陪月血淚屎 – 遇上地獄廚神  BB加固食呢啲?

陪月血淚屎 – 遇上地獄廚神 BB加固食呢啲?

陪月姐姐有朋友因為BB加固很唔肯食嘢,搞到跌出生長線,於是受朋友所托上門「迎救」,點知一上門就遇見地獄廚神婆婆,佢終於知道BB唔肯食嘢嘅原因喇⋯⋯

**文章尾段有BB加固小貼士**

原文:「陪月辛酸。血。淚。屎」專頁 (文章獲作者授權轉載)圖片:Youtube 截圖

地獄廚神婆婆 原文如下:

好朋友來電求救:2汪,阿B已經15個月大,加固好差,咩都5食,只飲奶,跌出生長線呀~

我度1度期:下星期我上嚟湊2日?

好朋友感激流涕:好呀😭😭😭可能我阿媽煮嘢5太好食。

我感覺奇怪:咁伯友平時煮咩晚飯俾你食?

好朋友:嚟嚟去去都係個啲囉,白烚菜外賣燒味煎蛋之類!

個日我買咗啲餸,就上門湊阿B。

地獄廚神嚟開門:我個女真係錢多,請個阿姐返嚟湊仔!

我笑笑口:婆婆~ 你好呀,你5洗理我㗎,你照平日咁煮粥仔就得㗎喇!

近中午,地獄廚神煮咗1碗灰色嘅物體出嚟,杰撻撻1堆,聞落仲臭臭地。

我搲爆頭:婆婆,呢碗咩粥嚟㗎?

地獄廚神:蘋果魚肉粥!

陪月

椒絲腐乳西瓜啲Friend?

我個下巴跌咗出嚟:蘋果魚肉粥? 點煮法?

地獄廚神1臉自信:你唔識煮野嘅咩? 蘋果去皮去芯,切粒煮爛,加埋街市買個啲鯪魚肉同埋米落去煲吓囉!

我起1匙羹仔放入口,又腥又臭,好似食緊嘔吐物嘅感覺!

我:婆婆,你煮完出嚟有無試味㗎?

地獄廚神仲要懶得戚咁嘅樣:我覺得好好食喎~

我抱阿B坐上High Chair,未餵已喊。

地獄廚神:你識5識湊㗎? 餵粥仔咁餵嘅咩?

講完1手抱起阿B,夾住阿B喺胳肋底,好似餵藥咁迫阿B食。阿B不停掙扎,全部Bu晒出嚟。

我超心痛:婆婆咁樣5得㗎喎,啲粥5啱阿B口味呀!

好很難食。。。

地獄廚神:咁叻你嚟煮囉! 我自己煮飯食呀!

我烚熟1個細薯仔,用叉拮爛,加啲BB芝士,20分鐘就煮好。

聞落已經好香,阿B坐定定不停口,1陣已經食晒。

地獄廚神:薯仔食得嘅咩? 薯仔燥呀! 芝士係鬼佬嘢5啱阿B食!

奶粉都係鬼佬嘢嚟㗎喎!

我😑:婆婆,你講俾我聽阿B食過啲咩,同埋你認為5食得啲咩?

地獄廚神:食過雞蛋橙粥、香蕉魚肉粥、蘋果青椒粥,呢類淋啲嘅粥囉,阿B得8隻牙咋! 菜只可以食菜心,正氣啲。瓜類個啲好涼5食得,粟米紅蘿蔔未試過。肉類都未開始俾B,怕佢躁吖!

我吸1大啖氣:生果還生果嘛,點解要加入啲粥到呢?

地獄廚神:煮過嘅生果無咁涼呀! 啲米又會快啲淋。

我想像到阿B每日都食緊屎。。。

我唯有努力講解:婆婆,阿B已經15個月大,有8隻牙,基本上咩肉都咬到! 肉係5躁嘅,如果你識得煮嘅話! 你哋啲老人家話最毒係鴨肉,其實鴨肉係最溫和! 菜類,瓜類全部阿B都食得喇! 盡量避免1啲甘味嘅食材,例如:苦瓜/芥蘭/潺菜。魚可以買3文魚吞拿魚海魚類,海魚大肉啲,無咁多骨。生果切細粒啲,5洗煮嘅,用凍滾水沖吓就得!

地獄廚神:我無咁好氣呀! 我食咩佢食咩就最好!

我望1望婆婆蒸出嚟嘅。。。應該係肉餅,仲係淺粉紅色喎!

我再講:婆婆,你個肉餅蒸咗幾耐? 豬肉要煮熟啲。

地獄廚神:你識咩吖! 我撈咗啲梅香鹹魚肉落去呀!

我試1試味,哇! 咸到喊!

 

我衝口而出:婆婆,你5係諗住俾阿B食吖?

地獄廚神:我女5俾我煮隔夜餸俾阿B㗎! 呢碟我1個人可以食357日㗎喇!

我再出力教:婆婆,其實煲粥仔真係好簡單。米係5洗煮好耐㗎! 你用個細細個嘅保溫瓶,落1杯米再加1L水,焗2個鐘,啲米已經開晒。倒出嚟加啲涷滾水再滾起,加埋肉同菜,已經搞掂2餐。

地獄廚神:唉,我5識呀! 5好教我! 煩到屎,樣樣都要做,佢2公婆咩都5幫手又要求多多 又話要請個工人返嚟,我講咗請1個我就鬧走1個!

呢啲老人家真係作賤自己🤦🏼‍♀

BB加固小貼屎:

半歲後可加固,每樣新加嘅食物,最好連試2日,睇吓有無過敏反應。

最初可試吓蘋果蓉。買啲粉粉哋嘅蛇果,用凍滾水洗1洗,切半去芯,用鐵匙羹慢慢刮出果肉,直接餵阿B就得。

香蕉蓉:用叉篤爛就可以食得。要注意,有啲BB食咗後啲屎屎會有啲奇怪,會有1條條黑色好似紅蟲咁嘅物體,5洗怕,係正常嘅。

菜蓉:烚熟啲大葉嘅菜類,如菠菜等。切碎再回煲輕輕煮1吓。

南瓜蓉/紅蘿蔔蓉: 切粒蒸熟,用叉篤爛就可以了。5洗加奶去開成糊狀! 1字記之曰:焗! 蒸10分鐘,5好開蓋焗多10分鐘。

魚類。我自己會選擇海魚類,無咁多骨,味道又好啲。蒸熟後灘凍,用手去感覺吓啲魚骨位置,要好小心咁起肉。3文魚吞拿魚買雪藏嘅已經好夠。

肉類:其實咩肉都食得,剁或攪得碎啲就無問題。

1歲前盡量5好食:

蛋白—容易敏感

粟米—個外衣難消化

西蘭花—會藏咗好多菜蟲

奇異金果—撞埋奶粉/母乳會肚瀉

未出牙前粥仔可以稀啲,出咗4隻以上牙仔,就可以杰啲。

另外,阿B需要有1套自己嘅煮食用具,呢點係好重要!

最基本:

2塊細細砧板,1塊處理生嘅食物,1塊切生果。

2把刀,1把處理生嘅食物,1把 切生果。

1個保暖杯,用嚟焗米。

又5係話餐餐都要食粥仔嘅,可以煮吓字母粉/通粉/掛麵/鳥東。

有時想懶吓,可以煮吓薯蓉加BB芝士;或烚啲字母粉加入原味BB乳酪再加生果;蒸吓茶碗蒸又得~

顏色要吸引,最緊要要試味呀!

更多精選內容