曾華倩

曾華倩囝囝代表港隊出賽 19歲Martin仲高過袁文傑

育兒

廣告

現年51歲的曾華倩近年較少現身幕前,只係主持亞視《今晚夜》節目,減少工作,全因佢做要照顧寶貝仔林浩賢(Martin),日前曾華倩喺社交平台大晒同鄭浩南、袁文傑同吳家樂機場及機上的合照,相中仲見到華倩19歲大嘅囝囝Martin似乎仲高過6呎2嘅袁文傑,而且青靚白淨幾俊俏㗎!

原文:東方新地 |圖片:曾華倩IG

曾華倩囝囝代表港隊出賽

曾華倩日前喺ig貼咗同鄭浩南嘅合照,佢話:「昨天早上,在機埸偶遇多年沒見的Mark哥鄭浩南,還在同一班飛機去同一地方。真巧合!」

凍齡拍檔

52歲曾華倩同53歲嘅鄭浩南,其實曾經喺91年合作拍過劇集《夢裡伊人》,同劇嘅仲羅嘉良同李婉華,呢日見佢哋嘅合照就見二人好似食咗防腐劑咁,冇乜變樣。

曾華倩喺機場除咗撞見鄭浩南,仲撞到袁文傑同吳家樂兩位好友,華倩留言:「他們出發去國內拍攝TVB古裝電視劇。真有緣呢!」相中仲見到華倩個囝囝Martin,唔講唔知,Martin其實係香港泳隊,呢日佢就代表港隊出發去吉隆坡參加「第61屆馬來西亞公開游泳錦標賽」,真叻仔呀!

單親媽媽不易做,離婚後華倩全副心機培育兒子,Martin兒時送咗張卡畀佢,上面寫上「I LOVE YOU」,華倩收到後忍唔住影相同大家分享仲話開心可以好簡單,睇得華倩真係甜到入心!

女星曾華倩2002年離婚後,全力照顧兒子林浩賢(Martin),兒子測驗、考試她都陪伴溫習,每天清晨5時更不辭勞苦接載Martin往練水,兒子參加游泳比賽亦定必出席,就連到外地比賽都一齊去,以行動去支持兒子。Martin在泳壇獲取佳績,被譽為「喇沙飛魚」。