張繼聰一家球場晒幸福 單手抱囡囡「的」波  Man爆!

張繼聰一家球場晒幸福 單手抱囡囡「的」波 Man爆!

張繼聰日前喺網上po咗段抱住囡囡「的」波嘅短片,不過網民嘅焦點都落喺佢嘅肚腩上,發現阿聰以往fit爆嘅身材竟然走晒樣!而阿聰就解釋原來一切都係為咗角色⋯⋯

撰文:東方新地|圖片:張繼聰FB

張繼聰 為角色無悔

張繼聰日前帶住老婆謝安琪、囝囝張瞻、囡囡張靖(乳名KaKa Ball)一家四口去到石門嘅賽馬會傑志中心參加活動,佢喺網上po咗段片,留言話:「諗住『的』番一兩個鐘係個囡面前威吓,點知個波唔合作」原本焦點應該係佢又要抱住囡囡又要「的」波有幾高難度,但網民嘅金睛火眼第一時間留意到阿聰以往fit爆嘅身材竟然走晒樣,凸咗個肚腩出嚟!不過阿聰都好快作出回應:「將個焦點放係我個肚腩嘅朋友仔們,留意番,無錯,我係重咗幾十磅 (為咗角色,我無悔)」唔知係咩角色令阿聰要做咁大犧牲呢?

張繼聰
囝囝張瞻著晒成副踢波嘅裝備上身,睇嚟佢先係呢次活動嘅主角!
張繼聰
嗱嗱嗱!冇花冇假,個肚腩真係凸咗出嚟!

張繼聰單手抱住囡囡「的」波,要保持平衡,的確有啲難度,難得佢只有一兩下係「的」歪咗,都算係咁,不過個肚腩無論喺咩角度睇,都真係好凸出喎!

張繼聰張繼聰

之後張繼聰再上載同囡囡KaKa Ball單獨喺草地上玩嘅短片,仲攬到實一實,標明話係「浪漫」,sweet到呢,小心老婆呷醋呀!

張繼聰

張繼聰

張繼聰

睇翻昔日張繼聰嘅爆肌相,唔只有胸肌同腹肌,仲要操到青筋都現埋,真係拍得住張家輝當年拍《激戰》咁fit!

張繼聰張繼聰

更多精選內容