生仔生女有秘訣  真實個案證酸鹼飲食生一仔一女

生仔生女有秘訣 真實個案證酸鹼飲食生一仔一女

雖然話生仔生女都係自己嘅骨肉,不過相信好多父母對BB性別係有偏好,覺得分別生一仔一女至夠圓滿, 於是就不斷睇書、上網搵資料了解計算器、預計表、排卵期等方法及特徵,希望搵到必生仔或女的秘訣。好似Blogger Sin Mama 咁,最終就搵到酸鹼度飲食法最適合自己,又成功一擊即中,追到個女,可以光榮封肚!

原文:Sin Mama |編輯:Sunday Kiss 圖片:Sin Mama 及新傳媒資料室

生仔生女有得揀!?

當然無論小朋友係仔或女都一樣愛錫,但基於種種原因,相信大家都會期望小朋友嘅性別可以選擇!我就深信酸鹼度飲食法,自己及身邊朋友參考並依從飲食方法都可以達成心願!

生仔生女

食物可以影響BB性別, 其實網上同好多書籍都有講解 ,但係有好多個版本。 
我自己生仔嗰時,我食得好清,基本上好少食肉,老公就食好多肉。到生女嗰陣,就到返轉我食好多肉,一日淨係食一份菜,食好多肉,老公就食得好清,
唔知係真係有用定係咁啱?不過我就相信酸鹼度飲食法多過清宮圖 ,
飲食可以影響酸鹼度,咁就可以決定性別,就等同於啲人去飲中藥調理身體去生仔一樣,
不過因為我好怕飲中藥, 心裡面成日覺得飲中藥BB會變黑, 所以就選擇酸鹼度飲食法,呢個方法比較簡單直接!

生仔生女爸爸都要一齊配合

爸爸的精子與媽媽的卵子結合時,BB性別就已經決定咗。卵子的性別染色體為X,精子的性別染色體有兩種,一種為可懷女胎的X染色體,一種為可懷男胎的Y染色體。胎兒的性別就是X,Y這兩組染色體的精子競爭與卵子結合的結果所造成的。因每一顆卵子只能和一顆精子結合,理論上,生仔生女的機率分別是50%,但事實上卻非如此單純。

生仔生女

爸爸的兩種精蟲其性質並不相同,可懷女胎的X精蟲存活時間較長,約兩天,活動力卻較弱,在弱酸性(指比正常身體酸鹼度略酸)的條件下,活動力更活躍且存活較久。相反的,能懷男胎的Y精蟲,存活的時間較短,約一天,活動力卻較強,且在若鹼性(比正常身體酸鹼度略鹼)的條件下,活動力更強且存活得較久。

性別不同的兩組精蟲性質既然不同,當它們有機會進入女性陰道中而游向卵子的這段存活時間裡,女子陰道及子宮的酸鹼度就會造成這兩組精蟲受到差別待遇,從而影響生仔生女的機率了。此一關鍵也是生仔生女特別門診中重要的一環。

生仔生女

另外,在統計學上有趣的現象也可供參考,一般來說女子營養較佳而男子營養略差者懷女胎機率較高,相反,女子營養較差而男子營養較佳者則較易懷男胎。

即係⋯⋯重點!都要老公肯配合先得!因為有啲老公係鍾意仔多過女,如果佢唔跟餐單,自己偷偷地狂食肉就都冇用,同埋要調節改變身體酸鹼度,並唔係一朝一夕嘅事,我就係生完個仔嗰時,因為要餵母乳,所以習慣咗食多啲肉,所以都接受到。

生仔生女酸鹼度飲食法

簡單嚟講,就係想生仔嘅話,老公多吃酸性食物
,老婆多吃鹼性食物。
想生女呢,老公多吃鹼性食物
,老婆多吃酸性食物。

下面給大家一個食物酸鹼度參考:

酸性食物

弱酸性︰大麥、麵粉、白米、麵包、牛油、鮑魚、蝦、雞蛋、豌豆、油炸豆腐、啤酒
中酸性︰小麥、火腿、煙肉、雞肉、豬肉、牛肉、鰻魚
強酸性︰胚芽米、蕎麥粉、燕麥、生蠔、魚乾、三文魚、元貝、魚蛋、蟹、蛋黃、乳酪、柿

鹼性食物

弱鹼性︰紅豆、洋蔥、豆腐、高麗菜、粟米、扁豆、豌豆夾、露筍、蕃薯、茄子、蓮藕、蘋果、菠蘿、車厘子、梨子、桃子、西瓜
中鹼性︰大豆、菠菜、紅蘿蔔、蕃茄、南瓜、士多啤梨、香蕉、柑、梅、檸檬、蛋白

拉姑生霆鋒婷婷 都係一擊即中

據聞拉姑嘅生仔秘方,都係同酸鹼度飲食法有關。當年四哥想生仔先,於是拉姑喺安全期兩個星期,就畀四哥日日食兩打生蠔,生蠔係強酸性食物,結果持續食咗3個月,拉姑就有咗霆鋒喇!

生仔生女

千億新抱徐子淇 追仔飲鹼性水

徐子淇幫李家連生兩個女之後,都同老公試盡生仔秘方,仲公開表示自己進食有配合酸鹼度,仲飲埋鹼性水,而老公就多吃肉,終於喺2011年同2012年,就一連生咗兩個仔喇!

生仔生女

都要配合正常作息

生仔生女

其實靠均衡的飲食來改善身體,是持續而累積的,因此需要一段時間的適應及調整,所以至少應於懷孕之前的一年,就開始動手實行,才會比較有效果。
另外,除了準媽媽本身的控制之外,準爸爸也必須和妻子同心協力,一起進行飲食控制,並維持規律的日常生活作息,避免過度操勞的狀況發生。

對日常生活有咩影響?

我哋計劃生妹妹嘅時候,其實都幾大勇氣!爸爸要食少啲肉,男人啊!食少咗肉真係會冇力(爸爸講的!特別係爸爸要教人踩滑板,體力透支大!為咗見前世情人,幾艱辛,爸爸都撐過去!)

生仔生女

而我呢!?我本身唔太鍾意食肉,一日嘅食肉量都唔多過一個手掌,而計劃有妹妹嘅兩年間,我就食咗好多肉,應該多過哂我前半生嘅肉量,去到最後期,我連放個屁都勁臭!(食菜多果時,係冇味嘅,亦好少放屁)

生仔生女

可能會有人問我,點解咁辛苦自己!生仔生女都係自己既!冇必要控制男定女!每個人都有自己嘅需求,我好希望可以有一仔一女,如果不靠飲食調節,單單睇「機率」,我生咗兩個仔,我一定會想追多個女,但礙於種種生活條件因素,喺香港⋯⋯ 又有幾多家庭可以生三、四個小朋友呢!

希望今次分享,可以給大家多一個參考!

延申閱讀 : BB性別有得揀?中醫:「酸鹼度理論」可參考

生仔生女

 

更多精選內容