邱淑貞二女沈日｜ 女大十八變 愈大愈靚女
廣告
歌神張學友上月尾喺台北小巨蛋舉行最後一場演唱會，好友梁家輝、劉嘉玲、梁朝偉、曾志偉、梁家輝、上山詩鈉及杜德偉等都化身小fans，專程飛到台灣為學友捧場，陣容超豪華，而邱淑貞更加同埋老公沈嘉偉同三個囡囡舉家睇騷，其中甚少在公開場合現身嘅邱淑貞二女沈日，更加係愈大愈靚女，似足邱淑貞咁靚呀！
原文：東方新地｜圖片：網上圖片
邱淑貞二女沈日 女大十八變
張學友喺台北舉行嘅《A Classic Tour》世界巡演演唱會尾場引來眾多好友捧場，而學友完騷後亦好識做，專程跑到包廂同大家合照吹水，仲向梁朝偉送上親密嘅抱抱！
喺演唱會上偉仔同嘉玲聽歌都聽得好投入，一路笑住一路輕輕揮動螢光棒。
邱淑貞全家福首曝光 二女都好靚女
多相中的亮點，就是由嘉玲post的一張邱淑貞(豆斗)一家五口同學友的合照，他們的全家福是首度曝光㗎！大女沈月亦是公認的靚女，靚樣似足媽咪。至於甚少喺公開場合露面的13歲二女沈日，同樣遺傳豆斗嘅優良，真係愈大愈靚女，至於現年7歲嘅三女沈晨的也是個可愛小美人。
睇番沈日童年的打扮比較男仔頭，而且愛跳跳紮，是屬於可愛型的小女孩，估不到多年後，一洗小男孩的打扮，少女味愈來愈濃，仲愈大愈靚女！至於7歲細女沈晨，都係眼大大輪廓分明，有美人胚子，相信長大後都似媽咪邱淑貞！
梁家輝都有帶埋老婆同一對雙胞胎女兒Nikkie、Chloe一家四口搵學友合照，不過睇家輝個樣好似唔多高興，唔通呷醋囡囡鍾意學友多過鍾意老竇？
帶老婆昆凌一同到場嘅周杰倫感性留言：「學友哥的一幫老朋友從香港特別過來支持，這種感覺真棒，希望我以後也有這樣的朋友，今天到了『祝福』這首歌的時候，我終於懂了平常歌迷的感覺，原來聽到老歌的感覺，真好，謝謝學友哥，給我們一場這麼棒的演唱會。」
曾被嘉玲讚似後生版偉仔嘅吳肇軒，亦有同偉仔、梁家輝合照。
