當媽也要靚│母乳媽媽染髮無難度+染髮後護理需知

當媽也要靚│母乳媽媽染髮無難度+染髮後護理需知

懷孕前後

廣告

好多朋友同長輩對母乳媽媽染髮而有誤解,甚至有長輩更誤以為染完髮會影響餵哺母乳及令小B 敏感!好多朋友都知小JM係母乳B,朋友們都好好奇我係咪已經停餵所以可以染髮。

撰文:傑。斯與晴 | 圖片:傑。斯與晴

當媽也要靚│母乳媽媽染髮無難度+染髮後護理需知

打從懷孕已經超過兩年幾無染過髮啦,頭髮都已經變成兩個顏色,早前就趁著小空檔來個小變身,去咗Salon走返轉,去剪一剪呢堆亂糟糟既「草」!

好多朋友都知小JM係母乳B,朋友們都好好奇我係咪已經停餵所以可以染髮,其實唔係架, 小JM而家雖然26個月大,但晚上有時都需要飲媽媽奶,所以我都無諗住要刻意收奶或者幫小JM 戒奶,我同爸爸都認為要將呢個話事權還返俾小JM。

 

其實好多朋友同長輩對母乳媽媽染髮而有誤解,甚至有長輩更誤以為染完髮會影響餵哺母乳及令小B 敏感!與其估估下,不如了解多啲相關資訊裝備一下自己,以備不時之需!

母乳染髮 Q & A

1.) 餵母乳可以染髮嘛?

現時仲未有任何資料或證明顯示染髮劑或燙髮劑對餵哺母乳有影響。

使用染髮劑其實只會有少量滲入血液之中,

由於份量少所以被體內或血液吸收到嘅只得少量,因此對餵哺母乳嘅影響係極低。

2.) 染髮後要相隔幾耐先餵哺母乳?

其實係無明確時間嘅。

如果選用嘅染髮劑味道唔太刺激或濃烈的話其實染完都已經可以餵哺母乳。

3.) 染髮劑會有影響嘛?

不同染髮劑當然成份亦會有不同,孕媽或人奶媽媽可以選用成份天然嘅染髮劑。

可以揀選草本或植物染髮劑,但同時亦要注意所謂「天然」染髮劑有無添加化學成份。

除咗孕媽及母乳媽媽之外,其實大家都要係染髮前「做足功課」嘅。有好幾點我地都要留心注意架!

染髮小貼士:

1.) 要先做皮膚過敏測試

即使係家用染髮劑都好,使用說明都會提你做呢個小測試,可以了解自己會唔會對相關染髮劑產生敏感。

其實測試好簡單,只要將少量嘅染髮劑搽係手腕內側或頸後方呢啲皮膚較為幼嫩嘅,地方再等48~72小時即可。如果無過敏反應就可以染髮架啦。

當然,如果唔想煩次次試嘅亦可以去醫院做測試,咁就更加一目了然添。

2.) 唔好染眉毛及睫毛

雖然小JM媽唔會咁做,但係認識嘅朋友中亦有曾經試過染眉毛。

其實眉毛及睫毛嘅皮膚比較薄同敏感,醫生一般都唔建議使用染髮劑,以免造成過敏。

3.) 遇有不適需立即求醫

如染髮後出現不適就應該立即尋求醫治療,以免悄況惡化。

4.) 建議使用口罩

不過話時話,每次染完髮總係覺得啲頭髮「元氣大傷」咁,摸落硬係鞋手嘅。

今次小JM媽仲要一個月內染咗兩次,真係傷上加傷,無計啦,頭一次染完隻色又唔太鍾意嘛。所以小JM媽都落足心機去護理返好啲頭髮,希望唔駛個頭成隻獅子咁。

我都要多謝朋友俾咗啲小貼士我去護理染完嘅頭髮,同介紹我用Briogeo嘅修復系列。

 

染髮後護理小貼士:

- 建議使用具鎖色護色功效、性質溫和嘅洗護髮產品

- 盡量避免經常吹頭、參與水上活動及被陽光照射

因為呢啲都會破壞頭髮鱗狀表層,令頭髮容易褪色,損害髮質、失去光澤架!

參考資料:衛生處網頁