白衫變黃點算好? 去汗漬就靠佢!

白衫變黃點算好? 去汗漬就靠佢!

白衫有汗漬、變黃,點算好?

最近迪迪爸檢查櫃桶入面既衣物👚👔👖👗時,發現大多數白tee👚腋下位置發黃,甚至變黑,有一部分仲係買咗唔係好耐,點解會咁呢😱?

撰文:迪迪媽 圖片:迪迪媽、新傳媒資料室

唉,我地諗咗好耐🧐,終於諗到可能性,應該係因為迪迪爸而家每日都係行路🚶‍♂️返工放工嘅關係,令本身大汗嘅佢更加大汗💦,日積月累而形成嘅😓。

 去汗漬

但係望住堆衫,有d仲新新哋,真係唔捨得就咁丟咗佢🗑,所以迪迪爸交低咗堆衫比我,叫我搞搞佢😓

今次迪迪媽要拎出神奇💡小法寶,救救呢堆衫💪🏻

🌟神奇小法寶 – 過炭酸鈉🌟

去汗漬

過炭酸鈉係一種天然環保高洗滌價值嘅物質,有人會叫佢做氧系漂白劑,有圖案嘅白色衣物都可以使用,佢具有漂白、殺菌、去污、除異味、軟化水質🚰等功效,仲可以令色澤更加明亮✨,而且仲可以係大自然中自然降解,相當環保,價錢仲相當平,我買450g,一張20蚊紙都仲有找😍,真係好抵用👍🏻

過炭酸鈉係白色粉狀物,需要用密封既器皿⚱️裝好,避免直射陽光🌞,保持乾燥,使用時用水🚰唔好超過40度,最重要係唔好比小朋友輕易攞到!

 

簡單介紹完過炭酸鈉之後,就梗係要實測啦!

1)將微暖嘅水(唔超過40度)加入桶內
2)倒入過炭酸鈉
3)用棍攪拌至完全溶解
4)放入衣物
5)浸泡30分鐘,或視乎污漬嚴重程度浸泡更長時間(唔超過2小時)
6)過水洗淨

去汗漬

睇圖可以睇到洗前洗後嘅差異,件衫真係白咗好多,衣物上嘅顏色都完好無缺👚,而且使用簡單方便,又平💰又抵用,係非常值得推薦同值得入手嘅去汗漬法寶!

其實除咗可以用黎洗衫,仲可以洗其他野,例如清洗洗衣機、抽油煙機、茶漬、咖啡漬、浴室等等⋯⋯⋯⋯🤔🤔🤔🤔

Facebook專頁:迪迪媽の生活誌

更多精選內容