點,喺 SDM 爵士芭蕾舞學院,揀選適合佢哋嘅暑期跳舞班,並從中學習同體驗新事物。

愛熱舞的 Keicy -「舞動奇緣巡遊表演課程」

Keicy 學跳爵士舞已經有一段日子,加上高得快,手長腳長,跳舞越嚟越好睇。 Keicy 鍾意熱鬧,SDM 嘅「舞動奇緣巡遊表演課程」就最啱佢,因為學完節奏強勁嘅勁歌熱舞後,8 月 11 日,會跳入香港迪士尼表演呀!

相信大家都知道 Keicy 好鍾意去迪士尼樂園,唔知化身成為表演者嘅體驗,會唔會令佢想成為一個專業舞蹈員呢?

 

愛做公主的 Kassy -「夢想舞會舞台課程」

Kassy 除有學跳芭蕾舞外,仲同好多小女孩一樣,渴望喺城堡同好友開 party,不過 Kassy 天生比較怕醜,好少約人,所以我幫佢報讀 SDM 嘅「夢想舞會舞台課程」,喺暑假學跳百變舞步,做好準備,喺 8 月 5 號,踏上帝京酒店嘅童幻畢業舞台,大玩 CATWALK 秀、面部彩繪、DIY 公主相架/皇冠及天鵝湖肥皂。

可以同一大班小朋友一齊做公主,開 party,一定係佢人生最難忘嘅盛夏回憶!

愛探索的 Par Par -「職業探索舞台課程」

自從返咗幼稚園之後,Par Par 自信 level up,更加勇於探索新事物,半個月前參加賣旗活動嘅時候,仲會主動上前同人打招呼!

為咗滿足 Par Par 嘅好奇心,我幫佢報讀咗 SDM 嘅「職業探索舞台課程」,令平時有跳開 Hip Hop 嘅佢,一試各個職業主題舞蹈,9 月 1-2 日更可以登上大型舞台,喺童夢城舉行嘅畢業禮上表演。

表演完,唔只可以探索三大理想職業 (太空人、機師和空中服務員、醫生和護士),仲會化身「食物設計師」,DIY 自己心愛口味嘅合味道杯麵 / 出前一丁,真係又食又玩又拎呀哈哈!

 

好期待 Keicy、Kassy、Par Par 完成 SDM 2018 暑期課程「舞動奇緣巡遊表演課程」、「夢想舞會舞台課程」及「職業探索舞台課程」後,對我展露開心又滿足嘅笑容,令我知道,佢哋擴闊視野之後,將會更有力量,朝住自己嘅夢想,勇往直前!

 

FB: KeicyKK

更多精選內容