陪月血淚屎之謎底解開了 極品爸爸登場!!

陪月血淚屎之謎底解開了 極品爸爸登場!!

自從陪月血淚屎成為媽媽界嘅熱門話題之後!好多媽媽都有一個疑問,就係「懶惰媽媽」咁「重口味」,點解佢嘅另一半會頂得順嘅呢? 今日,謎底終於解開了!原來⋯⋯ 一樣咁「重口味」架⋯⋯

文尾又有彩蛋!陪月姐姐醒你飲滴雞精嘅貼士!

原文:「陪月辛酸。血。淚。屎」專頁 (文章獲作者授權轉載)圖片:東方新地、myTV截圖

懶惰媽媽5 原文如下:

第12朝! 我終於頂到呢日!

懶惰媽媽繼續灘在床上,我入房請她先沖涼後午飯。

懶惰媽媽:我今日想餵下阿B。

我有無聽錯? 佢終於醒覺? 終於諗起自己生咗仔?

我:好! 午飯後個餐奶比你餵。

午飯後,我幫阿B沖埋涼。

懶惰媽媽見阿B喊肚餓:我想試下開奶粉。

我:好! 你識5識? 去洗手先! 阿B呢隻奶粉120ml水2羹奶粉。先落80ml凍水,後落40ml熱水,再落奶粉。奶粉我已幫你分好份量在奶粉格。

陪月
我有無聽錯? 佢終於醒覺?

懶惰媽媽立即打開奶粉蓋,馬上落奶粉!

我:5係吖! 你要洗手先吖! 再嚟就係先落水,後落奶粉! 你睇吓,依家啲奶粉黐住晒個奶樽。你攞第2個奶樽再試。

懶惰媽媽聽到洗手2個字,好大反應:我今朝沖涼時已洗咗1次,食完午飯又洗咗1次!

我:乖喇,阿B要乾淨環境成長! 否則食咗落肚,辛苦既係阿B。

懶惰媽媽好乖咁入廁所洗手。行返出嚟再攞起另1個奶樽。又嚟馬上打開奶粉蓋,落奶粉!

我:我講咗,奶粉格已有分好咗既奶粉。你咁樣嘥晒!

懶惰媽媽:哦,知道。

見佢又攞1個新奶樽,想攞起奶粉格倒奶粉!

我嘔晒血,究竟佢識5識聽人類既說話!

我出手阻止佢既動作:先落水,後落奶粉!

懶惰媽媽發晒脾氣:咁我5玩喇,你搞埋餵埋阿B。點樣做都5啱!

然後嬲爆爆咁入房。

陪月
嘔晒血!

婆婆見狀:5好意思,我女係咁。佢無經驗,我又太寵愛。加上佢大學又5係讀呢啲野。。。

我:婆婆,你講我聽大學讀邊科會教開奶? 我去讀個學位返嚟!

婆婆:唉,係我太縱容佢。

我:過咗18歲,已經成年人! 仔又生咗,你仲想點寵佢? 基本衛生常識都無!

(呢句語氣重左啲,真心衝口而出!)

婆婆:我會話下佢,不過佢老公都係咁。。。

我:先生外表都乾乾淨淨,對答如流。點解會忍到。。。懶惰媽媽?

婆婆:總之。。。我教得5好。以前習慣咗3幾日先沖1次涼,點知佢又學埋。識著個老公又1擔擔!

我心好想知點樣1擔擔?

我:我上工前見過2次面,佢哋2個都好正常,外表都乾乾淨淨架。。。

婆婆:今日阿B第12朝,你幫我整起啲子薑同紅雞蛋。佢老公話請左半日假,晏啲啲會帶埋親家返嚟探阿B,麻煩晒你。

極品爸爸出場嘞!

 

陪月
兩公婆,一擔擔?

極品爸爸 原文如下:

下午3點半,極品爸爸帶埋無品嫲嫲1齊返到。

極品爸爸:你好,陪月EE,呢位係我媽媽。

我:你好吖,嫲嫲。恭喜你添咗位男孫。

無品嫲嫲:哇! 你咁肥嘅! 肥到咁行5行到㗎?

我:我4肢活動正常~如果我連行動都5方便,邊個會請我返嚟幫手?

無品嫲嫲行埋BB床,想抱起阿B,卻無從入手,只好捉住阿B腳仔講:阿B,我係嫲嫲吖。你都幾大支嘢㗎喎,要我上嚟探你。

我比張8達燶阿B坐車去探你? 還是叫烏爸送阿B過去?

