林芊妤Coffee 宣布陀B仔三個月

林芊妤Coffee 宣布陀B仔三個月

現年28歲的藝人林芊妤Coffee,2016年時公開與圈外男友翟志榮(Weng)的戀情,兩人拍拖以來一直感情穩定,早前更透露有結婚共識。但今日Coffee被爆同男友已經入紙申請結婚!原因係Coffee早前發現自己意外懷孕,現時已陀B三個幾月,已經知道係男仔。所以提早上星期秘密入紙結婚,雙囍臨門呀!

原文:東方新地|圖片:Instagram

林芊妤Coffee陀B仔三個幾月

林芊妤Coffee今日接受傳媒訪問,表示今次雖然係意外懷孕,不過佢自己同準老公都好開心,雙方家人都好高興。Coffee現時陀B三個幾月,預產期為11月,而且已經知道BB係男仔,不過佢過自己鍾意女仔多啲!

Coffee早就打算今年底與男友拉埋天窗,計劃低調旅行結婚,不過依家有咗BB,可能旅行都唔會去,同家人食餐飯就算!

Coffee在FB宣布自己懷孕未夠四個月,希望好好工作及養胎。以下是Coffee FB全文:

我懷孕差不多4個月了
本來想現肚才公佈
但傳媒實在太厲害
那麼快就被發現了
還以為自己收得很秘密
報導一出就收到很多人的祝福
也在此向大家公報好消息吧
其實跟我男朋友一直也很低調
而兩年來的感情也很穩定
一直視對方為結婚對像
本打算今年年尾簡單旅行結婚

但三月突然收到這意外驚喜
所以加快了結婚的日期
這幾個月一方面要工作和教瑜珈
而肚中的BB也令我經常很累
所以旅行結婚的計劃也被我取消了
我現在只想繼續工作和好好養胎
而且也不想給自己多餘的壓力
所以將會一切從簡和低調進行
再一次感謝大家的祝福
我全部收到了
謝謝

三個月的肚子呢?

 

大肚教瑜伽

Coffee一向喺社交網站十分活躍,經常上載靚相大晒弗爆身材,今日見到佢戴住口罩自拍,表示病咗仍繼續教瑜伽班。不過重點係佢身型都仲係咁弗,完全唔見肚!

Coffee很多學生都是圈中藝人,包括去年誕下囝囝Baby Lee的胡杏兒。上個月杏兒就跟住Coffee去學做瑜伽,不過話晒都有番咁上下年紀,胡杏兒做倒立同拱橋時都大呻辛苦,佢仲諗番起06年增肥到152磅拍《肥田囍事》時,每次做訪問記者都會問佢覺唔覺得自己犧牲好大,佢話自己當時每次都會回答:「又唔係唔俾我瘦返轉頭,唔俾瘦返就話大犧牲啫!」

胡杏兒
第三堂瑜伽胡杏兒已經要做head stand倒立。
胡杏兒
胡杏兒產後五個月其實已極速修身成功,但佢仍學做瑜伽,為keep fit大業不斷努力。
胡杏兒
胡杏兒話Coffee係魔鬼教練!佢仲狂呻話:「明明小時候做拱橋一點難度也沒有,現在為什麼這麼辛苦!!」

更多精選內容