7大日常用品需常更換 以免影響健康

7大日常用品需常更換 以免影響健康

食物的有最佳食用日期,日常用品都有使用期限!以下7件日用品需要定期更換,因為使用過長時間有可能會滋生細菌,所以爸爸媽媽們就唔好偷懶,唔好等有污漬先換啦!

撰文:Sunday Kiss|圖片來源:新傳媒資料室

7大日常用品需常更換 以免影響健康

1. 牙刷

牙刷係我哋每一日都會接觸嘅日用品,刷牙後牙刷唔單止有水,亦有食物殘渣,長期將牙刷放置喺潮濕嘅洗手間好容易滋生細菌。再者好多人沖廁嘅時候冇放下廁所板嘅習慣,沖廁嘅時候廁所水帶來嘅細菌亦會依附喺牙刷上面。因此牙刷使用3個月左右就需要更換!

7大物品易滋生細菌需常更換 以免影響健康

2. 毛巾

毛巾亦係每一日都會使用嘅日用品,無論係洗面,沖涼都需要用到。好多人冇定時更換毛巾嘅習慣,只會喺肉眼見到污糟或發霉嘅時候先會換。濕毛巾放喺濕氣重嘅洗手間,變成細菌嘅溫床,再加上毛巾嘅纖維縫隙會藏有細菌。洗清毛巾只能夠短暫控制細菌滋生,最有效嘅方法都係每3個月更換。

7大物品易滋生細菌需常更換 以免影響健康

3. 枕頭

好多人都會定期更換枕頭套、被套,但忽略咗枕頭芯。枕頭長期累積細菌,除咗未清潔嘅頭髮細菌、仲有可能沾有口水同汗,形成一個天然嘅細菌溫床,唔單止會出現塵蟎,仲可能有曲黴菌。因此建議每3-4星期要清洗一次枕頭芯,一年左右就需要更換。

7大物品易滋生細菌需常更換 以免影響健康

4. 隱形眼鏡盒

雖然唔係個個都有帶隱形眼鏡,但有佩戴隱形眼鏡嘅人就需要留意!隱形眼鏡同眼睛接觸密切,有細菌會影響眼部健康,後果可以好嚴重。隱形眼鏡盒用耐咗盒嘅邊邊會有污漬,好多人會下意識用水喉水沖乾淨,但未抹乾水喉水就使用,水喉水嘅細菌就會混入穩形眼鏡護理液入面,導致細菌滋生。建議每3個月就要更換。

7大物品易滋生細菌需常更換 以免影響健康

5. 百潔布海綿

屋企有煮飯嘅家庭屋企一定會有百潔布海綿,用來清洗碗碟嘅污漬。但好多人習慣使用後將百潔布海綿放喺洗碗槽側邊,潮濕嘅環境容易滋生細菌,再次使用就會將細菌帶返落碗碟,影響健康,甚至導致產生沙門氏菌。建議每一個月就需要更換百潔布海綿。

7大物品易滋生細菌需常更換 以免影響健康

6.易潔鑊

易潔鑊慳油,係好多家庭主婦必備嘅廚具。但有研究顯示,易潔鑊喺高溫加熱嘅情況下有可能釋放有害物質,影響健康。所以一旦易潔鑊表面受損就必須要更換。

7大物品易滋生細菌需常更換 以免影響健康

7.沐浴球

唔少人都會用沐浴球幫手起泡,美聯社曾報導,一個沐浴球上藏著72億個細菌,而且亦會沾有洗手間嘅細菌,非常不潔。建議每3-4星期就需要更換。

ww143bp168-15

下一頁:5大方法 快速解凍急凍肉

更多精選內容