我:嫲嫲,洗咗手抱下阿B? 依家佢好得意㗎,成日撩人傾計!

極品爸爸:陪月EE,我媽媽洗手後才出門過嚟,乾淨嘅。

無眼睇,入廚房翻熱啲薑醋。

婆婆:陪月EE,我幫吓你手。

婆婆,你又嚟借我過橋?

入到廚房,婆婆仲要關埋門鎖埋。我感覺應該有國家基密講我聽。

婆婆:等陣你攞呢袋子薑紅雞蛋出去比親家,啲薑醋都多啲出去放枱面。今日要麻煩你喇!

陪月
無眼睇!

我知道事態嚴重,啲屎係會繼續嚟😭

我心驚肉跳咁攞晒啲食物放枱面。

見到極品爸爸撩完鼻屎,再揩落枱底。

極品爸爸:阿媽,埋嚟食薑醋。

無品嫲嫲望住我:你幫我裝起啲攞走。

說罷就攞咗個無蓋嘅10人飯煲內膽出嚟。

我:嫲嫲,呢個煲無蓋㗎喎?

無品嫲嫲:5洗搞咁多嘢喇! 你搵張保鮮紙封口就得喇!

極品爸爸繼續邊食邊撩鼻屎,照舊揩落枱底。

無品嫲嫲同極品爸爸,2個好似餓狗搶屎咁,掙嚟掙去。食到1枱都係豬骨薑汁鼻屎。

婆婆坐埋去無品嫲嫲身邊:親家,多謝你上嚟我。屋。企~探下粒孫。

無品嫲嫲:哇! 你知5知,我放低晒啲緊要事5做,專登坐車過嚟。

婆婆:要你咁頻撲,點。係。吖~我叫阿女出嚟陪你傾吓計。

無品嫲嫲:免得過就免! 2隻衰野1擔擔! 我仔已污糟邋遢㗎啦,點知識著你女,仲要結婚生仔,依家真係5知邊個負累邊個。

極品爸爸:係吖! 我最多4日5沖涼咋,我老婆勁到可以6日5沖涼,好難頂。

無品嫲嫲用佢隻沾滿薑醋嘅左手,大大力1嘢拍落極品爸爸個頭。

無品嫲嫲:講呢啲!

極品爸爸硬食咗1嘢,停低落嚟大叫:咪娜(工人姐姐)斟杯水出嚟比我,要加冰吖!

無品嫲嫲:墮Lin娜,比多杯我!

極品爸爸翻起件黑色恤衫, 抆長啲件底衫,用嚟抹手抹咀!

我英文突然叻咗,腦中係咁諗住:Oh my god & WTF!

陪月
事態真係好嚴重!

無品嫲嫲:好心阿仔你就咪咁哪喳! 啲衫褲有工人姐姐洗,你就勤力啲換吓,5好再著成個星期。

極品爸爸:我份工都5會出汗嘅! 5洗成日換衫,噴咗香水就夠。

咩理論? 大學生讀邊1科會教噴香水免沖洗? 我又想去讀個學位喎~

無品嫲嫲:咁你5換面衫,都換吓底衫褲,條條孖煙通,都滿晒屎漬!

陪月
點解可以天生一對成咁呀~~~~~~

極品爸爸轉話題:我叫你做嗰啲嘢做左未?

無品嫲嫲:攞咗5包過嚟咋! 你阿嫂買咗又5飲,放晒入冰格,5知佢想點!

極品爸爸:如果阿嫂5飲,你就攞晒過嚟喇! 你知5知呢啲叫滴雞精,好貴架!

無品嫲嫲:係咩? 咁我都5好蝕底飲返2包。

極品爸爸:好彩開刀5洗買好多補品,慳返啲。

無品嫲嫲:養到咁大粒,將來佢屎咗,燒咗啲骨都有排你執。

極品爸爸:咁土葬囉! 深圳大把山地賣。

去到大鵬灣咁遠?

踢你2個落城門河就算!

我見婆婆嬲到頭頂著晒火😤😤

 

貼屎:滴雞精1啲都5貴! 我平時自己都有飲開。無1定話產前產後才可以飲。

有助於恢復精神體力,補充營養

補益脾胃,提高免疫力,對抗疲勞,有助抗衰老👈👈

呢點最啱我!

Leon叫我5好空肚食早餐,所以我通常都早上空肚飲,15分鐘後才食早餐。

因為滴雞精係沒有添加防腐劑,所以1定要放冰格內冷藏,盡快飲用。

更多精選內容